AVRO-2020: Azərbaycan millisinin növbəti sınağı

AVRO-2020: Azərbaycan millisinin növbəti sınağı
10:03
11.06.2019
767
İdman
A
Bu gün futbol üzrə Azərbaycan millisi AVRO-2020-nin seçmə mərhələsində növbəti oyununu keçirəcək.

"Ölkə.Az" xəbər verir ki, E qrupunda yer alan Nikola Yurçeviçin yetirmələri “Bakcell Arena”da Slovakiya komandasını qəbul edəcək.

Bu, millimizin qrupda üçüncü oyunudur. Azərbaycan komandası bundan əvvəl keçirdiyi iki oyunun hər ikisində məğlub olub.

Yığmamız Xorvatiyaya səfərdə 1:2, Macarıstana isə Bakıda 1:3 hesabı ilə uduzub.

Qrupun digər oyununda isə Macarıstan və Uels milliləri qarşılaşacaq.

E qrupuna 6 xalla Macarıstan və Xorvatiya komandaları başçılıq edir. Hərəyə üç xal toplayan Uels və Slovakiya 3-4 yerləri bölüşürlər. Hələlik bir xal belə qazanmayan Azərbaycan komandası isə sonuncu yerdədir.

Ölkə.Az

ŞƏRH YAZ
0

UEFA "Qarabağ"ı cərimələdi

UEFA
11:04
Bu gün
88
İdman
A
UEFA-nın Nəzarət, Etika və İntizam Komitəsi "Qarabağ"ı cərimələyib.

Avropa futbol qurumunun mətbuat xidmətindən "Ölkə.Az"a verilən məlumata görə, buna səbəb Ağdam təmsilçisinin iyulun 31-də "Dalğa Arena"da Çempionlar Liqasının II təsnifat mərhələsində İrlandiya "Dandolk"unu 3:0 hesabı ilə məğlub etdiyi oyunda baş verənlərdir.

Qurum qarşılaşmanın ikinci hissəsində meydana azarkeşin daxil olması və tribunalarda insidentin baş verməsinə görə "Qarabağ"a 20 min avro (38 min manat) məbləğində cərimə kəsib.

Qeyd edək ki, Çempionlar Liqasının III təsnifat mərhələsində Kipr APOEL-ini (2:1, 0:2) keçə bilməyən "Qarabağ" çıxışını Avropa Liqasında davam etdirir. Azərbaycan çempionu Şimali İrlandiyada baş tutan ilk pley-off matçında "Linfild"ə 2:3 hesabı ilə uduzub. Cavab görüşü avqustun 29-da Tofiq Bəhramov adına Respublika stadionunda olacaq.

Ölkə.Az

ŞƏRH YAZ
0

“Qarabağ” – “Linfild” oyununun hakimləri açıqlandı

“Qarabağ” – “Linfild” oyununun hakimləri açıqlandı
06:18
Bu gün
388
İdman
A
Avropa Liqasının pley-off mərhələsinin cavab oyunları çərçivəsində keçiriləcək “Qarabağ” – “Linfild” matçının hakimləri açıqlanıb.

"Ölkə.Az" APA-ya istinadən xəbər verir ki, Azərbaycan və Şimali İrlandiya çempionlarının qarşılaşması rusiyalılara tapşırılıb.

Sergey İvanov baş hakim, Roman Usaçov və Valeri Dançenko köməkçi hakimlər olacaq. Sergey Lapoçkin isə dördüncü hakim funksiyasını yerinə yetirəcək.

Avqustun 29-da keçiriləcək matçın hakim-inspektoru lüksemburqlu Alan Hamer, UEFA nümayəndəsi sloveniyalı Marko Simeunoviç olacaq.

Görüş Bakıdakı Tofiq Bəhramov adına Respublika stadionunda keçiriləcək.

Qeyd edək ki, ilk oyunda “Linfild” 3:2 hesabı ilə qalib gəlib.

ŞƏRH YAZ
0
BAĞLA