\"Audi\" sükansız və pedalsız avtomobilini təqdim etdi
"Audi" şirkəti Frankfurt şəhərində keçirilən beynəlxalq avtomobil sərgisində yeni "Aicon" modelini təqdim edib.
"Ölkə.Az" xəbər verir ki, yeni "Audi Aicon" modelində sükan və pedallar yoxdur.
Dördqapılı avtomobil elektrik enerjisi ilə hərəkət edir. Bir dəfəyə 700-800 kilometr məsafə qət edən avtomobilin xarici və daxili görünüşü də fərqlidir. Ön şüşə daha böyük ölçüyə malidir. Yan pəncərələr isə sağa və sola hərəkət edə bilər.
"Audi"nin bəzi modellərində avtomobilin dam hissəsinə nazir günəş batereyaları quraşdırılacaq. Bu isə avtomobilə daha uzaq məsafəyə səfər etmək imkanı verəcək. İlk prototip 2017-ci ilin sonuna qədər hazır olacaq.
Hikmət Həsənov
Ölkə.Az
