Avqust ayında qlobal neft təklifi kəskin azalacaq

Avqust ayında qlobal neft təklifi kəskin azalacaq
19:17
22.08.2017
33
İqtisadiyyat
A
Orta Şərq və Afrikada neft hasilatının azalmasının təsiri ilə Neft İxrac Edən Ölkələr Təşkilatının (OPEC) neft təklifi avqustda kəskin aşağı düşəcək.

"Ölkə.Az" Azərtac-a istinadən xəbər verir ki, bu barədə OPEC-in ixracını analiz edən “PetroLogistics” şirkətinin proqnozunda deyilir.

Bildirilir ki, OPEC-in neft təklifi bu ay gündəlik 419 min barel azalacaq. Buna səbəb Səudiyyə Ərəbistanının azalan neft ixracı və neft hasilatının azaldılması sazişinə qoşulan digər neft istehsalçılarının hasilatı aşağı salmalarıdır.

“PetroLogistics”in icraçı direktoru Daniel Gerber deyib: “OPEC-ə üzv 14 ölkədə neft təklifinin ümumilikdə gündəlik 419 min barel azalacağı nəzərə alındıqda avqustda kartelin sutkalıq hasilatının orta hesabla 32,8 milyon barel olacağı gözlənilir. OPEC-in xam neft ixracı avqustun ilk yarısında gündəlik 750 min barelədək azalıb. Latın Amerikası ölkələrinin neft ixracında artım müşahidə edilib, Orta Şərq və Afrikada isə azalmalar qeydə alınıb”.

O, ən böyük neft ixracatçısı olan Səudiyyə Ərəbistanının ixracının bu ay keçənilki səviyyədən 1 milyon barel aşağı düşərək 6,6 milyon barelə qədər azaldığını açıqlayıb.

Qeyd edək ki, ötən il noyabrın 30-da OPEC üzrə gündəlik neft hasilatının 1,2 milyon barel azaldılaraq 32,5 milyon barelə endirilməsi barədə razılıq əldə olunub. Dekabrın 10-da isə Vyanada OPEC üzvləri ilə təşkilata daxil olmayan 11 ölkə, o cümlədən Azərbaycan ümumi hasilatın sutkada 558 min barel azaldılması barədə sazişə imza atıb. Neft hasilatının azaldılması üzrə sazişə müvafiq olaraq Azərbaycan iyulda hasilatı sutkada 35 min barel azaltmaqla bağlı götürdüyü öhdəliyi tam yerinə yetirib. Ölkə üzrə gündəlik neft hasilatı yanvar ayı ərzində 793,9 min barel, fevralda 776,4 min barel, martda 733,3 min barel, apreldə 781,1 min barel, mayda 785,3 min barel, iyunda isə 793,7 min barel olub. Mayın 25-də OPEC Nazirlər Şurasının 172-ci iclası çərçivəsində OPEC-ə üzv və qeyri-üzv dövlətlər arasında neft hasilatının azaldılmasına dair sazişin müddətinin 2018-ci ilin birinci rübünün sonunadək uzadılması barədə razılıq əldə olunub.

ŞƏRH YAZ
0

Mübariz Mənsimovun daha bir gəmisinə həbs qoyuldu — 8 gündür, limanda qalıb

Mübariz Mənsimovun daha bir gəmisinə həbs qoyuldu
21:48
19.01.2018
1223
İqtisadiyyat
A
“Palmali Dənizçilik Şirkəti”nə məxsus "Ağsu" yük tankeri Danimarkanın Kalundborg limanında saxlanılıb.

"Ölkə.Az" xəbər verir ki, "Report"un "Deniz Haber Ajansı"na istinadən məlumatına görə, buna səbəb "PAL SHIPPING TRADER THREE" şirkətinin mülkiyyətində olan gəmidə çatışmazlıqların ortaya çıxmasıdır. 

Məlumatda gəminin İsveçin Göteborg limanından hərəkət etdiyi və yanvarın 11-də Danimarkanın Kalundborg limanına yan aldığı, danimarkalı müffətişlər tərəfindən Paris Memorandumu (Paris MoU) çərçivəsində yoxlamalar başlandığı və nəzarət altına verildiyi qeyd olunub. Nəticədə "Ağsu" tankerinin səfərə çıxmasına qadağa qoyulduğu və həbs qoyulması barəsində sənəd tərtib edildiyi vurğulanıb. 

Xəbərdə həmçinin texniki çatışmazlıqları aradan qaldırmadığına görə artıq 8 gündür, gəminin səfərə çıxmasına icazə verilmədiyi bildirilib. 

Ölkə.Az

ŞƏRH YAZ
0

Azərbaycanda ötən ay 2 248 Yaşıl Kart müqaviləsi bağlanılıb

Azərbaycanda ötən ay 2 248 Yaşıl Kart müqaviləsi bağlanılıb
19:45
19.01.2018
805
İqtisadiyyat
A
2017-ci ilin dekabr ayında Yaşıl Kart sistemi çərçivəsində fəaliyyət göstərmək hüququ olan Azərbaycan sığortaçıları 2 248 Yaşıl Kart beynəlxalq sığorta müqaviləsi bağlayıb.

“Ölkə.Az” İcbari Sığorta Bürosuna (İSB) istinadən xəbər verir ki, bunlardan 1 162 müqavilə Türkiyə və İrana, 1 062 müqavilə Rusiya, Moldova və Ukraynaya, 24 müqavilə isə Yaşıl Kart sisteminə daxil olan bütün ölkələrə (Belarus və İsrail istisna olmaqla) səfər edən avtonəqliyyat vasitələri ilə bağlı olub.

Hesabat dövründə beynəlxalq sığorta müqavilələri üzrə sığorta şirkətləri tərəfindən toplanmış sığorta haqları 120 461 manat təşkil edib. Yaşıl Kart müqavilələrinin 1 849 minik, 216 yük, 159 qoşqu və 24 avtobus kateqoriyası üzrə olan nəqliyyat vasitələri ilə bağlı olub.

Hazırda Yaşıl Kart sığorta növü üzrə İSB-nin iştirakçıları olan 13 sığorta şirkəti (Azərbaycan Dövlət Sığorta Kommersiya Şirkəti, “Atəşgah Sığorta", “Standard Insurance”, “AtaSığorta”, “Xalq Sığorta”, “PAŞA Sığorta”, “AXA-Mbask”, “AzSığorta”, “Meqa Sığorta”, “Silkway Insurance", “Azərbaycan Sənaye Sığorta”, “Qala Sığorta” və “Günay Sığorta” ASC-lər) fəaliyyət göstərir.

“Yaşıl Kart” beynəlxalq sığorta sistemi – avtonəqliyyat vasitəsi sahiblərinin mülki məsuliyyətinin sığortası şəhadətnaməsinin bu sistemin iştirakçıları, yəni üzv ölkələr arasında qarşılıqlı tanınması haqqında sazişdir. Bu sistemə əsasən, “Yaşıl Kart” haqqında Sazişin iştirakçıları olan dövlətlərin hər hansı biri tərəfindən verilmiş avtonəqliyyat vasitəsi sahiblərinin mülki məsuliyyətinin sığorta şəhadətnaməsi həmin Sazişin iştirakçısı olan digər dövlətlərin ərazisində etibarlı sayılır. Hal-hazırda sistemə 48 ölkə üzvdür. Azərbaycan 2015-ci il 28 may tarixində sistemə üzv ölkə qismində qəbul edilib və 2016-cı ilin 1 yanvar tarixindən etibarən sistem çərçivəsində fəaliyyət göstərir. 

ŞƏRH YAZ
0
BAĞLA