Atasının hotelində yeniyetmə qızı zorlayan hakim qarşısına çıxarılacaq

Atasının hotelində yeniyetmə qızı zorlayan hakim qarşısına çıxarılacaq
22:53
11.06.2019
5120
Hadisə
A
Bakıda hoteldə 16 yaşına çatmayan şəxslə cinsi əlaqədə olma və ya seksual xarakterli digər hərəkətlər etməkdə təqsirləndirilən Nəriman Əhmədovun cinayət işi üzrə ibtidai istintaq yekunlaşıb.

“Ölkə.Az” unikal.org-a istinadən xəbər verir ki, iş baxılması üçün Nəsimi Rayon Məhkəməsinə göndərilib. Cinayət işi hakim Azər Tağıyevin icraatına verilib. Məhkəmənin vaxtı hələlik açıqlanmayıb.

İttihama görə, "Ambassador” hotelinin marketinq üzrə meneceri, 26 yaşlı Əhmədov Nəriman Asif oğlu 14 yaşlı qızı öz maşınına mindirərək "Ambassador” hotelə aparıb və orada onunla cinsi münasibətdə olub.Hadisənin yanvar ayında baş verdiyi bildirilir. Bundan əlavə həmin şəxsin ayrı-ayrı vaxtlarda dörd dəfə azyaşlını hotel nömrəsinə apardığı da qeyd edilir.Bakı Apellyasiya Məhkəməsində N.Əhmədovun barəsində üç aylıq həbs qətimkan tədbiri seçilib və o, məhkəmə zalından həbs edilib.

Onun barəsində Cinayət Məcəlləsinin 152.1-ci (on altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə ittiham irəli sürülüb.

Xatırladaq ki, qızın atası isə mətbuata açıqlamasında bildirib ki, N.Əhmədov onun qızı ilə bir neçə dəfə cinsi əlaqədə olub. Onun sözlərinə görə, hadisə 2018-ci ilin noyabrın 9-dan başlayaraq davam edib, dəfələrlə təkrarlanıb, 4 dəfə olub: "Qarşı tərəf işin əvvəlində barışmaq, adlarının hallanmaması üçün pul təklif etmişdi, mən qəti olaraq razılaşmadım. Oğlan evlidir, 1 yaşlı uşağı var. Atası ilə birgə "Ambassador” oteli işlədirlər”.

Ölkə.Az

ŞƏRH YAZ
2

Gəlin qayınanasını vurub öldürdü — Bakıda ŞOK HADİSƏ

Gəlin qayınanasını vurub öldürdü
14:08
Bu gün
3186
Hadisə
A
Bakıda qətl törədilib.

"Ölkə.Az" APA-ya istinadən xəbər verir ki, hadisə paytaxtın Xətai rayonu, Telnov küçəsində qeydə alınıb. Həmin küçənin sakini, 1949-cu il təvəllüdlü Qreçneva Valentina Aleksandrovnanın yaşadığı evdə üzərində zorakılıq əlamətləri olan meyiti aşkar edilib.

Hüquq-mühafizə orqanlarının əməkdaşları tərəfindən dərhal hadisə yerinə və meyitə baxış keçirilib, hadisə yerindən maddi sübutlar qablaşdırılaraq götürülüb və müvafiq ekspertizalar təyin edilib.

Araşdırmalar nəticəsində 70 yaşlı Qreçneva Valentina Aleksandrovnanın gəlini tərəfindən qətlə yetirildiyi məlum olub. Gəlini onun başına küt alətlə vuraraq öldürüb.

Hadisəni törədən şəxs artıq saxlanılıb.

Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, iş üzrə zəruri əməliyyat-istintaq tədbirləri davam etdirilir.

ŞƏRH YAZ
0

Ana oğlu ilə birlikdə özünü çaya atmaq istədi

Ana oğlu ilə birlikdə özünü çaya atmaq istədi
13:55
Bu gün
2252
Hadisə
A
Sentyabrın 18-də saat 11 radələrində Araz çayının İmişli rayonu ərazisindən keçən hissəsində rayon sakini olan qadın oğlu ilə birlikdə özünü çaya atmağa cəhd göstərib.

Daxili İşlər Nazirlyinin mətbuat xidmətindən "Ölkə.Az"a verilən məlumata görə, həmin ərazidə xidmət aparan İmişli Rayon Mühafizə Bölməsinin əməkdaşları tərəfindən bunun qarşısı alınıb. Onlar İmişli RPŞ-yə təhvil veriliblər. Araşdırma aparılır.

Ölkə.Az

 

ŞƏRH YAZ
0
BAĞLA