Aşiq olmaq insanı arıqladır

Aşiq olmaq insanı arıqladır
00:16
06.12.2019
1216
Maraqlı
A
Sevgiyə aid minlərcə şeir, mahnı, dastanlar yazılıb, filmlər çəkilib. Yenə də sevginin əsl formulunu hələlik tapan olmayıb.

''Ölkə.Az'' xəbər verir ki, aşiq olmaq arıqlamaq üçün daima motivasiya qaynağı olmuşdur və aşiq olan insanlar fiziki görünüşünə daha çox fikir verirlər. Mütəxəssislər aşiq olan hər 10 nəfərdən 8-nin arıqladığını müşahidə ediblər. İngiltərənin Birmingham universitetinin araşdırması göstərib ki, aşiq olanlar 5 kilo arıqlayıblar. Araşdırmaya qatılan aşiq qadınların yüzdə 62 faizi, kişilərinsə yüzdə 50 faizi münasibətə başladıqdan sonra çəki itirdiklərini deyiblər.

Belə ki, sevgi hissi bədənimizin biologiyasını dəyişdirən hissdir. Aşiq olan zaman bədənimizdə ifraz olan melatonin, seratonin, adrenalin və oksitosin hormonları obezdən xərçəngə qədər bir çox xəstəliyə şəfa olur. Sevgi bədənimizdə melatonin hormonunu ifraz edərək, immun sistemimizi gücləndirən, hüceyə yenilənməsini sürətləndirən, daha keyfiyyətli yuxu yatmağımıza, asan çəki atmağımıza səbəb olan duyğudur. Aşiq olduğumuzda gözlərimizin və dərimizin parlaması ifraz olunan hormonlarla əlaqədardır.

Unutmayaq ki, ifraz olunan hormonlardan seratoninin digər adı xoşbəxtlik hormonudur. İnsana xoşbəxtlik, canlılıq, yüksək düşünmə qabiliyyəti bəxş edir. Üstəlik artıq enerji və az iştaha səbəb olaraq tez arıqlamağa kömək edir.

Aşiq olan zaman ifraz olan adrenalin hormonu orqanizmin sürətli çalışmasına və daha çox kalori yandırmasına kömək edir. Yəni yediklərimizi daha tez həzm edib çəki atırıq. 

Nəmin Nuru

Ölkə.Az

ŞƏRH YAZ
0

Parodontozun müalicəsində əsasən cərrahi müdaxiləyə üstünlük verilir

Parodontozun müalicəsində əsasən cərrahi müdaxiləyə üstünlük verilir
03:00
Bu gün
91
Maraqlı
A
Hazırda əhali arasında geniş yayılan parodontit, parodontoz və gingivit kimi stomatoloji xəstəliklərə tez-tez rast gəlinir.

"Ölkə.Az" AZƏRTAC-a istinadən bildirir ki, Azərbaycan Tibb Universitetinin ortopedik stomatologiya kafedrasının assistenti Elmira Əliyeva həmin xəstəliklərin etiologiyası, yeni müayinə və müalicə üsulları haqqında məlumat verib.

Mütəxəssis bildirib ki, parodont dişin boyunətrafını əhatə edən və dişi alveolda saxlayan toxumaların kompleksidir: "Parodontun tərkibinə diş əti, periodont, dişin sementi, sümüküstlüyü və alveolyar çıxıntılar daxildir. Parodontun toxumalarını xarici yuxu arteriyasının şaxəsi olan çənə arteriyası qanla təchiz edir. Xəstəliyin innervasiyası üçlü sinirin ikinci və üçüncü şaxələrinin hesabına baş verir.

Parodont dişlərin "dayaq-saxlayıcı" aparatını təşkil edir. Ağız boşluğuna baxış apararkən, parodonta diqqət yetirilməlidir, çünki parodontla ortopedik stomatologiya sıx əlaqədədir. Əgər biz ağız boşluğuna baxış zamanı parodontun vəziyyətini nəzərə almasaq, gələcəkdə ortopedik konstruksiyalarda baş verən problemlərlə üzləşə bilərik".

Onun sözlərinə görə, parodont dişi saxlayan dayaqdır. Əgər xəstədə parodontit kimi patologiya mövcud olarsa və müayinə zamanı həkim diqqət yetirməyib bu problemi müalicə planına daxil etməzsə, onda yaxın gələcəkdə xəstə həkimin yanına geri dönəcək, yenidən müalicə almalı olacaq və artıq hazırlanmış ortopedik konstruksiyaların yeniləri ilə əvəz olunması məcburiyyəti yaranacaq.

"Parodont xəstəlikləri ilə parodontologiya məşğul olur. Parodontologiyada tez-tez rast gəlinən patologiyalar parodontoz, parodontit və gingivitdir. Parodontoz və parodontit xəstəliklərini çox vaxt səhv salırlar. Parodontit diş ətinin hiperemiyası və qanaxması, dişlərin həssaslığı və laxlaması, diş ərpinin toplanması, patoloji ciblərin əmələ gəlməsi ilə müşayiət olunan iltihabi xəstəlikdir. Parodontitin kliniki diaqnostikasında üç forması ayırd edilir: yüngül, orta və ağır dərəcələr. Həmin xəstəliyi törədən əsas səbəblər ağız boşluğunun qeyri-qənaətbəxş və ya pis gigiyenası, siqaretçəkmə, düzgün olmayan qidalanma, irsi amillər, dərin dişləm və hiposalivasiyadır. Müalicəsində ilk növbədə ağız boşluğunun düzgün gigiyenası zəruridir. Mikrob amili, diş çöküntüləri kənar edilməli, patoloji ciblərin küretajı aparılmalıdır. Metilurasildən, həmçinin trixopol, metilurasil, askorutinin birgə qarışığından, o cümlədən heparin məlhəmindən istifadə edilir. Fizioterapiya, kvant terapiyası toxumaların bərpasını təmin edir, parodontun mikrosirkulyasiyasını bərpa edir. Düzgün aparılan sanasiya və küretaj xəstəliyin müalicəsi zamanı əldə olunmuş uğurun 80 faizini təşkil edir. Dişlərin laxlaması olduqda şinləmə aparılır, xəstəliyin ağır dərəcəsində isə sonrakı ortopedik müalicə aparılmaqla dişlər çəkilir", - deyə E.Əliyeva qeyd edib.

O, bildirib ki, parodontoz stomatoloqun praktikasında rast gəlinən parodontun qeyri-iltihabi, distrofik xəstəliyidir: "Rentgenoloji müayinə zamanı sümük toxumasının bərabər kiçilməsi aşkarlanır. Parodontozun səbəbləri hələ dəqiq aşkar edilməyib. Lakin dəqiqliklə demək olar ki, ağır sistem xəstəlikləri, yəni ateroskleroz, şəkərli diabet, hormonal pozulmalar, həmçinin irsi amillər parodontozun əmələ gəlməsinə səbəb ola bilər.

Parodontozun müalicəsində əsasən cərrahi müdaxiləyə üstünlük verilir. Yəni dişlər çəkilir, sonradan sümük unu qoyulmaqla və konstruksiyalar hazırlanmaqla ortopedik müalicə aparılır. Dişlərin boyunları açıldıqda və nəticədə onlar həssas olduqda, flüortərkibli laklar və həssas dişlər üçün olan diş məcunlarından istifadə edilir.

Gingivit diş ətinin tamlığı pozulmadan onun iltihabıdır. Əgər vaxtında müalicə aparılmazsa, gingivitin parodontitə keçmək ehtimalı böyükdür.

Hiperplastik gingivit və ya hipertrofik gingivit orqanizmdə endokrin xəstəliklərlə bağlıdır. Gingivitin bu formasına əsasən yeniyetmələr, hamilələr və şəkərli diabetdən əziyyət çəkən insanlarda rast gəlinir. Bu formada diş əti məməciklərinin həcmi böyüyür. Diş ətinin qanaması, ödem aşkar edilir. Diş əti tünd qırmızı, göyümtül çalar alır, ağızdan pis qoxu gəlir, diş çöküntüləri və yalançı patoloji ciblərin yaranması aşkarlanır.

Xəstəliyin ağır və ləng sürən formalarında antibiotiklər təyin edilir. Müalicə zamanı antiseptik məhlullar, fermentlər, trixopol, biseptol məlhəmi ilə aplikasiya sarğılarından da istifadə olunur.

Nəzərdə saxlamaq lazımdır ki, bütün bu sadalanan xəstəliklərin xroniki gedişatı olduğuna görə, hər altı aydan bir profilaktik baxış və "air flow" ilə dişlərin təmizlənməsi vacibdir.

ŞƏRH YAZ
0

2020-ci ildə dünyanın ən rəqabətqabiliyyətli şəhərləri — TOP 10

2020-ci ildə dünyanın ən rəqabətqabiliyyətli şəhərləri
01:55
Bu gün
163
Maraqlı
A
Çin Sosial Elmlər Akademiyası və “UN-HABİTAT”ın mütəxəssisləri “Global City Competitiveness Report” (2019-2020) hesabatını dərc edərək, onun əsasında dünyanın ən rəqabətqabiliyyətli şəhərlərinin reytinqini tərtib ediblər.

"Ölkə.Az" bildirir ki, şəhərlərin iqtisadi rəqabətqabiliyyətliliyi investisiyaların cəlb edilməsi, sosial dəyərlərin yaradılması və sakinlərinin rifahının təmin edilməsi üçün şəhərin iqtisadi üstünlüklərindən və resurslarından istifadə etmək qabiliyyəti kimi qiymətləndirilirdi.

Beləliklə, dünyanın ən rəqabətqabiliyyətli şəhərini təqdim edirik:

10. Şanxay

Çinin şərqində Yantszı çayının deltasında yerləşən Şanxay ölkənin mühüm maliyyə və mədəniyyət mərkəzi, eləcə də dünyanın ən böyük dəniz limanıdır.

Şanxayda ÇXR-da ən yüksək minimum əmək haqqı müəyyən edilib.

9. Los-Anceles

Los-Anceles dünyanın ən böyük mədəni, elmi, iqtisadi, təhsil mərkəzlərindən biridir. Həmçinin şəhər kino, teatr, musiqi, ədəbiyyat və televiziya sahəsində dünyanın ən iri əyləncə mərkəzlərindən biridir.

8. Münhen

Müasir Münhen yalnız mədəniyyət deyil, həm də böyük sənaye və tədqiqat mərkəzidir.

Münhen Bavariya Dövlət Kitabxanası, Maks Plank  və  Haynts Mayer-Leybnits adına institutlar və bir çox digər qurumları sayəsində Avropa elmində qabaqcıl mövqe tutur.

Münhen, həmçinin haqlı olaraq Almaniyanın IT paytaxtı da hesab olunur.

7. San-Fransisko

San-Fransisko soyuq dumanı, sıldırım təpələri,  viktorian dövrünün və müasir memarlıq  əsərləri ilə tanınan dünya turizm mərkəzidir.

Şəhərin ən məşhur yerləri “Qızıl Darvazalar” körpüsü, Alkatras adası, kanat tramvayı sistemi, Koyt qülləsi və Çayna-taundur.

6. Тokio

Tokio Yaponiyanın iqtisadi mərkəzidir.

Şəhər Nyu-York və London ilə yanaşı, dünyanın üç maliyyə mərkəzlərindən biridir. Tokio dünyanın ən iqtisadi cəhətdən inkişaf etmiş aqlomerasiyalarındandır.  

5. San-Xose

San-Xose Silikon Vadisinin paytaxtı hesab olunur. Burada “Cisco Systems”, “Adobe Systems”, “BEA Systems”, “eBay”, “KLA Tencor” da daxil olmaqla, informasiya texnologiyaları sahəsində fəaliyyət göstərən bir çox şirkətlərin qərargahı yerləşir.  

4. Şençjen

Geniş miqyaslı xarici və dövlət investisiyaları sayəsində qısa müddət ərzində şəhər Mirvari çayının deltası, eləcə də bütün ölkənin iqtisadi regionunun ən iri  sənaye, maliyyə və nəqliyyat mərkəzinə çevrilib.

3. Sinqapur

Sinqapur bazar iqtisadiyyatlı və vergitutmanın aşağı olduğu yüksək inkişaf etmiş ölkədir.

Sinqapur aşağı vergi dərəcələri olduğu üçün investorlar üçün cəlbedicidir. Burada cəmi beş vergi var ki, onlardan biri gəlir vergisi, biri isə əmək haqqı vergisidir.

Ölkədə elektronika istehsalı, gəmiqayırma, maliyyə xidmətləri sektoru inkişaf edib.

2. London

London investisiya üçün ən cəlbedici şəhərlərindən biridir və dünyanın bütün şəhərləri arasında olduqca böyük təmiz kapitallı beynəlxalq ticarət şirkətləri və şəxsləri ən çox məhz bu şəhərin yurisdiksiyasında  qeydə alınıb.

London Böyük Britaniyanın və Avropanın ən mühüm iqtisadi və maliyyə mərkəzidir, dünyanın aparıcı maliyyə mərkəzi adı uğrunda Nyu-Yorkla rəqabət aparan qlobal şəhərlərdən biridir.

1. Nyu-York

Nyu-York Birləşmiş Ştatların və bütün dünyanın ən mühüm iqtisadi mərkəzidir. Nyu-York London və Tokio ilə yanaşı, dünya iqtisadiyyatının üç əsas mərkəzlərindən biri adlandırılır.

 “Citigroup”, “J.P. Morgan & Co.”, “American International Group”, “Goldman Sachs”, “Morgan Stanley”, “Merrill Lynch” və digər maliyyə təşkilatlarının qərargahları bu şəhərdə yerləşir.

Nyu-Yorkda, həmçinin “Verizon Communications”, “Pfizer”, “Alcoa”, “News Corporation”, “Colgate-Palmolive” və digər iri qeyri-maliyyə şirkətlərinin qərargahları da yerləşir. oxu.az

ŞƏRH YAZ
0
BAĞLA