ATƏT toplantısında erməni təxribatı — VİDEO

ATƏT toplantısında erməni təxribatı
15:36
18.09.2018
3735
Siyasət
A
İclasda gərginlik yaranıb, separatçı çıxış edən erməni zaldan qovulub.

"Ölkə.Az" Real TV-yə istinadən xəbər verir ki, Polşanın paytaxtı Varşava şəhərində ATƏT-in Demokratik İnstitutlar və İnsan Haqları Ofisinin təşkil etdiyi illik Sammitdə azərbaycanlı və ermənilər arasında gərginlik yaranıb. 

“Fundamental azadlıqlar: ifadə və sərbəst toplaşmaq azadlığı, milli insan haqları təşkilatları və vətəndaş cəmiyyəti” mövzusunda keçirilən müzakirələrdə özünü "Avropa Artsax Mərkəzi"nin rəhbəri kimi təqdim edən Harutyun Qriqoryan adlı şəxs çıxış üçün söz alaraq, qondarma "Dağlıq Qarabağ Respublikası"nı müstəqil ölkə kimi təqdim etməyə cəhd edib və son vaxtlar Azərbaycanın hərbi güc nümayiş etdirməsininin qarşısını almağa çağırıb. Separatçı rejim nümayəndəsinin təxribat yönümlü bu çıxışı Azərbaycan nümayəndə heyətinin kəskin reaksiyasına səbəb olub. Azərbaycan rəsmi nümayəndə heyətinin üzvü, Prezident Administrasiyasının əməkdaşı Gülsel Səfərova veto hüququndan istifadə edərək, Harutyun Qriqoryanın çıxışını kəsib və "Artsax" adlı bir ölkənin mövcud olmadığını, həmin ərazilərin Azərbaycana məxsus işğal olunmuş Dağlıq Qarabağ torpaqları olduğunu diqqətə çatdırıb. Azərbaycan nümayəndə heyətinin etirazı ATƏT rəhbərliyi tərəfindən qəbul olunub və separatçı rejim nümayəndəsinin çıxışı dayandırılıb.

Daha sonra çıxış edən Ermənistanın ATƏT-dəki daimi nümayəndəsinin müavini David Knyazyan Cənubi Qafqazda sərbəst hərəkət azadlığı haqqında danışıb və rəsmi Bakının və Ankaranın ünvanına böhtan xarakterli fikirlər səsləndirib. David Knyazyan iddia edib ki, Ermənistan hazırda Türkiyə və Azərbaycan tərəfindən blokadaya alınıb. Bakıda keçirilən Türkiyə-Azərbaycan birgə hərbi təlimlərinə diqqət çəkən erməni səfir bundan narahatlığını açıq şəkildə ifadə edib.

Əsas gərginlik isə bundan sonra yaşanıb. Belə ki, Ermənistan səfirindən sonra çıxış edən Azərbaycan Demokratiya və İnsan Haqları İnstitutunun rəhbəri Əhməd Şahidov "Cənubi Qafqazda fundamental azadlıqlar və milli insan haqları təşkilatları" barədə çıxışa başlayanda Ermənistan səfiri David Knyazyan veto hüququndan istifadə edərək, Əhməd Şahidovun çıxışının qarşının alınmasını istəyib. Səbəb kimi azərbaycanlı hüquq müdafiəçisinin digər həmkarlarından fərqli olaraq, son illər ATƏT-in toplantılarında Dağlıq Qarabağ münaqişəsinə daha çox diqqət ayırdığı və Ermənistanın ünvanına tənqidlər səsləndirdiyini deyən erməni diplomatın vetosu tutarlı qəbul olunmayıb və söz yenidən Əhməd Şahidova verilib.

Hüquq müdafiəçisi Əhməd Şahidov çıxışında ATƏT-in baza prinsiplərindən söz açıb və separatçı rejim nümayəndələrinin bucür beynəlxalq tədbirlərdə iştirakının yolverilməz olduğunu bildirib və bunun ATƏT-in fundamental prinsiplərinə, eləcə də ölkələrin ərazi bütövlüyünə zidd olduğunu diqqətə çatdırıb. Daha sonra Ermənistan səfirinin fikirlərinə cavab verən Əhməd Şahidov Azərbaycanın multikultural ölkə olduğunu, bütün xalqların, o cümlədən də ermənilərin Azərbaycanda rahat şəkildə yaşadıqlarını xüsusi vurğulayıb: "Məndən öncə çıxış edən və özünü qondarma separatçı rejimin nümayəndəsi kimi təqdim edən Harutyun Qriqoryanın fikirlərinə münasibət bildirmək istəyirəm ki, Dağlıq Qarabağ və digər işğal olunmuş torpaqlar Azərbaycan Respublikasının əraziləridir. Və buradan ATƏT Katibliyinə də müraciət edirəm ki, bu kimi separatçı rejimləri təmsil edən şəxslərin tədbirlərdə iştirakının qeydiyyata alınması yolverilməzdir. Burada əyləşən hər kəsdən tələb edirəm ki, BMT-nin məlum qətnamələrinə, ATƏT-in təməl prinsiplərinə, o cümlədən Azərbaycan Respublikasının ərazi bütövlüyünə hörmətlə yanaşılsın".

Azərbaycanlı hüquq müdafiəçisinin bu çıxışından sonra separatçı rejimin nümayəndəsi Harutyun Qriqoryan zaldan çıxarılıb.

Qeyd edək ki, ATƏT üzvü olan ölkələrin qatıldığı İnsani Dəyərlərin Tətbiqi Müşavirəsi Avropada hər il keçirilən ən böyük insan haqları və demokratiya konfransıdır. Hər il ATƏT-in Demokratik Təsisatlar və İnsan Haqları Ofisi tərəfindən təşkil olunan bu toplantı ATƏT üzvü olan 57 ölkə, Əməkdaşlıq üzrə ATƏT Tərəfdaşları, ATƏT-in müxtəlif strukturları, vətəndaş cəmiyyəti institutları, beynəlxalq təşkilatlar və digər müvafiq şəxslərin bir araya toplaşdığı, ATƏT-in insan haqları üzrə vəzifələrinin qiymətləndirildiyi, habelə mövcud problemlərin müzakirə edildiyi, faydalı təcrübələrin paylaşıldığı və gələcək inkişaf üçün qərarların verildiyi yeganə platformadır.

ŞƏRH YAZ
0

Elmar Məmmədyarov Çilidə rəsmi səfərdədir — FOTO

Elmar Məmmədyarov Çilidə rəsmi səfərdədir
13:29
Bu gün
81
Siyasət
A
Azərbaycan Respublikasının xarici işlər naziri Elmar Məmmədyarov Çili Respublikasına rəsmi səfəri çərçivəsində Çili Milli Konqresində bir sıra görüşlər keçirib.

Xarici İşlər Nazirliyinin (XİN) Mətbuat xidmətindən "Ölkə.Az"a verilən məlumata görə, Çili Senatının sədri Xaime Kintana, Senatın Xarici əlaqələr komitəsinin sədri Xose Miqel İnsulza, Çili-Azərbaycan parlamentlərarası dostluq qrupunun sədri Fransisko Çauan və qrupun digər üzvləri ilə keçirilən görüşlərdə Azərbaycan və Çili arasında dostluq münasibətlərinin inkişaf etməkdə olduğu, qarşılıqlı olaraq diplomatik təmsilçiliklərin fəaliyyət göstərdiyi vurğulanıb. 

Görüşlərdə iqtisadi-ticarət, enerji, kənd təsərrüfatı, sərmayə qoyuluşu, nəqliyyat, mədəni-humanitar, təhsil və digər sahələrdə əlaqələrin inkişaf etdirilməsi üçün geniş potensialın olduğu qeyd edilərək ikitərəfli münasibətlərin, eyni zamanda iki xalq arasında əlaqələrin gücləndirilməsində parlamentlərarası dostluq qruplarının fəaliyyətinin əhəmiyyətindən bəhs olunub.

Nazir E.Məmmədyarov Azərbaycan və Çilinin beynəlxalq təşkilatlar çərçivəsində fəal əməkdaşlıq etdiyini, beynəlxalq gündəlikdə duran əksər məsələlərdə mövqelərinin üst-üstə düşdüyünü bildirib. Bu konteksdə, hər iki ölkənin Qoşulmama Hərəkatının üzvü olduğunu vurğulayaraq Azərbaycanın Qoşulmama Hərəkatına sədrliyi çərçivəsində cari ilin oktyabr ayında hərəkatın Bakıda Zirvə Toplantısının keçiriləcəyini və Çili tərəfinin də bu əhəmiyyətli tədbirə dəvət olunduğunu qeyd edib.

Daha sonra E.Məmmədyarov Çili Deputatlar Palatasının Xarici əlaqələr komitəsinin gündəlik sessiyasında iştirak edərək komitənin sədri, Çili-Azərbaycan parlamentlərarası dostluq qrupunun vitse-prezidenti Pablo Vidal və komitənin və dostluq qrupunun digər üzvləri ilə görüşüb. Görüşdə Azərbaycan haqqında geniş məlumat verən nazir Elmar Məmmədyarov iki ölkə arasında ikitərəfli münasibətlərin bütün aspektlərini nəzərdən keçirərək əlaqələrin inkişaf etdirilməsi üçün kifayət qədər potensialın olduğunu qeyd edib. Həmçinin Çili və Azərbaycanın beynəlxalq təşkilatlar, o cümlədən Qoşulmama Hərəkatı çərçivəsində əməkdaşlıq etməsindən və bu xüsusda, Azərbaycanın hərəkata sədrliyinin prioritetlərindən və Bakıda keçiriləcək Zirvə Toplantısından danışıb.

Görüş zamanı Elmar Məmmədyarov, ümumilikdə, Cənubi Qafqaz regionunun təhlükəsizliyi üçün ciddi təhdid olan Ermənistan-Azərbaycan Dağlıq Qarabağ münaqişəsi və Ermənistanın Azərbaycana qarşı davam edən işğalı və münaqişənin həlli üzrə danışıqlar prosesinin cari vəziyyəti haqqında məlumat verərək münaqişənin BMT Təhlükəsizlik Şurasının məlum qətnamələrinə uyğun olaraq Azərbaycanın suverenliyi, ərazi bütövlüyü və beynəlxalq səviyyədə tanınmış sərhədlərinin toxunulmazlığı prinsipləri əsasında həll edilməli olduğunu və məcburi köçkünlərin öz doğma yurdlarına qayıtmasının labüd olduğunu diqqətə çatdırıb.

Elmar Məmmədyarov Çili Deputatlar Palatasının Ermənistan-Azərbaycan Dağlıq Qarabağ münaqişəsi üzrə BMT Təhlükəsizlik Şurasının müvafiq qətnamələrini rəhbər tutaraq Azərbaycanın ədalətli mövqeyini, ərazi bütövlüyü və suverenliyini dəstəklədiyi üçün təşəkkürünü bildirib.

ŞƏRH YAZ
0

Maliyyə Nazirliyinə yeni vəzifə həvalə edildi

Maliyyə Nazirliyinə yeni vəzifə həvalə edildi
13:11
Bu gün
223
Siyasət
A

Nazirlər Kabineti “Dövlət büdcəsinin tərtibi və icrası Qaydaları”nda dəyişiklik edib.

"Ölkə.Az"ın məlumatına görə, dəyişikliyə əsasən Maliyyə Nazirliyinə yeni vəzifə həvalə edilib.

Maliyyə Nazirliyi cari ilin sentyabr ayının 25-dən gec olmayaraq növbəti il üçün proqnozlaşdırılan büdcə xərclərinin iqtisadi və inzibati təsnifatlar üzrə bölgüsü barədə məlumatı Azərbaycan Respublikasının Prezidentinə təqdim etməlidir.

Ölkə.Az

ŞƏRH YAZ
0
BAĞLA