ATV-nin canlı efirində dava — VİDEO

ATV-nin canlı efirində dava
15:15
11.10.2018
4929
Ölkə
A
Ötən gün ATV-də yayımlanan “Bizimləsən” proqramında dava düşüb.

"Ölkə.Az" Oxu.Az-a istinadən xəbər verir ki, buna səbəb Kürdəmir rayon Qarıs Əyribənd kənd sakini, 1996-ci il təvəllüdlü Cabbarov Əli Vidadi oğlunun ailəsinin onun ölümündə qonşu ailənin oğlunu günahlandırması səbəb olub.

Belə ki, Girdiman çayın Kürdəmir rayon ərazisindən keçən hissəsindəki körpüdən özünü asaraq intihar edən Əlinin valideynləri hesab edir ki, günahkar qonşunun oğludur.

“Bizimləsən”ə çıxan iki ailə problemi verilişdə çözmək istəyib, amma onların arasında qalmaqal baş verib. 

Telekanalın mühafizə xidmətinin əməkdaşlarının müdaxiləsi ilə ailələr sakitləşdirilib.

ŞƏRH YAZ
0

Şirməmməd Hüseynov vəfat edib

Şirməmməd Hüseynov vəfat edib
20:54
Bu gün
58
Ölkə
A
Azərbaycanın görkəmli alimi və mətbuat tədqiqatçısı, Azərbaycan jurnalistikasının görkəmli simalarından biri Şirməmməd Hüseynov vəfat edib.

"Ölkə.Az" bildirir ki, 95 yaşlı jurnalist evində dünyasını dəyişib.

Ş.Hüseynov 1924-cü ildə Şəkidə anadan olub. 1941-1943-cü illərdə bu şəhərdəki 2 illik müəllimlər institutunun fizika-riyaziyyat fakültəsində, 1945-1950-ci illərdə o vaxtkı Azərbaycan Dövlət Universitetində filologiya-jurnalistika şöbəsində, 1950-1954-cü illərdə M.V.Lomonosov adına Moskva Dövlət Universitetinin (MDU) Jurnalistika fakültəsinin aspirantura şöbəsində təhsil alıb. 1954-cü ildə MDU, jurnalistika fakültəsində namizədlik dissertasiyası müdafiə edib.

O, 1954-1961-ci illərdə BDU-nun filologiya fakültəsinin jurnalistika kafedrasının müəllimi, dosent vəzifələrində çalışıb, 1962-1969-cu illərdə həmin fakültənin dekan müavini olub, 1961-1971-ci illərdə BDU-nun jurnalistikanın nəzəriyyə və təcrübəsi kafedrasının dosenti, 1971-1976-cı illərdə BDU-nun Jurnalistika fakültasinin dekanı, 1971-1988-ci illərdə BDU-nun mətbuat tarixi kafedrasının dosenti, 1976-1988-ci illərdə həmin kafedrasının müdiri vəzifəsində işləyib, 1988–ci ildən kafedranın professorudur.

Şirməmməd Hüseynovun Azərbaycan Xalq Cumhuriyyətinin, Məmməd Əmin Rəsulzadə irsinin öyrənilməsində, təbliğində misilsiz xidməti var.

Ölkə.Az

ŞƏRH YAZ
0

Xuliqanlıq edən şəxs tutuldu

Xuliqanlıq edən şəxs tutuldu
20:00
Bu gün
781
Ölkə
A
Xuliqanlıq etdiyinə görə tutulan şəxsin digər cinayət əməlinin də üstü açılıb.

DİN Mətbuat Xidmətindən "Ölkə.Az"a verilən məlumata görə, xuliqanlıq etdiyinə görə tutulmuş K.Əliyevin ətrafında Nərimanov RPİ 17-ci PŞ-nin əməkdaşları tərəfindən aparılmış əməliyyat tədbirləri ilə onun bu il fevralın 20-də Bakı şəhər sakini olan bir nəfərə zor tətbiq edib 17000 manat pulunu alması da müəyyən edilib. 

Ölkə.Az

 

ŞƏRH YAZ
0
BAĞLA