\"Atamı həkimlər bu vəziyyətə salıblar\"

H.Sadıqovun oğlu Elşən Sadıqov "Ölkə.Az"ın əməkdaşıyla söhbətində bildirib ki, məşhur musiqiçinin bu vəziyyətə düşməsinin səbəbkarı tibb işçiləridir:

"Atamı həkimlər bu vəziyyətə salıblar. Əvvəlcə dedilər ki, belində yırtıq var. Sonra bildirdilər ki, hepatit  xəstəliyindən əziyyət çəkir. Dedim ki, onda qanını təmizlətdirək.  Mən artıq bu həkimlərə inanmıram. Allah köməkləri olsun. Onlar mənim atamı bu vəziyyətə qoyublar".

Elşən Sadıqov atasının sənət yoldaşlarından razılığını da ifad edib:

"Bütün sənət yoldaşları, musiqiçilər gəlib gedirlər. Hamısına təşəkkürümü bildirirəm".

Qeyd edək ki, Həsənağa Sadıqov Azərbaycanın ən məşhur musiqiçilərindən hesab edilir. Əksər musiqi alətlərində ifa edə bildiyi üçün dövrünün məşhur musiqiçiləri onu "orekestr adam" adlandırıblar. 

İntiqam VALEHOĞLU
Ölkə.Az