Astarada narkoman polis şöbəsində intihar edib
“Ölkə.Az”a verilən məlumata görə, oğurluq və narkotik maddələrin qanunsuz dövriyyəsi maddəsi ilə məşğul olmaqda şübhəli bilinərək saxlanılan B. İmamverdiyev saat 17:00 radələrində özünü saxlanma kamerasında mələfə ilə asıb. Araşdırmalarımız zamanı məlum olub ki, B. İmamverdiyev oğurluğ törədən zaman maddi sübutlarla birgə saxlanılıb və şöbəyə gətirilib. Onun üzərinə baxış keçirilən zaman üzərindən 2 cür narkotik maddə də aşkar olunaraq götürülüb.
Faktla bağlı Astara rayon prokurorluğunda cinayət məcəlləsinin 125-ci ( ölüm həddinə çatdırma) maddəsi ilə cinayət işi başlanıb.
B. İmamveridiyevin intihar faktını araşdıran zaman onun ailə üzvləri haqqında maraqlı faktlar üzə çıxıb. Məlum olub ki, B. İmamverdiyevin ailə üzvlərinin hamısının yolu həbsxanadan keçib. Belə ki, anası Banu Heybət qızı İmamverdiyeva cinayət məcəlləsinin 244-cü (əxlaqsızlıq yuvaları saxlama) maddəsi ilə, bacısı Könül Xudəvənd qızı Cabbarova cinayət məcəlləsinin 178-ci (dələduzluq) maddəsi ilə, qardaşı Fərahim İmamverdiyev 177-ci ( oğurluq) və 178-ci (dələduzluq) maddəsi ilə, Məhərrəm İmamverdiyev isə cinayət məcəlləsinin 177-ci (oğurluq) maddələri ilə məhkum olunublar. Ümumilikdə Bəhram İmamverdiyevin ailəsində məhkum olunmayan şəxs qalmayıb.