AST Telmanın məşhur \"Mardan Palace\" oteli satışları dayandırdı
Dünyanın ən lüks oteli seçilən "Mardan Palace" internet üzərindən satışları dayandırıb.
"Ölkə.Az" xəbər verir ki, otel AST Telmana 1.4 milyard dollara başa gəlib. İnternet üzərindən otelin səhifəsində otaq götürmək istəyəndə "axtardığınız kriteriyalara uyğun otaq tapılmamışdır" yazısı çıxır.
Boş otaq bölümündə isə sentyabr və oktyabr ayında satışa bağlı olduğu məlum olur. Noyabr ayı üçün otaq rezervasiyası avtomatik olaraq səhifə tərəfindən rədd edilir. Otelin rezervasiya xətti və email servisi cavab vermir.
Otelin bir çox işçisi maaş ala bilmədiyi üçün Əmək müfəttişliyinin Antalyadakı idarəsinə şikayət ərizəsi vermişdi. Otel rəhbərliyi isə otelin bağlanmadığını, rezervasiyanın 1 həftə müddətinə dayandırıldığını bildirmişdi.
Hikmət Həsənov
Ölkə.Az
