KORONAVİRUSA YOLUXANLARIN SAYI - CANLI STATİSTİKA

Avro-2020-nin tarixi dəyişdirilib

Avro-2020-nin tarixi dəyişdirilib
23:17
17.03.2020
1238
İdman
A
UEFA bu gün milli komandaların bu yay keçirilməli olan əsas turnirinin – Avro-2020-nin tarixinin dəyişdirilməsi – 2021-ci ilə keçirilməsi ilə əlaqədar qərar qəbul edib.

"Ölkə.Az" bildirir ki, report AFFA-ya istinadən xəbər verir ki, qərar qəbul olunarkən oyun iştirakçılarının sağlamlığının prioritet məsələ olması və çempionatın təşkil olunacağı ölkələrdə dövlət orqanlarının üzərinə hər hansı əlavə təzyiqin düşməməsi nəzərə alınıb. Avro-2020-nin tarixinin dəyişdirilməsi COVİD-19 virusu ilə əlaqədar məcburi fasilə yaranmış ölkədaxili çempionatların yekunlaşdırılmasına şərait yaradacaq.

UEFA-nın bütün klub və milli komandalar səviyyəsində həm kişilər, həm də qadınlar arasında oyunları (yoldaşlıq görüşləri daxil olmaqla) növbəti qərar qəbul olunana qədər təxirə salınıb. Avro-2020-yə vəsiqə uğrunda martın sonuna təyin olunmuş play-off oyunları mövcud situasiya dəyərləndirildikdən sonra bu ilin iyun ayındakı beynəlxalq oyun günlərində keçiriləcək.

Müvafiq qərarlar bu gün UEFA-nın prezidenti Aleksander Çeferin tərəfindən çağırılmış, UEFA-nın üzvü olan 55 milli assosiasiyanın nümayəndələrinin, Avropa Klublar Assosiasiyasının, FIFPro Avropanın təmsilçilərinin iştirakı ilə təşkil olunmuş videokonfransdan sonra UEFA İcraiyyə Komitəsi tərəfindən qəbul olunub.

Avro-2020 üçün yeni tarixlər 11 iyun – 11 iyul 2021-ci il təklif olunub. UEFA hazırda bilet sahibi olanlara və qonaqpərvərlik xidməti müştərilərinə 2021-ci ildə turnirin oyunlarını izləyə bilməyəcəkləri təqdirdə, biletlərin və qonaqpərvərlik xidməti paketlərinin nominal qiymətinin tam şəkildə ödəniləcəyinə zəmanət verir. Növbəti ay ərzində bu proses barədə elektron poçt və euro2020.com/tickets keçidi vasitəsilə əlavə məlumat veriləcək.

Klub və milli komandalar səviyyəsində kişilər və qadınlar arasında digər turnirlərin vaxtı elan olunacaq.

ŞƏRH YAZ
0

Tokio olimpiadasının başlayacağı tarix açıqlandı

Tokio olimpiadasının başlayacağı tarix açıqlandı
14:20
Bu gün
376
İdman
A
Koronavirus (COVID-19) pandemiyasına görə təxirə salınmış Tokio Yay Olimpiya Oyunlarının keçiriləcəyi vaxt məlum oldu.

"Ölkə.Az" oxu.az-a istinadən xəbər verir ki, Olimpiadanın açılış mərasimi 23 iyul 2021-ci ildə olacaq. Rəsmi qərar isə bu gün - Beynəlxalq Olimpiya Komitəsinin keçirəcəyi təcili görüşdə elan olunacaq.

Xatırladaq ki, təxirə salınmış Tokio-2020 Yay Olimpiya Oyunları 24 iyul - 9 avqustda keçirilməli idi. 

Ölkə.Az

ŞƏRH YAZ
0

Mövsümün aqibəti necə olacaq? — UEFA prezidenti açıqladı

Mövsümün aqibəti necə olacaq?
07:55
Bu gün
404
İdman
A
UEFA prezidenti Aleksandr Çeferin Avropa futbolunda mövsümün davamı ilə bağlı planlarını bölüşüb.

"Ölkə.Az" qol.az-a istinadən istinadən xəbər verir ki, o, bu mövsüm üçün üç seçim olduğunu söyləyib:

"Üç seçim var, mayın ortası, iyun və ya iyulunda sonunda yenidən turnirləri bərpa etmək. Əgər bunu reallaşdıra bilməsək, yəqin ki, mövsüm tamamlanmayacaq. Ya da növbəti mövsümün daha gec başlanması şərti ilə hazırkı mövsümü bitirmək olar. Liqalar və klublar üçün ən yaxşı yolun hansının olacağına baxacağıq".

Ölkə.Az

ŞƏRH YAZ
0
BAĞLA