ATV-nin rəhbəri Vüqar Qaradağlı vəzifəsindən azad edildi
"Ölkə.Az" xəbər verir ki, bizimyol.info saytı ATV kanalının Prezidenti Vüqar Qaradağlının işdən çıxarılması və yeni təyinatla bağlı açıqlama alıb.
ATV kanalının Prezidenti təyin olunan Azər Xəlilov saytımıza açıqlamasında məlumatın doğru olduğunu bildirib.
“Bəli məlumat doğrudur. Mən təyin edilmişəm. Hazırda kanalda iclas gedir. Sonra yenidən danışarıq.”
***
"Ölkə.Az" xəbər verir ki, bizimyol.info saytına daxil olan məlumata görə ATV prezidenti Vüqar Qaradağlı telekanaldan uzaqlaşdırılıb. Onun işdən çıxarılmasına səbəb Turan İbrahimovun proqramında dövlətin əlehinə ifadələr işlətməsi olub.
Kanalın idarəçiliyi isə müvəqqəti olaraq CBC telekanalının baş direktoru Azər Xəlilova tapşırılıb.
Qeyd edək ki, “CBC” telekanalı əvvəllər ATV nin tərkibində fəaliyyət göstərib.
