Astronomlar Süd Yolu qalaktikasında yeni ulduz topaları kəşf etdilər
ABŞ-ın Kolumbiya universitetinin alimləri kosmosda yeni kəşfə imza atıblar.
“Ölkə.Az” xəbər verir ki, Süd Yolu qalaktikasının mərkəzində onlarla ulduz topası kəşf edilib. Ehtimal edilir ki, bu ulduz topalarının daxilində 20 min qara dəlik var.
Alimlər “Chandra X-ray Observatory” rentgen observatoriyasının son 12 il ərzində topladığı məlumatları analiz ediblər. Analiz zamanı Oxatandan 3 işıq ili uzaqda yerləşən 12 tranzient aşkar edilib.
Müşahidə nəticələri və məlumatların işlənməsi nəticəsində alimlər qərara gəliblər ki, Qalaktikanın mərkəzi hissəsində 300-500 binar sistemi və on min tənha qara dəlik var.
Hikmət Həsənov
Ölkə.Az
