AST Telmanın otelinin suyunu kəsdilər — SƏBƏB

AST Telmanın otelinin suyunu kəsdilər
17:19
17.10.2017
92
İqtisadiyyat
A
2010-cu ildə dünyanın ən lüks oteli seçilən "Mardan Palace"ın borc ucbatından problemləri artmaqda davam edir.

"Ölkə.Az" xəbər verir ki, Telman İsmayılova məxsus otelin suya 2 milyon türk lirəsi (1milyon manata yaxın) borcu olduğu üçün müəssisənin suyu kəsilib.

1.4 milyard dollar başa gələn otel avqust ayının ilk ayında rezervasiyaları dayandırıb və hələ də müştəri qəbul etmir.

Daha əvvəlcə də borc səbəbindən otelə elektrik enerjisinin verilməsi də dayandırılmışdı. 15 gün əvvəl isə su borcuna görə su da kəsilib.

Hikmət Həsənov
Ölkə.Az

 

ŞƏRH YAZ
0

Manatla olan əmanətlər 39 faiz artıb

Manatla olan əmanətlər 39 faiz artıb
19:45
18.11.2017
1022
İqtisadiyyat
A
Mərkəzi Bankın məlumatına görə, oktyabrın 1-nə əhalinin banklardakı əmanətlərinin milli valyuta ekvivalentində məbləği 7022,2 milyon manat təşkil edib.

Dövlət Statistika Komitəsindən "Ölkə.Az"a bildiriblər ki, əmanətlərin 71,8 faizi xarici, 28,2 faizi isə milli valyutada qoyulub. Əmanətlərin 5598,0 milyon manatı və ya 79,7 faizi özəl banklarda, 1424,2 milyon manatı (20,3 faizi) isə dövlət banklarında yerləşdirilib.

Milli valyutada olan əmanətlər əvvəlki ilin müvafiq dövrünə nisbətən 39,0 faiz artıb, xarici valyutada əmanətlər isə 21,1 faiz azalıb.

ŞƏRH YAZ
0

Azərbaycanda günəş və külək enerjisi istehsalı azalıb

Azərbaycanda günəş və külək enerjisi istehsalı azalıb
19:31
18.11.2017
594
İqtisadiyyat
A
Bu ilin yanvar-oktyabr aylarında Azərbaycanda günəş enerjisi ilə işləyən stansiyalar 35,9 mln. kVt/saat elektrik enerjisi istehsal edib.

"Ölkə.Az" Dövlət Statistika Komitəsinə istinadən xəbər verir ki, bu, illik müqayisədə 32% azdır.

Son 1 ildə küləklə işləyən stansiyalarda istehsal 20,5% azalaraq 10,5 mln. kVt/saata enib.

Əvəzində istilik elektrik stansiyalarında istehsalın həcmi 1,5% artaraq 16 384,3 mln. kVt/saata yüksəlib, su elektrik stansiyalarında isə 8,5% azalaraq 1 526,3 mln. kVt/saat təşkil edib.

Bu ilin yanvar-oktyabr ayları ərzində ölkədə cəmi elektrik enerjisi istehsalı 18 751,4 mln. kVt/saat olub ki, bu da ötən ilin eyni dövrü ilə müqayisədə 0,2% çoxdur. Bunun da 17 957,0 mln. kVt/saatı əmtəəlik olub və bu, illik müqayisədə 0,5% çoxdur.

ŞƏRH YAZ
0
BAĞLA