AST Telman barəsində qərar veriləcək

"Ölkə.Az" xəbər verir ki, iş adamı sifarişli qətllər törədən mütəşəkkil cinayət qruplaşmanın işi üzrə istintaqda fiqurantdır. Bu barədə Rusiyanın nüfuzlu "Rosbalt" xəbər portalı məlumat yayıb. Məlumata əsasən, qruplaşmanın həbs edilən üzvü Telman İsmayılov əleyhinə ifadə verib. 

Rusiya hüquq-mühafizə orqanlarından bildiriblər ki, qruplaşmanın üzvü Qarri Belotserkovskiy istintaqla sövdələşməyə gedib. Qarri İsmayılovlar ailəsinə daxildir. Belotserkovskiy ifadə verib ki, 2000-2016-cı ilər ərzində törədilən 8 sifarişli qətl barədə məlumatlıdır.

İsmayılov qardaşları bu qətlin sifarişçiləridirlər.

Bütün cinayətlər Moskvanın şimal dairəsindəki bir sıra ticarət obyektləri uğrunda gedən kriminal savaşla əlaqəlidir. Belotserkovskinin ifadəsinə əsasən 2000-ci ildə o, "Praqa" (AST Telmana məxsusdur) restoranında Rafiq və Telman İsmayılovun söhbətinin şahidi olub. 

Söhbət zamanı Andrey Lobanov adlı kriminal avtoritetin məhv edilməsi müzakirə edilib. Tezliklə Lobanov güllələnir.

Yaxın müddətdə ölüm işlərinə yeniləri əlavə ediləcək. Rafiq İsmayılova qarşı ittiham irəli sürülüb. İsmayılov qardaşlarından digəri, Vaqif İsmayılov uzun müddət daxili işlər nazirliyində çalışıb və hazırda istintaqdan yayınıb. O, axtarışa verilib. Telman İsmayılov məsələsi hazırda müzakirə edilir. Çox güman ki, AST Telman da axtarışa veriləcək.

Hikmət
Ölkə.Az