Astarada yeni çəkilən dağ yolu dağılaraq bərbad vəziyyətə düşüb

Astarada yeni çəkilən dağ yolu dağılaraq bərbad vəziyyətə düşüb
23:42
15.05.2019
1434
Ölkə
A
Astarada yeni çəkilən dağ yolu bərbad vəziyyətə düşüb.

"Ölkə.Az" report-a istinadən bildirir ki, uzunluğu 5 km olan və rayon mərkəzindən 40 km məsafədə yerləşən Təxtənəkəran-Miki avtomobil yolu yeni çəkilməsinə baxmayaraq yararsız hala düşüb.

Yol ölkə başçısının 2015-ci ildə imzaladığı sərəncama əsasən əsaslı təmir olunaraq 2017-ci ilin dekabrında istifadəyə verilib. Lakin 2000 nəfərə yaxın sakinin istifadə etdiyi yolun bir neçə hissəsi dağılıb. Beləcə, uzun illər yolsuzluqdan əziyyət çəkən əhali yenidən problemlərlə üzləşib.

Hazırda yolda maşınların hərəkəti çətinləşib. Torpaq qatı sürüşərək hərəkət zolağını azaldıb. Bu isə yolda hərəkət edən nəqliyyat vasitələri və sərnişinlər üçün təhlükə yaradır. Qeyd edək ki, bu, dağ kəndlərini rayon mərkəzi ilə birləşdirən yeganə yoldur.

Kənd sakinlərinin sözlərinə görə, ötən il yolda müəyyən bərkitmə işləri görülsə də, bu, təsirsiz olub. Yolun dağılmasına yağan yağıntılar səbəb olsa da, sakinlər işlərin keyfiyyətsiz aparılmasından gileylənirlər. Sakinlər deyirlər ki, yolun yatağı zəifdir, buna görə də yağıntı nəticəsində erroziyaya uğrayıb. Bundan əlavə suötürücü qurğular da sıradan çıxdığından sel suları yolun üst hissəsi ilə axaraq dağıntılara səbəb olur.

Astara Rayon Siyəkü Kənd Bələdiyyəsindən vəziyyətlə bağlı aidiyyatı qurumlara məlumat verildiyi və müvafiq tədbirlərin görüləcəyi deyilir.

Ölkə.Az

ŞƏRH YAZ
0

Bu rayonda yaşı keçmiş ağaclar daha çoxdur

Bu rayonda yaşı keçmiş ağaclar daha çoxdur
06:10
Bu gün
281
Ölkə
A
"Bakı şəhərində yaşıllıqlar, əsasən, 60-80-ci illərdə salındığından mövcud yaşıllıqların ən azı 50-60 yaşı var".

"Ölkə.Az" xəbər verir ki, bunu Bakı Şəhər İcra Hakimiyyətinin Yaşıllaşdırma Təsərrüfatı Birliyinin baş mühəndisi Cavanşir Məmmədov deyib.

Onun sözlərinə görə, yaşı ötmüş ağaclar, əsasən, Nizami rayonunda, "8-ci kilometr" ərazisi kimi tanınan yerdədir: "Belə ağacların çıxarılaraq yerində yenilərinin əkilməsi Ekologiya və Təbii Sərvətlər Nazirliyinin müvafiq rəyindən sonra mümkün olur".

Baş mühəndis bildirib ki, yaşı ötmüş ağacların dekorativ nöqteyi-nəzərdən yararsız vəziyyətə düşməsi, atmosferin, küləklərin təsirindən sınması, eybəcər hala düşməsi qanuni haldır.

İcra nümayəndəsi vurğulayıb ki, yaşıllıq sahələrinə nəzarət edilməsi üçün elektron və vizual məlumat bazasının yaradılması çevik qərarların verilməsi, ərazinin analiz edilməsi, bunun nəticəsində yeni ərazilərdə əlavə yaşıllıqların salınmasına qərar verilməsinə böyük dəstək olacaq: "Məlumat bazası bizə imkan verəcək ki, ərazilərdə daha dəqiq olaraq ağac və kol növlərinin seçərək əkilməsinə nail olaq. Bu vaxtında qaldırılmış məsələdir və bunun mütəmadi olaraq həyata keçirilməsi zəruridir".

ŞƏRH YAZ
0

Mübariz Qurbanlıdan müqəddəs yerlərə səyahət edənlərə koronavirus — XƏBƏRDARLIĞI

Mübariz Qurbanlıdan müqəddəs yerlərə səyahət edənlərə koronavirus
00:46
Bu gün
1366
Ölkə
A
Dini Qurumlarla İş üzrə Dövlət Komitəsi və Qafqaz Müsəlmanları İdarəsi İranda koronavirus təhlükəsi ilə bağlı turizm şirkətlərinə tövsiyələr verib.

"Ölkə.Az" xəbər verir ki, bunu açıqlamasında Dini Qurumlarla İş üzrə Dövlət Komitəsinin sədri Mübariz Qurbanlı deyib.

M.Qurbanlı bildirib ki, yalnız Həcc ziyarəti Qafqaz Müsəlmanları İdarəsinin himayəsi altında həyata keçirilir:

“Digər müqəddəs yerlərə ziyarətlər turizm şirkətləri tərəfindən təşkil olunur. İran, İraq, Yaxın Şərqdəki müqəddəs dini yerlərə ziyarətlər təşkil edən şirkətlərə tövsiyə etmişik ki, indiki şəraitdə koronavirus təhlükəsini nəzərə alsınlar, həmin yerlərə turist aparılması məsələsinə diqqətlə yanaşsınlar. Bu təhlükəni nəzərə alaraq turist ziyarətlərinin təşkilinə müvəqqəti də olsa, müəyyən məhdudiyyət həyata keçirsinlər”.

Komitə sədri qeyd edib ki, hüquqi baxımdan həmin turizm şirkətləri müstəqil fəaliyyət göstərirlər:

“Bu şirkətlər yalnız dini ziyarət yerlərinə deyil, digər turistik yerlərə də turist aparırlar. Ona görə də qanunvericilik baxımından həmin şirkətlərə hər hansı formada qadağa qoymağımız mümkün deyil. Amma bu məsələ ilə bağlı turizm şirkətlərinə tövsiyələr verilib. Turizm şirkətlərinin nümayəndələrini qəbul etmişik və izahat işi aparmışıq. Əminəm ki, vətəndaşlarımız da koronavirus təhlükəsini nəzərə alaraq, gediş-gəlişlə bağlı məsələlərdə daha həssas olacaqlar. Bununla bağlı Səhiyyə Nazirliyinin və bütövlükdə Ümumdünya Səhiyyə Təşkilatının (ÜST) verdiyi tövsiyələrə əməl edəcəklər”. qaynarinfo

ŞƏRH YAZ
0
BAĞLA