Aşıq Namiqə qarşı dələduzluq edənlərin məhkəməsi — YENİLƏNİB

Aşıq Namiqə qarşı dələduzluq edənlərin məhkəməsi
12:56
14.02.2018
1629
Ölkə
A
Bakıda dələduzluqda təqsirləndirilən Rəşad Babayev və Elnur Həsənovun cinayət işi üzrə məhkəmə prosesi keçirilib.

Prosesdə daha sonra zərərçəkmiş qismində Habil Hənifəyev ifadə verib. 

O qeyd edib ki, Rəşad Babayevi tanıyıb, digər təqsirləndirilən Elnur Hüseynovu isə onun yanında görüb. Zərərçəkmişin sözlərinə görə, 2014-cü ildə Rəşad Babayev ona şirkətlərə komputerlərin satışı ilə məşğul olmaq üçün biznes qurmaq lazım olduğunu deyib. 

Zərərçəkmiş bildirib ki, Rəşad Babayev bu alqı-satqının həyata keçirilməsi üçün pul lazım olduğunu deyib: “Bildirdi ki, alqı-satıqını həyata keçirmək üçün ortalığa pul qoy, gəlirdən 3 faiz sənindir”. 

Habil Hənifəyev qeyd edib ki, Rəşad Babayevə komputer biznesi ilə bağlı 53 min 500 manat pul verib: “Həmin puldan 13 min 500 manat pul qaytarıb. Bu da biznesdən gələn gəlirdi. Onda 40 min manat pulum qalıb. Rəşad Babayev Müdafiə Nazirliyində çalışan Qorxmaz Qarayevin adından istifadə edirdi. Bu işlə bağlı Rəşadla telefonda yazışmalarımız da olub”.

Digər zərərçəkmiş Aqil Məmmədov bildirib ki, qohumu Habil Hənifəyev ona komputer biznesi ilə məşğul olduğunu deyib. Onun sözlərinə görə, 2015-ci ildə Habil Hənifəyevlə Rəşad Babayevi bir yerdə görüb: “Habil bu biznesdən danışdı. Bu biznesə qoşulmaq üçün Rəşada ümumilikdə 70 min 550 manat verdim”.

Bu zaman zərərçəkmiş Namiq Hüseynov yerindən danışıb. Buna görə də hakim ona xəbərdarlıq edib. Bildirib ki, zərərçəkmiş şəxş ifadə verən zaman heç kəs yerindən danışmalı deyil.

Daha sonra ifadə verən Namiq Hüseynov bildirib ki, təqsirləndirilən Rəşad Babayevə 54 min 500 manat pul verib: “Ona pulları komputerlərin alqı-satqısını həyata keçirmək məqsədilə biznesin qurulması üçün vermişəm. Pulumun bir qismi qaytarılıb. Rəşad Babayevdə 39 min 500 manatım qalıb. Həmin pulumu da qaytarmasını tələb edirəm”

Namiq Hüseynov istintaqa verdiyi ifadəsini təsdiqləyib.

Növbəti proses fevralın 21-də davam edəcək.

****

"Ölkə.Az"-ın məlumatına görə, bu gün Bakı Ağır Cinayətlər Məhkəməsində hakim Azad Məcidovun sədrliyi ilə baş tutan prosesdə "BestComp Group MMC"nin nümayəndəsi mülki iddia qaldırdığını deyib.

Şirkət təqsirləndirilən Rəşad Babayevdən 33.440 manat pulunun tutulmasını istəyib.

Rəşad Babayev mülki iddia ilə razı olmadığını söyləyib.

Daha sonra məhkəmə istintaqının başlandığı elan edilib. Dövlət ittihamçısı ittiham aktını elan edib. Təqsirləndirilən şəxslər özlərini təqsirli bilməyib. 

Hazırda məhkəmə iclası davam etdirilir.

Qeyd edək ki, zərərçəkmiş Namiq Hüseynov (Aşıq Namiq) təqsirləndirilən şəxsə qarşı 54 min 500 manat məbləğində mülki iddia qaldırıb. 

İttihama görə, Nərimanov rayonu ərazisində yerləşən “BestComp Group” firmasında sürücü işləyən Rəşad Babayev tanışı Elnur Həsənovla əlbir olub, həmin firmanın satış meneceri Elçin Məmmədovu aldadıb.

Onlar Elçin Məmmədova 2015-ci il avqustun 18-də həmin firmaya məxsus 34 min 400 manat dəyərində olan 70 ədəd HP markalı kompüterləri satmaq üçün müştərilərinin olduğunu deyiblər. Təqsirləndirilən şəxslər həmin malları başqa mağazaya sataraq pulu ələ keçiriblər.

Bundan başqa hər iki təqsirləndirilən şəxs 2014-2015-ci illərdə Aqil Məmmədovun 70550 manat, Namiq Hüseynovun (Aşıq Namiq) 54.500 manat və Habil Hənifəyevin 53.500 manat pulunu dədələduzluq yolu ilə mənimsəyiblər.

Hər iki təqsirləndirilən şəxs Cinayət Məcəlləsinin 178.3.2-ci (küllimiqdarda dələduzluq törətmək) maddəsi ilə ittiham edilir.

Onların barəsində həbs qətimkan tədbiri seçilməyib.

ŞƏRH YAZ
0

Şəkidə reyd keçirilib, 25 sürücü cərimələnib — FOTO + VİDEO

Şəkidə reyd keçirilib, 25 sürücü cərimələnib
21:37
Bu gün
618
Ölkə
A
Şəki rayonunda qaydaları pozan sürücülərə qarşı reyd keçirilib.

"Ölkə.Az" report-a istinadən bildirir ki, Dövlət Avtomobil Nəqliyyatı Xidmətinin Şəki regional şöbəsi və Dövlət Yol Polisi əməkdaşlarının keçirdiyi tədbir sürücülərin əhaliyə xidmətinin şəffaf və yüksək səviyyədə təmin olunması məqsədi daşıyır. 

Belə ki, şəhərdaxili küçələrdə postlar qurulub, yükdaşıma, sərnişindaşıma, taksi fəaliyyəti, qeyri-qanuni sərnişin daşınması ilə məşğul olan sürücülər müəyyənləşdirilib. Reyd zamanı 100-dən çox avtonəqliyyat vasitəsi saxlanılıb, 25 sürücü haqqında isə müvafiq tədbirlər görülüb.

Ölkə.Az

ŞƏRH YAZ
0

Çaylarda suyun səviyyəsi dəyişdi

Çaylarda suyun səviyyəsi dəyişdi
20:28
Bu gün
2589
Ölkə
A
Çaylarda suyun səviyyəsində dəyişiklik qeydə alınıb.

"Ölkə.Az"a Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, hazırda Böyük Qafqazın Quba-Xaçmaz bölgəsi çaylarında sululuq ongünlük normanın 70-90, Kiçik Qafqazın çaylarında 150-250, Lənkəran-Astara bölgəsi çaylarında isə orta hesabla 130-180 faizini təşkil edir.

Tranzit çaylarda hazırki vəziyyətə gəlincə, dekabrın 10-də Kür çayının Qıraqkəsəmən məntəqəsində suyun səviyyəsində 6 sm artım müşahidə olunub. Hazırda məntəqədə su sərfi 247 m3/s olmaqla ongünlük normanın 157 faizini təşkil edir. 2017-ci ildə isə bu rəqəm 178 m3/s olmaqla ongünlük normanın 113 faizini təşkil edib.

Qanıx çayının Əyriçay məntəqəsində suyun səviyyəsində 6 sm azalma müşahidə olunub. Hazırda məntəqədə su sərfi 94 m3/s olmaqla, ongünlük normanın 122 faizini təşkil edir. 2017-ci ildə isə bu göstərici 41 m3/s təşkil edərək ongünlük normanın 53 faizinə bərabər olub.

Kür çayının aşağı axınında hazırki vəziyyətə gəlincə, dekabrın 10-da Kür çayının aşağı axınında suyun səviyyəsində əsasən mühüm dəyişiklik müşahidə olunmayıb. Belə ki, Kür çayının Şirvan məntəqəsində 2 sm artım, Bankədə 2, Araz çayının Novruzlu məntəqəsində 5 sm azalma qeydə alınıb, lakin Surra məntəqəsində isə suyun səviyyəsində dəyişiklik müşahidə olunmayıb.

Hazırda Surra məntəqəsində suyun səviyyəsi 442 sm (2017-ci il dekabrın 10-da 392 sm), Şirvanda 327 sm (2017-ci il dekabrın 10-da 253 sm), Bankədə 251 sm (2017-ci il dekabrın 10-da 198 sm), Araz çayının Novruzlu məntəqəsində isə 140 sm (2017-ci il dekabrın 10-da 110 sm) təşkil edir.

Ölkə.Az

ŞƏRH YAZ
0
BAĞLA