Avro-2017: Azərbaycan Almaniyaya qarşı

Avro-2017: Azərbaycan Almaniyaya qarşı
12:22
25.09.2017
162
İdman
A
Qadın voleybolçular arasında Avropa çempionatında bu gün qrup mərhələsinə yekun vurulacaq.

"Ölkə.Az" Apasport.az-a istinadən xəbər verir ki, A qrupunda yer alan Azərbaycan yığması III turda Almaniyanı sınağa çəkəcək.

İlk 2 görüşdə set vermədən qalib gələn Faiq Qarayevin yetirmələrinin bu dəfə də eyni uğuru təkrarlayacağı gözlənilir. Komandamız 1 hissədə belə qalib gələcəyi halda, qrup lideri olacaq və birbaşa 1/4 finala vəsiqə qazanacaq.

Lakin rəqib də "play-off"da oynamadan qrupdan çıxmaq arzusundadır. Onlar da bu səbəbdən “quru hesab”la qalib gəlməyə çalışacaqlar.

Qeyd edək ki, Macarıstan artıq yarışla vidalaşıb. Polşa isə "pley-off"da rəqibini gözləyir.

Avro-2017

Qrup mərhələsi

25 sentyabr

A qrupu

III tur

18:00. Almaniya – Azərbaycan

Hakimlər: Stefan Takayçvili (Gürcüstan), Vladimir Oleynik (Rusiya)

Azərbaycan: 1. Ceyran Əliyeva, 2. Kseniya Poznyak, 5. Odina Bayramova, 6. Ayşən Abduləzimova, 7. Olena Həsənova, 8. Yelizaveta Səmədova, 9. Natalya Məmmədova, 10. Yana Kulan, 11. Yekaterina Jidkova, 12. Valeriya Məmmədova, 14. Kristina Yaqubova, 15. Aynur Kərimova, 17. Polina Rəhimova, 18. Şəfaqət Həbibova

Baş məşqçi: Faiq Qarayev

Almaniya: 1. Lenka Dürr, 2. İrina Kemmisi, 3. Deniz Hanke, 4. Maren Fromm, 5. Yana-Fransiska Poll, 6. Cennifer Qirties, 7. Cennifer Pettke, 10. Lena Stiqrot, 11. Luiza Lippmann, 14. Mari Şoeltsel, 17. Anna Poqani, 19. Tanya Qrosser, 20. Leoni Şvertmann, 22. Liza Qründinq,

Baş məşqçi: Feliks Kozlovski

ŞƏRH YAZ
0

"Kəpəz" növbəti dəfə məğlub oldu

20:50
25.02.2018
218
İdman
A
Bu gün Azərbaycan Premyer Liqasının XVII turunun son qarşılaşması baş tutub.

"Ölkə.Az" xəbər verir ki, “Qarabağ" klubu doğma meydanda Gəncə “Kəpəz"ini qəbul edib. Azərsun Arenada keçirilən matçın birinci hissəsi 0-0 hesablı bərabərliklə tamamlanıb.

Meydan sahibləri qarşılaşmanın ikinci hissəsində hesabı açıblar. 85-ci dəqiqəsində Riçard Almeydanın vurduğu qol "Qarabağ"a 3 xal qazandırıb.

“Qarabağ” bununla da Türnir cədvəlindəki xallarının sayını 44-ə çatdıraraq liderliyini daha da möhkəmləndirib. “Kəpəz” isə 7 xalla sonuncudur.

Ölkə.Az

ŞƏRH YAZ
0

“Pxençan-2018” Qış Olimpiya Oyunlarının bağlanış mərasimi keçirilib — FOTO

“Pxençan-2018” Qış Olimpiya Oyunlarının bağlanış mərasimi keçirilib
17:55
25.02.2018
574
İdman
A
Fevralın 25-də “Pxençan-2018” Qış Olimpiya Oyunlarının təntənəli bağlanış mərasimi olub.

"Ölkə.Az" "Azərtac"a istinadən xəbər verir ki, 35 min azarkeş tutumu olan Pxençan Olimpiya Stadionunda keçirilən mərasimdə əvvəlcə Koreya Respublikanın bayrağı qaldırılıb və dövlət himni səsləndirilib.

Dünya musiqisi ilə Koreya milli musiqi alətlərinin vəhdətindən ibarət kompozisiyanın təqdimatından sonra “Pxençan-2018”də iştirak edən ölkələrin bayraqları stadiona gətirilib.

Sonra idmançıların paradı olub.

Mərasim xizəkçilik yarışları üzrə qadınlar arasında 30, kişilərin mübarizəsində isə 50 kilometr məsafəyə marafon yarışlarının qaliblərinin mükafatlandırılması ilə davam edib. Qalibləri medalları Beynəlxalq Olimpiya Komitəsinin (BOK) prezienti Tomas Bax və Beynəlxalq Xizəksürmə Federasiyasının prezidenti Qik Frank Kasper təqdim ediblər.

Könüllülərə təşəkkür edildikdən sonra musiqi proqramı təqdim olunub.

Ənənəyə uyğun olaraq Yunanıstanın bayrağı qaldırılıb və dövlət himni səsləndirilib.

Sonra Pxençan şəhərinin meri Jea Quk Sin Olimpiya bayrağını BOK-un prezidentinə təqdim edib. Tomas Bax bayrağı 2022-ci ildə Qış Olimpiya Oyunlarına ev sahibliyi edəcək Pekin şəhərinin meri Jininq Çenə təhvil verib.

“Pekin-2022” Qış Olimpiya Oyunları ilə bağlı təqdimat nümayiş edilib.

Olimpiya məşəli söndürüldükdən sonra xüsusi lazer effektləri ilə şou nümayiş olunub, DJ-lərin ifasında konsert proqramı təşkil olunub.

Bağlanış mərasiminə möhtəşəm atəşfəşanlıqla yekun vurulub.

Norveç millisi “Pxençan-2018” Qış Olimpiya Oyunlarının medal sıralamasında birinci olub. Bu ölkənin hesabında 14 qızıl, 14 gümüş və 11 bürünc medal var. Almaniya (14-10-7) ikinci, Kanada (11-8-10) üçüncü, ABŞ (9-8-6) dördüncü, Niderland (8-6-6) isə beşinci pillədə qərarlaşıb. Ümumilikdə 30 ölkənin idmançıları medalçılar arasında yer alıblar.

“Pxençan-2018” Olimpiya Oyunlarında 92 ölkədən 2952 idmançı iştirak edib. Bu, indiyə qədər Qış olimpiadalarında iştirakçıların sayına görə rekord göstəricidir. Oyunlara ən çox idmançı ilə qatılan ölkə Amerika Birləşmiş Ştatları (242 atlet) olub.

Oyunlarda Azərbaycan dağ xizəkçiliyi yarışlarında təmsil olunub.

Qış Olimpiadasında yarışlar 13 idman obyektində keçirilib. Atletlər 7 idman növündə 102 dəst medal uğrunda yarışıblar. Medalların birinin çəkisi 586 qramdan artıqdır. Bu, Qış Olimpiya Oyunları tarixində çəkisinə görə ən ağır mükafatdır.

XXIII Qış Olimpiya Oyunları 6 yeni ölkənin debütü ilə də əlamətdar olub. Ekvador, Eritreya, Kosovo, Malayziya, Nigeriya və Sinqapur tarixində ilk dəfə Qış Olimpiya Oyunlarında iştirak ediblər.

Ölkə.Az

ŞƏRH YAZ
0
BAĞLA