Arxeoloqlar İsa Peyğəmbərin türbəsinin dəqiq yaşını AÇIQLADILAR

Arxeoloqlar İsa Peyğəmbərin türbəsinin dəqiq yaşını AÇIQLADILAR
14:36
01.12.2017
3745
Maraqlı
A
Xristian dünyasının ən müqəddəs məkanı İsa Məsihin sərdabəsi hesab edilir.

 "Ölkə.Az" xəbər verir ki, arxeoloqlar türbənin dəqiq yaşını hesablayıblar.

Bu sual uzun müddət mübahisə mövzusu olub. Çünki əsrlər boyu məbəd qarət və yanğınlara məruz qalıb. Bundan başqa baş verən zəlzələləri də qeyd etmək lazımdır. Məbəd 1009-cu ildə ərəb işğalı dövründə tamamilə dağıdılmışdı. Sonra isə səlibçilər tərəfindən bərpa edilib.

Qədim xristian mənbələrinə əsasən, romalılar İsanın dəfn edildiyi ehtimal edilən mağaranı axtaranda (söhbət 335-ci ildən gedir) onun üzərində 200 il əvvəl edilmiş Venera məbədini aşkar edirlər. Qüds dağıdıldıqdan sonra imperator Adrianın inşa etdirdiyi bu məbəd bütpərəstlik dininə aid idi.

Konstantin isə bu məbədi dağıdaraq mağaranın üstündə İsa Məsih sərdabəsi inşa etməyi əmr edib. Müasir analizlər isə, bu əfsanələrin real olduğunu sübut etdi.
Sərdabə və onu örtən mərmər pilətə arasından əldə edilən inşaat materialının analizi gösərir ki, romalılar 345-ci ildə tikinti ilə məşğul olublar. Analiz fərqli iki laboratoriyada aparılıb və nəticə eyni olub.

Bununla yanaşı, Nazaretli İsanın sonuncu sərdabəsinin məhz bu olduğunu söyləmək mümkün deyil. İsa 30 və ya 33-cü ildə Qüdsdə çarmıxa çəkilib. Edamdan sonra İsanı məhz bu sərdabəyə yerləşdiriblər.Ehtimal edilir ki, sərdabənin üstünü örtən mərmər pilətə 1555-ci ildə quraşdırılıb. Başqa mənbələrə əsasən isə mərmər 1300-cü illərdə quraşdırılıb.

Bəlkə də mərmər pilətə 1009-cu ilə qədər, yəni ərəblər tərəfindən dağıdılana qədər mövcud olub. Aşağı hissədəki pilətə isə ehtimala əsasən, Konstantin tərəfindən quraşdırılıb.
Götürülən nümunələr sübut edir ki, romalıların məlumatları doğrudur. Bundan başqa bərpa işləri XVI əsrdə aparılıb.

Hikmət Həsənov
Ölkə.Az

ŞƏRH YAZ
0

Kirpiklərimiz niyə tökülür?

Kirpiklərimiz niyə tökülür?
20:45
15.10.2018
2351
Maraqlı
A
Göz qapaqlarının dərisi üzlə oxşar olsa da, daha incədir və tez yaralana bilir. Qapaqlar tez sağalmağa meyillidir. Bu müsbət cəhət onların qoruyucu vəzifəsini artırır. Kirpiklər gözəllik rəmzi olsa da, onların fərqli vəzifələri var. Ana bətnindəki dölün kirpikləri hamiləliyin 22-26 həftəsində əmələ gəlməyə başlayır.

"Ölkə.Az" xəbər verir ki, bu sözləri AzərTac-a müsahibəsində oftalmoloq Leyla Qəhrəmanova deyib.

Bildirilib ki, mexaniki epilyasiyadan sonra kirpiklərin uzanmasına ayrılan vaxt 7-8 həftədir: “Bəli, iki ay vaxt lazımdır ki, tökülən kirpiklər bərpa olunsun. Saçlarda olduğu kimi, kirpiklərin də uzanması üç fazadan ibarətdir. Bəzi alimlər isə bu uzanmanın daha gec olmasını qeyd edir. Üst göz qapağında 90-150-ə qədər kirpik olur. Alt qapaqda isə bu say 70-80-ə çatır. Kirpiklərin uzunluğu 10 mm qədər çata bilər. Göz qapaqlarında kirpiklərin köklərindən başqa bəzi piy vəziləri də yerləşir. Bu vəzilərin vəzifəsi kirpiklərin kökünü, qapaqların kənarını, həmçinin buynuz qişanın səthində yağlamaq ilə çox mühüm vəzifə daşımaqdadır. Kirpiklər qapaqla birgə bu piy qatını buynuz qişanın səthində tam bərabər yayılmasına kömək edir. Biz yaşa dolduqca kirpiklərimiz tökülərək azalır və onların kökü məhv olur. Piy vəziləri də yaşın təsiri altında dəyişməyə məruz qalır. Siz qocalarımızın dəsmalla gözlərini sildiyini dəfələrlə görmüsünüz. Buna səbəb göz yaşı vəzinin ifraz etdiyi göz yaşının yetməməsi göstərilir. Bunun nəticəsi olaraq, yaş vəzilərin gözü təkbaşına quruluqdan qoruması çətinləşir. Kirpiksiz göz qapaqlarının necə qəribə göründüyünün və qalınlaşmasının yəqin ki, şahidi olmusunuz. Dediklərimizdən belə nəticəyə gəlmək olar ki, kirpiklərimiz və göz qapaqlarımızı qorumaq dişlərin qorunması qədər mühümdür. Kirpiklərimizin tökülməsi çox xəstəliyin işarət də ola bilər. Bu siyahı dəri xəstəliklərindən tutmuş sifilisə qədər uzanır. Kirpiklərdə parazitlər, gənələr belə yaşaya bilir. Qaşınma isə bu xəstəliyin çox vaxt yeganə əlamətidir. Kirpiklərimizin rənginin dəyişməsi, uzanması da yaxşı əlamət deyil. Buna səbəb keyfiyyətsiz kosmetika və ətraf mühit də səbəb ola bilər. Biz dişlərimizi gündə iki dəfə fırçalamalıyıqsa, göz qapaqlarımızın gigiyenasına da bir o qədər fikir verməliyik. Külli miqdarda şampun və dərman vasitələri alıcıların istifadəsinə təqdim edilir. Əslində, göz qapaqlarının və kirpiklərin öz şampunu olmalıdır. Kirpikləri qorumaq vacibdir. Onların tökülməsi, uzanması, rənginin dəyişməsi halları baş verdikdə həkimə müraciət etmək mütləqdir”.

Ölkə.Az

ŞƏRH YAZ
0

Aldım bir dənə, açdım min dənə — NARIN FAYDALARI və ZİYANI

Aldım bir dənə, açdım min dənə
17:10
15.10.2018
15862
Maraqlı
A
Qızıl payız Azərbaycana qədəmlərini qoydu. Bu fəsil müxtəlif meyvələrlə bol fəsildir.

"Ölkə.Az" bu gün oxucularına narın faydaları və ziyanı haqqında məlumat verəcək.

Narın tərkibində müxtəlif vitaminlər, minerallar, mikro elementlər var. C, P, B6 və B12 vitaminləri ilə narın tərkibi zəngindir. 

C vitamini immun sistemini möhkəmləndirir.

P vitamini isə qan damarlarına müsbət  təsir edir.

B6 vitamini sinir sistemini möhkəmləndirir.

B12 vitamini isə qan dövranını yaxşılaşdırır.

Bundan başqa narın tərkibində zülallar, tanin maddəsi və turşular var. Aşılayıcı maddələr vərəm, dizenteriya və bağırsaq çöplərinə qarşı yaxşıdır. Tanin maddəsi ishala qarşı əla vasitədir.

Nar qan damarlarının divarlarını, sinir sistemi və qan dövranını yaxşılaşdırır. Həkimlər yaşlı və əməliyyat keçirən insanlara bu meyvəni məsləhət görürlər.

Soyuqdəymə, qalxanvari vəzin və ürək-damar sistemi xəstəliklərinin müalicəsində də nar faydalıdır.

Eyni zamanda ateroskleroz, malyariya və qan azlığından əziyyət çəkənlərə də məsləhət görülür.

Hipertoniyadan əziyyət çəkənlər müntəzəm olaraq nar qəbul etsələr, arterial təzyiqi aşağı salmaq olar.

Nar vasitəsilə orqanizmə daxil olan təbii amin turşuları patoloji hüceyrələrlə mübarizə aparır və mənfi proseslərin qarşısını alır.

Müntəzəm olaraq nar qəbul etmək mədə xərçənginin qarşısını alır.

Bronxial asma və anemiyadan əziyyət çəkənlərə faydalıdır.

Narın dənələri və şirəsi orqanizmdən radioaktivləri ifraz etməyə yardımçıdır.

Nar şirəsinin faydaları

Nar şirəsi orqanizm üçün çox faydalıdır:

Amin turşuları orqanizmin fəaliyyəti üçün çox önəmlidir. Nar şirəsinin tərkibində 15 növ amin turşusu var.

Nar şirəsi orqanizmi təmizləyir. Şirənin tərkibindəki antioksidantlar bu işə kömək edir.

Nar şirəsi mədə fəaliyyətini normallaşdırır.

İştah və hemoqlobinə müsbət təsir edir.

Öskürək, boğaz ilhabı, diatez, mədə-bağırsaq pozulmasında faydalıdır.

Sidikqovucu və antiseptik effektə malikdir.

Qan təzyiqini normallaşdırır.

Qaraciyər, böyrək və ağciyər xəstəliklərində məsləhətdir.

Nar çəyirdəyinin faydası

Bir çoxumuz nar yeyəndə onun çəyirdəklərini xoşlamırıq. Amma bu çəyirdəklər orqanizm üçün çox faydalıdır. Məsələn, baş ağrısını aradan götürür və yüksək təzyiqi aşağı salır. Eyni zamanda orqanizmin hormonal aktivliyi zamanı da faydalıdır. Nar çəyirdəyindən şirə və efir yağı alınır. Bu yağ kosmetologiyada istifadə edilir. Şirəsi isə sidikqovucudur.

Nar qabığının faydaları

Nar qabığının tozu enterokoliti müalicə edir.

Dərinin cızılması və çatlaması vaxtı da bu tozdan istifadə etmək olar.

Nar qabığını qaynadıb soyuqdəymə zamanı içmək olar.

Bundan başqa nar qabığı bağırsaq qurdlarına qarşı əla vasitədir.

Nar qabığını qaynadıb suyu ilə ağızı yaxalamaq stomatit və damaq qanamasını müalicə etməyə yardım edir.

Narın ziyanı

Təbii ki, narın faydaları ilə yanaşı ziyanı da var:

Nar şirəsi xroniki mədə xəstəliyi olanlara məsləhət görülmür.

1 yaşına qədər uşaqlara da nar şirəsi vermək olmaz. 4-7 yaş arası uşaqlara verilən nar şirəsinə su qatmaq lazımdır.

Nar şirəsi içmədən əvvəl stomatoloqla məsləhətləşin. Çünki nar şirəsi diş emalına mənfi təsir edə bilər.

Qastrit, enterit və mədə xorasından əziyyət çəkənlərə nar çəyirdəyi udmaq olmaz.

Hikmət Həsənov
Ölkə.Az

ŞƏRH YAZ
0
BAĞLA