“ATƏT DTİHB prezident seçkilərinə qara yaxır” — Əli Əhmədov

“ATƏT DTİHB prezident seçkilərinə qara yaxır”
13:00
16.04.2018
3422
Siyasət
A
“Aprel ayının 11-də Azərbaycanda demokratik dəyərlərə və normalara əsaslanan prezident seçkiləri keçirilmişdir. Bütün insanlar seçkilərin yüksək fəallıq şəraitində keçirildiyinin şahidi olmuşdur”.

"Ölkə.Az"xəbər verir ki, bu fikirləri Yeni Azərbaycan Partiyasının Sədr müavini - İcra katibi Əli Əhmədov aprelin 11-də Azərbaycanda keçirilmiş prezident seçkiləri ilə bağlı ATƏT-in Demokratik Təsisatlar və İnsan Hüquqları Bürosunun qərəzli və daxili təzadlarla dolu ilkin rəyinə münasibət bildirərkən səsləndirib. 

YAP-ın Sədr müavini Əli Əhmədovun sözlərinə görə, Yeni Azərbaycan Partiyasının namizədi, fəaliyyətdə olan Prezident İlham Əliyevin yenidən Azərbaycan Respublikasının Prezidenti seçilməsi onun əvvəlki illərdə fəaliyyətinə xalqın yüksək qiymət verməsinin nəticəsi hesab olunmalıdır:

“Digər tərəfdən, Yeni Azərbaycan Partiyası İlham Əliyevin seçki kampaniyasını yüksək səviyyədə təşkil etmiş, yüzlərlə mitinq və görüş keçirərək, onun seçki proqramını seçicilərin diqqətinə çatdıra bilib. Cənab İlham Əliyevin səlahiyyətli nümayəndəsi və Yeni Azərbaycan Partiyasının İcra katibi kimi təsdiq edə bilərəm ki, həm həyata keçirdiyimiz seçki kampaniyası, həm də bütünlükdə seçki prosesi demokratik normalara uyğun, ədalətli və tam şəffaf olmuşdur. Seçkilərdən sonra ölkədəki sakit ab-hava, bütün digər namizədlərin seçilən namizədi təbrik etməsi və seçkiləri müşahidə edən 900 nəfərə yaxın müşahidəçilərin böyük əksəriyyətinin səsvermənin nəticələrini yüksək qiymətləndirməsi dediklərimin əyani sübutudur”.

“ATƏT DTİHB Azərbaycanda prezident seçkilərinə qara yaxır” – deyə, bildirən Əli Əhmədov daha sonra qeyd edib: “Bunların fonunda ATƏT-in Demokratik Təsisatlar və İnsan Hüquqları Bürosunun kəskin fərqlənən rəyi təəccüb və təssüf doğurur, necə deyərlər, ala qarğa kimi görünür. Belə çıxır ki, ATƏT DTİHB ikili standartlardan xilas ola bilmir, hamının, o cümlədən beynəlxalq müşahidəçilərin əksəriyyətinin yüksək qiymətləndirdiyi prezident seçkilərinə qara yaxır”.

ŞƏRH YAZ
0

Prezident Ərdoğan Azərbaycandan ekstradisiya olunan 2 FETÖ-çudan DANIŞDI — FOTOLAR

Prezident Ərdoğan Azərbaycandan ekstradisiya olunan 2 FETÖ-çudan DANIŞDI
09:13
Bu gün
117
Siyasət
A
Bu gün axşam saatlarında İstanbulda 15 iyul Türkiyədə dövlət çevrilişinə cəhdin 2-ci ildönümü münasibətilə mitinq keçirilib.

"Ölkə.Az"-ın İstanbula ezam olunan əməkdaşı xəbər verir ki, mitinqdə 10 minlərlə insan iştirak edib. 

Mitinq 15 iyul şəhidlərinin anım mərasimi ilə başlayıb.

Mitinqdə çıxış edən Türkiyə prezidenti Rəcəb Tayyib Ərdoğan bildirib ki, hazırda 15 iyul demokratiya və milli həmrəylik günü münasibətilə təkcə Ankara və İstanbulda deyil, Türkiyənin 81 vilayətində bu cür anım tədbirləri keçirilir:

"15 iyul gecəsi FETÖ-çu alçaqlar qarşısında öz qanları ilə dastan yazan, müstəqilliyimizə, Vətənimizə və dövlətimizə sahib çıxan bütün şəhidlərimizə Allahdan rəhmət diləyirəm. Terrorla mübarizədən xaricdəki hərbi əməliyyatlara qədər millətimizin hüzuru üçün şəhadət yolunda yürüyən bütün qardaşlarımızı burada bir daha yad edirəm. Qazilərimizə öz fədəkarlıqlarına görə ölkəm və millətim adından minnətdarlığımı bildirirəm. Bu gün həm dərin bir kədərin, həm də böyük bir qüruru daxilən hiss edirik. Bir tərəfdən 251 nəfər vətəndaşımızı bir gecədə itirməyin acısını yaşarkən, digər tərəfdən isə dirənişə imza atılmasının qürurunu yaşayırıq. Bir tərəfdən 16-17 yaşlı fidanların həyatını itirməsini yaşadığımız halda digər tərəfdən vətənimizin xilas olmasını iftixarını qeyd edirik. Bədəl ödəmədən heç bir uğur əldə edilməz. Tarix boyu qazandığımız hər zəfərin arxasında bir kədər vardır. 15 iyul zəfəri həmin gecə təyyarələrə və tanklara meydan oxuyan millətimizin qələbəsidir. O gecə türk milləti öz cəsarəti və mübarizliyi ilə Çanaqqala zəfəri ruhunun hələ də həyatda olduğunun göstəricisidir. FETÖ-nun ölüm saçan silahları qarşısında millətimiz canından və qanından daha çox dəyər verdiyi övladlarından keçdi, bu Vətənə naməhrəm əllərin dəyməsinə imkan vermədi. Bir əsr əvvəl "ya istiqlal, ya ölüm" şüarı ilə istiqlal mübarizəsini uğurla başa çatdıran türk milləti 15 iyulda da "bu gün Vətənə sahib çıxmaq gecəsidir" deyərək qiymaçıları məğlubiyyətə düçar edib. Yüz il əvvəl Anadolunu işğlaçılara təslim etməyən igidlərin nəvələri 15 iyulda da FETÖ-çu alçaqlara meydanları, küçələri və mitinq keçirilən bu körpünü haram edib. Bu millət FETÖ-çular vasitəsilə Türkiyəni işğalçıların nəzarətinə keçməsinə imkan verməyib. Mən bu millətin fərdi olmağımdan şərəf hissi keçirirəm".

Prezident qeyd edib ki, nə yaxşı ki, Allah onlara bu mübarizədə Türkiyə millətinə ağalıq etmək deyil, xidmət göstərməyi nəsib edib:

"15 iyul millətin xəyanətə, cəsarətin pisliyə qalib gəldiyi gündür. Bu gün tarixə qızıl hərflərlə yazılıb. Bu mübarizənin və qələbənin memarı 81 milyonluq Türkiyə xalqıdır".

Prezident Ərdoğan bildirib ki, hazırda Moskva və digər şəhərlərdə də bu cür anım mərasimləri təşkil olunur:

"Bu cür anım tədbirləri Qərbdə də keçirilir. Çünki bu nəbz hər yerdə vurur. 15 iyul hadisələri Türkiyə qarşısında yeni qapılar açıb. 15 iyul həm də terrora qarşı ciddi mübarizənin başlanğıcı oldu. Hər kəs əmin olsun ki, FETÖ-nun kökünü tamamilə kəsəcəyik. Qeyd edim ki, indiyədək həm ölkə daxilində, həm də ölkə xaricində FETÖ-ya qarşı uğurlu əməliyyatlar həyata keçirtmişik. Türkiyədə və xarici ölkələrdə dövlətimizə qarşı xəyanət planlarını beşiyində boğduq. Türkiyə sərhədləri yaxınlığında terrorçuların kökünü kəsdik. Bununla əlaqədar "Fərat qalxanı" və "Zeytun budağı" əməliyyatları həyata keçirdik. "Zeytun budağı" əməliyyatı zamanı 4600 terrorçunu məhv etdik. Ölkə daxilində həyata keçirilən əməliyyatlarda 1400 terrorçu zərərsizləşdirildi".

Rəcəb Tayyib Ərdoğan deyib ki, 15 iyul hadisələri kimin Türkiyənin dar günün dostları olduğunu isbat edib:

"O gecə bizim üçün dua edənlərlə FETÖ-nun qələbəsini arzulayanları heç zaman yaddan çıxartmayacağıq. Həmin günü xuntaçılara dəstək verənlərlə demokratiyaya dəstək verənləri heç zaman eyni tərəziyə qoymarıq. Ölkəmizdən qaçan FETÖ-çulara dəstək verən qüvvələri əsla yaddaşımızdan silməyəcəyik. Açıq-aşkar deyirəm ki, kimin harada və necə gəzib-dolaşdığını çox yaxşı bilirik. Kimin kimlərlə iş birliyində olduğunu da kifayət qədər dəqiq görürük. Ümidlərini FETÖ-çu xuntaçılara bağlayanları, 15 iyul gecəsi hadisələrin məcrasının dəyişməsindən sonra necə məyus olduqlarını və bundan necə narahat olduqlarını çox gözəl bilirik. İlk andan çevrilişə qarşı da münasibətini ortaya qoyanları nəzərə alırıq və bundan sonra da alacağıq. İstər ölkə daxilində, istərsə də ölkə xaricində FETÖ ilə mübarizəmizi fasiləsiz davam etdirəcəyik. Budur, Azərbaycandan 2, Ukraynadan da 2 FETÖ-çu ölkəmizə gətirildi. Ölkə xaricində olan FETÖ-çuları bir-bir ölkəyə gətirəcəyik. Pensilvaniyada oturan terror başçısının qollarını artıq kəsdik və belə davam edəcək".

Qeyd edək ki, mitinqdə Türkiyənin sabiq baş nazirləri - Tansu Çillər və Əhməd Davudoğlu da iştirak edib. 


Vasif Həsənli
Ölkə.Az
İstanbul

ŞƏRH YAZ
0

Azərbaycanlı siyasətçiyə Putinin yanında vəzifə verildi

Azərbaycanlı siyasətçiyə Putinin yanında vəzifə verildi
14:31
15.07.2018
2426
Siyasət
A
Başqırdıstan respublikasının başçısı Rüstəm Hamitov yerli hökumətin vitse-premyeri Fərhad Səmədovu Kremldə səlahiyyətli nümayəndə təyin edib.

"Ölkə.Az" yerli KİV-ə istinadən xəbər verir ki, Rüstəm Hamitovun sərəncamına əsasən azərbaycanlı Fərhad Səmədov Başqırdıstan respublikasının Rusiya Federasiyası prezidenti yanında səlahiyyətli nümayəndəsi təyin edilib.

Qeyd edək ki, F.Səmədov Gürcüstanda anadan olub, 59 yaşı var. Texnika elmləri namizədidir. 2000-ci illərin əvvəllərində Başqırdıstana köçüb. “Kaustik” QSC, “Soda” ASC, “Başneft” və “Birləşmiş neft-kimya şirkəti” ASC şirkətlərində top-menecer işləyib. 2017-ci ilin yanvarında Başqırdıstan hökumətində vitse-premyer təyin olunub.

Ölkə.Az

ŞƏRH YAZ
0
BAĞLA