\"Aston Martin V12 Vantage S\" modeli
"Ölkə.Az" xəbər verir ki, satışları uğurlu alınan avtomobil "Spitfire" təyyarələrinin istehsalının 80 illiyinə həsr edilib. Avtomobil şirkətin Kembricdəki dileri vasitəsilə satışa çıxıb.
Yeni modelin qiyməti 180 min avrodur. İngiltərədən kənara satışların hansı qiymətə qədər artacağı məlum deyil. Xüsusi "Q" bölməsi avtomobilin yığılmasına görə cavabdehdir. Kuzovun unikal yaşıl rəngi, qeyri-adi səsboğucu sistemi avtomobili daha da yaraşıqlı edir. Ön spoyler və arxa diffuzoru da qeyd etmək lazımdır.
Salonda üzərinə "Spitfire 80" yazılı ayaqaltılar peyda olub. Əlavə qiymətə müştərilər dəbilqə, gödəkçə və yay eynəkləri sifariş edə bilərlər. Yeni model 5.9 litr həcmli, V12 obrazlı mühərriklə təchiz edilib. 565 at gücü olan aqreqat 100 km/saat sürəti cəmi 3 saniyəyə yığmağa kömək edir.
Hikmət
Ölkə.Az
