Atatürk Hava Limanında təyyarə qəzası
İstanbulun Atatürk Hava Limanında qəza baş verib.
“Ölkə.Az” xəbər verir ki, aeroportda özəl təyyarə qəzaya uğrayıb.
Qəzaya uğrayan təyyarənin bir holdinqə məxsus olduğu bildirilib. Kıbrısa getmək üçün havaya qalxan təyyarədə texniki nasazlıq yaranıb. Buna görə pilot təyyarəni geri qaytarıb. Atatürk Hava Limanında eniş etmək istəyən təyyarənin təkəri partlayıb və nəticədə hava gəmisi yerə çırpılıb.
Nəticədə təyyarə alışıb. Yanmağa başlayan təyyarəni hava limanının yanğınsöndürənləri söndürüblər.
Qəza zamanı təyyarədə 4 nəfər olub. Onlaırn yaralandığı bildirilir.
Hadisə nəticəsində hava limanında təyyarələrin uçuşu və enişi dayandırılıb.
Ziya Səccad
Ölkə.Az
