ASAN Xidmət vətəndaşlarımızın həyatında nələri asanlaşdırıb? — TƏHLİL

ASAN Xidmət vətəndaşlarımızın həyatında nələri asanlaşdırıb?
16:52
11.12.2019
1338
Siyasət
A

Azərbaycan Prezidenti İlham Əliyevin həyata keçirdiyi islahatların əsas prioritet istiqamətlərindən biri də vətəndaşların hakimiyyətə əlçatanlığını təmin etməkdir. Daha doğrusu, vətəndaşları  bürokratik əngəllərdən və lazımsız vaxt itkilərindən xilas etməkdir. Bu məqsədlə Azərbaycanda 1990-cı illərin ikinci yarısından etibarən  elektron hökumətin qurulması istiqamətində ilk addımlar atılıb. Cənab İlham Əliyevin 2003-c ildə Prezident seçilməsindən sonra bu istiqamətdə islahatlar yeni bir mərhələyə qədəm qoyaraq, sürətlə inkişaf edib. Hazırda əksər dövlət orqanlarında əhaliyə elektron xidmətlərin göstərilməsi təmin edilib. Bu xidmətlər vasitəsi ilə bürokratik əngəlləri və mümkün korrupsiya hallarını aradan qaldırılır. 

Ölkə başçısının 2012-ci il iyulun 13-də bu sahədə daha mühüm islahata imza atması – Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi və onun tabeliyində olan ASAN Xidmət mərkəzlərinin yaradılması oldu. ASAN Xidmət mərkəzinin yaradılması bu sahədə yeni bir eranın başlanğıcını qoydu.  Bu qurumun yaradılmasında məqsəd vətəndaşlara birbaşa xidmət göstərəcək “ASAN xidmət” mərkəzlərinin vahid şəkildə idarə edilməsi idi. 

Buraya xidmət mərkəzlərində dövlət orqanları əməkdaşlarının fəaliyyətinin əlaqələndirilməsi, nəzarət və qiymətləndirmənin aparılması, dövlət qurumlarının informasiya bazalarının qarşılıqlı inteqrasiyası, elektron xidmətlərin təşkili prosesinin sürətləndirilməsi və bu sahədə idarəetmə sisteminin təkmilləşdirilməsi daxildir. Qurum qısa zamanda vətəndaşlaırn etimadını qazandı. Ölkə əhalisinin 98 faizi bu xidmətdən məmnundur.

Ona görə də ASAN Xidmət və ASAN Kommunal respublikanın müxtəlif bölgələrində fəaliyyət göstərməyə başladı və hazırda 20-yə yaxın  ASAN Xidmət fəaliyyət göstərir. Bundan başqa, iki ASAN kommunal xidmət mərkəzi, bir ASAN qatar və 10 səyyar avtobus fəaliyyət göstərir. ASAN Xidmət mərkəzləri ölkənin 75,5 faizini əhatə edir. İndiyədək 35 milyondan artıq insan bu xidmətin fəaliyyətindən yararlanıb. İlk illərdə ASAN Xidmət 23 sahə üzrə xidmət göstərirdisə, hazırda bu xidmətlərin sayı 35 civarındadır.  Bundan əlavə olaraq müxtəlif layihələrdə həyata keçirir.

Bu xidmətlərdən biri də ASAN imzadır. Asan imzanın əsas  hədəfi vətəndaşın məsafədən, vaxt itkisinə yol vermədən,  hansısa dövlət və ya özəl quruma getmədən məsafədən işlərini görməkdir. 

Azərbaycan Prezidenti İlham Əliyevin söylədiyi kimi  ASAN xidmət korrupsiyaya, rüşvətxorluğa qarşı ən səmərəli vasitədir.

 Azərbaycanda «E-hökumət»dən mobil hökumətə keçid strategiyasının ən mühüm vasitəsi olan «ASAN imza» müasir dövlət quruculuğunun innovativ platformasıdır. 2013-cü il mayın 1-dən tətbiq olunan «ASAN imza» Vergilər Nazirliyi və ölkədə fəaliyyət göstərən mobil operator tərəfindən verilən, elektron xidmət istifadəçisinin identifikasiyasını, sənədin elektron imzalanmasını və imzalayan şəxsin şəxsiyyətinin müəyyən edilməsini təmin edən elektron xidmətdir. «ASAN imza» mövcud e-xidmətlərin hər birindən istifadəni mümkün edir.

Fiziki və hüquqi şəxslər SİM kartı əldə etmək üçün əvvəlcə ASAN xidmət mərkəzlərində fəaliyyət göstərən «Azercell», «Bakcell» və «Nar» şirkətlərinin Müştəri xidmətləri mərkəzlərinə müraciət etməlidirlər. Həmin kartı mobil operatorların öz ofis və müştəri xidmətlərindən də almaq mümkündür. Müraciət edən şəxsə verilmiş SİM kartın üzərində ASAN imza PİN kodu çap olunur, həmin kod kartın alt qatında gizlədilir.

Sonra vətəndaşlar elektron imza sertifikatlarını aktivləşdirmək üçün Vergilər Nazirliyinin Asan Sertifikat Xidmətləri Mərkəzinə (ASXM) müraciət etməlidirlər. Ərizə və digər sənədlərin formaları ilə ASXM-in saytının sənədlər bölməsində tanış olmaq mümkündür.

Ərizə doldurulduqdan sonra ASXM-də təsdiqlənir və məlumat sistemə daxil edilir. Bu prosesin növbəti mərhələsi ASXM-in qeydiyyat operatoru vasitəsilə «ASAN imza»nın müqavilə formasının çap olunmasıdır. Müqavilə formasını imzalamaqla vətəndaşlar «ASAN imza» xidmətinin şərtlərini qəbul edir və sertifikatları təsdiqləyirlər. Beləliklə, sertifikatlar aktivləşdirilir və vətəndaşlar üçün «ASAN imza» xidmətlərindən istifadə etmək mümkünləşir.
 «Asan İmza» sertifikatlarının üç növü vardır: fiziki şəxslər (vətəndaşlar) üçün elektron imza sertifikatları, hüquqi və sahibkarlıq fəaliyyəti ilə məşğul olan fiziki şəxslər üçün elektron imza sertifikatları və dövlət qulluqçuları üçün elektron imza sertifikatları. «ASAN imza» sertifikatları 3 il ərzində etibarlı hesab olunur.

 İstifadəçi «ASAN imza» üzrə xidmətləri dayandırmaq istədikdə sertifikatı ləğv etməlidir. Bu halda ASXM-ə gedərək sertifikatın ləğvi ilə bağlı ərizə formasını imzalamaq lazım gəlir və bundan sonra sertifikat ləğv olunur.

 «ASAN imza» «E-hökumət»in ən yaxşı modeli kimi elektron xidmətlərin genişlənməsinə, biznesin inkişafına, yerli və xarici sahibkarların qeydiyyatının və fəaliyyətinin asanlaşmasına kömək edir. «ASAN imza»nın tətbiqi ilə hüquqi şəxsin onlayn qeydiyyatı prosesinə sərf edilən müddət bir neçə dəfə azalır. 
«ASAN imza» mobil elektron imza xidmətinin Hökumət Ödəniş Portalına inteqrasiya edilməsi və vətəndaşların portal vasitəsilə ödənişləri rahat şəkildə həyata keçirməsi (vergilər və digər dövlət rüsumları, ipoteka ödəniş¬ləri, kommunal və rabitə xidmətləri və s.) nağdsız ödənişlərin stimullaşdırılmasında mühüm bir vasitə oldu. Növbəti illərdə xidmətlər üzrə rüsumlara görə ödənişlərin real vaxt rejimində elektron formada qəbulunun təmin edilməsi, kommunal və digər xidmət müəssisələri üzrə ödənişlərin aparılması imkanlarının yaradılması, büdcə ödənişlərinin həyata keçirilməsi iqtisadiyyatda nağdsız ödənişlərin həcminin artırılmasına imkan yaradıb.

«ASAN imza» Azərbaycanın ixrac potensialının artırılmasında biznes üçün səmərəli vasitəyə çevrilməkdədir. 

Bu xidmət ixrac olunan məhsulların istehsalçıları ilə dünyanın nüfuzlu biznes nümayəndələri arasında elektron ticarət mübadiləsinin yaradılmasına töhfə verə bilər. 

Mürtəza
Ölkə.Az

ŞƏRH YAZ
0

Ramin Məmmədov: Onları narahat edən məsələlərin həlli yollarını müzakirə etdik — FOTO

Ramin Məmmədov: Onları narahat edən məsələlərin həlli yollarını müzakirə etdik
20:55
24.01.2020
478
Siyasət
A
Yeni Azərbaycan Partiyasının (YAP) 64 saylı Sabirabad ikinci seçki dairəsindən deputatlığa namizədi Ramin Məmmədov bu gün Əliləmbəyli və Çöl-Ağammədli kənd sakinləri ilə görüşüb.

"Ölkə.Az"ın məlumata görə, Ramin Məmmədov bildirib ki, səmimi və məhsuldar görüşlərin sayı artmaqdadır: “Gözəl Azərbaycanımızın son illərdə əldə etdiyi uğurlar, ölkə rəhbərliyinin qətiyyətlə atdığı addımlar və nəticə kimi hər birimizin həyatında baş verən müsbət dəyişikliklərdən danışdıq. Eyni zamanda kənd sakinlərinin həyatlarının daha yaxşılaşdırılması üçün onları narahat edən məsələlərinin həlli yollarını müzakirə etdik”. 

O, qeyd edib ki, görüşdən nikbin əhval-ruhiyə ilə ayrılan seçicilər 9 fevral 2020-ci ildə keçiriləcək Parlament seçkilərində Yeni Azərbaycan Partiyasının namizədinə səs verəcəklərini bildiriblər.

O, qeyd edib ki, görüşdən nikbin əhval-ruhiyə ilə ayrılan seçicilər 9 fevral 2020-ci ildə keçiriləcək Parlament seçkilərində Yeni Azərbaycan Partiyasının namizədinə səs verəcəklərini bildiriblər.

ŞƏRH YAZ
0

ӘӘSMN rəhbərliyi Salyan, Cəlilabad və Biləsuvarda sakinlərlə görüşüb — FOTO

ӘӘSMN rəhbərliyi Salyan, Cəlilabad və Biləsuvarda sakinlərlə görüşüb
20:36
24.01.2020
393
Siyasət
A
Əmək və Əhalinin Sosial Müdafiəsi naziri Sahil Babayev Salyan rayonunda həmin rayonun sakinlərini fərdi qaydada qəbul edib.

Nazirlikdən "Ölkә.Az"a verilən məlumata görə, qəbuldan əvvəl Sahil Babayev və Salyan rayon İcra Hakimiyyətinin başçısı Sevindik Hətəmov ümummilli liderimiz Heydər Əliyevin Salyan rayonundakı abidəsi önünə gül dəstələri düzüb, xatirəsini ehtiramla yad ediblər.

Vətəndaşlarla görüşdə nazir Prezident İlham Əliyevin uğurlu sosial siyasətinin nəticəsi olaraq, sosial sahədə aparılan islahatlar, pensiya və müavinətlərin, təqaüdlərin ciddi şəkildə artırılması, reabilitasiya və sosial xidmət sisteminin müasirləşdirilməsi və genişləndirilməsi sahəsində görülən işlər barədə məlumat verib. Sahil Babayev, eyni zamanda, 2020-ci ildə sosial sahədə aparılacaq islahatları qeyd edib, sosial inkişaf sahəsində əldə olunan nailiyyətlərin qarşıdakı dövrdə də davam edəcəyini vurğulayıb.

Qəbul zamanı vətəndaşların sosial təminat növləri üzrə hüququn müəyyən edilməsi, məşğulluğun təminatı, özünüməşğulluq və peşə hazırlığı proqramlarına, bərpa müalicəsinə cəlb olunma, əlilliyin qiymətləndirilməsi, reabilitasiya vasitələri ilə təminat, əmək hüquqlarının müdafiəsi və s. məsələlərlə bağlı müraciətləri dinlənilib. Müraciətlərdə qaldırılan bir sıra məsələlərin həlli ilə bağlı yerindəcə tədbirlər görülüb. Ayrı-ayrı vətəndaşların aktiv məşğulluq proqramlarına, habelə özünüməşğulluq proqramına, reabilitasiya xidmətlərinə cəlb edilmələri, sosial xidmətlərlə təmin edilmələri və s. tapşırılıb. Sorğu xarakterli müraciətlərlə bağlı ətraflı izahatlar verilib.

Salyan rayonunda olarkən Sahil Babayev Sevindik Hətəmovla birgə bu rayonda özünüməşğulluq proqramının iştirakçıları ilə görüşüb, proqram çərçivəsində yaradılmış təsərrüfatlara baxış keçiriblər.

 

Ötən il nazirlik yanında Dövlət Məşğulluq Xidməti tərəfindən Salyan rayonunda 1321 nəfər münasib işlə, “İşsizin DOSTu” proqramı çərçivəsində isə rayonda 631 nəfər ödənişli ictimai işlə təmin edilib. Salyanda 2019-cu ildə əvvəlki illə müqayisədə 50 faiz çox olmaqla, 151 nəfər işsiz və işaxtarana özünüməşğulluq proqramı əsasında mal və materiallar formasında aktivlər verilməklə onların kiçik ailə müəssisələri yaradılıb. Onlardan 100-dən çoxu müharibə veteranları, əlilliyi olan şəxslər, ünvanlı sosial yardım alan və ya çoxuşaqlı ailələrin üzvləridir.

Proqram iştirakçıları aztəminatlı ailələrin sahibkarlığa keçid imkanına malik olmalarında və gəlirlərini artırmalarında dəstək olan özünüməşğulluq proqramının icrasına və bu proqramın ildən-ilə daha da genişləndirilməsinə görə Prezident İlham Əliyevə minnətdarlıqlarını ifadə ediblər.

Eyni zamanda, Əmək və Əhalinin Sosial Müdafiəsi nazirinin müavini Anar Kərimov Cəlilabad rayonunda həmin rayonun və Əmək və Əhalinin Sosial Müdafiəsi nazirinin müavini Vüsal Nəsirli Biləsuvar rayonunda Biləsuvar və Cəbrayıl rayonlarının sakinlərini fərdi qaydada qəbul ediblər.

ŞƏRH YAZ
0
BAĞLA