Avropa birinciliyində iştirak edəcək boksçularımız müəyyənləşdi

Avropa birinciliyində iştirak edəcək boksçularımız müəyyənləşdi
00:51
19.10.2017
278
İdman
A
Oktyabrın 21-də Türkiyənin Antalya şəhərində gənc boksçular arasında Avropa birinciliyi start götürəcək.

“Ölkə.Az”ın “milli.az”a istinadən məlumatına görə, 8 gün davam edəcək yarışa Azərbaycan millisi də qatılacaq.

Komandamız birincilikdə tam heyətlə təmsil olunacaq. Vaqif Şirinovun rəhbərlik etdiyi məşqçilər korpusu qitə çempionatında 10 boksçuya şans verəcək.

Yığmamızın heyəti aşağıdakı kimidi:
49 kq. Həsən İbrahimov
52 kq. Amid Əlizadə
56 kq. Orxan Həsənov
60 kq. Sayad Lalayev
64 kq. Bəxtiyar Qazıbəyov
69 kq. Nicat Həsənov
75 kq. Amin Kuşkov
81 kq. Surət Qarayev
91 kq. İsmayıl Yaqubov
+91 kq. Məhəmməd Abdullayev

Bakıdakı təlim-məşq toplanışını oktyabrın 19-da başa vuracaq yığmamız ertəsi gün Antalyaya yollanacaq. Avropa birinciliyinə isə 33 ölkədən 200-ə yaxın boksçunun qatılması gözlənilir.

Qeyd edək ki, yarışda ölkəmizi 10 boksçu ilə yanaşı, beynəlxalq dərəcəli hakim Rövşən Hüseynov da təmsil edəcək.

Ölkə.Az

ŞƏRH YAZ
0

Kolumbiya Polşanı məğlub etdi

Kolumbiya Polşanı məğlub etdi
00:19
Bu gün
598
İdman
A
İyunun 24-də Rusiyanın ev sahibliyi etdiyi futbol üzrə XXI dünya çempionatının on birinci gününün sonuncu görüşündə “H” qrupunda yer alan Polşa və Kolumbiya milliləri qarşılaşıblar.

"Ölkə.Az" xəbər verir ki, “Kazan Arena” stadionunda keçirilən oyunda ilk dəqiqələrdən hər iki komanda hüçüma atılıb. Buna baxmayaraq hesab ilk hissənin sonunda açılıb. Quitero və Xames Rodriqezin qurduğu birgə kombinasiyanı Erri Mina dəqiq baş zərbəsi ilə tamamlayıb - 0:1. Birinci hissə bu hesabla başa çatıb.

Fasilədən sonra 70-ci və 75-ci dəqiqədə Radamel Falkao və Juan Quadradi fərqlənərək oyunda son nöqtəni qoyublar. Qalan dəqiqələrdə hər iki komandaların cəhdlərinə baxmayaraq hesab dəyişilməyib. Beləliklə, Kolumbiya millisi vacib 3 xalı aktivinə yaza bilib, Polşa yığması isə səkkizdəbir final mərhələsinə çıxmaq şansın itirib.

Xatırladaq ki, dünya çempionatının ilk turunda polşalılar Seneqal yığmasına məğlub olublar (2:1). Kolumbiya isə eyni hesabla Yaponiya millisinə uduzub.

Qeyd edək ki, Avropa təmsilçisi yeddi dəfə mundialda iştirak hüququ qazanıb. Polşalılar dünya çempionatının ikiqat bürünc mükafatçısıdırlar (1974, 1982). Polşa millisinin əsas qol silahı sayılan Robert Levandovski 91 qolla ən çox fərqlənən oyunçu kimi milli komandanın tarixinə düşüb.

Mundiallarda 1962-cı ildə debüt edən Kolumbiya millisi dünya çempionatında indiyədək altı dəfə oynamaq hüququ qazanıb. Bu komandanın çempionatlarda ən yaxşı göstəricisi “Braziliya 2014”ə təsadüf edib. Həmin mundialda dörddəbir finaladək irəliləyən Kolumbiya yığması ev sahibinə 1:2 hesabı ilə məğlub olaraq mübarizəni dayandırıb. Kolumbiya milli komandasının tarixində ən çox qol vuran futbolçu Radamel Falkaodur. Futbolçu 66 oyunda 26 qola imza atıb. Bu komandanın heyətində ən çox oyun keçirmiş futbolçu isə FIFA-nın “XX əsrin 100 əfsanəvi futbolçusu” siyahısına daxil olan Karlos Valderramadır (111 oyun).

Ölkə.Az

ŞƏRH YAZ
0

İngiltərə Panamanı darmadağın etdi — 6:1

İngiltərə Panamanı darmadağın etdi
18:16
24.06.2018
843
İdman
A
Futbol üzrə İngiltərə yığması DÇ-2018-in qrup mərhələsinin II turunda Panama üzərində böyükhesablı qələbə qazanıb.

“Ölkə.Az” xəbər verir ki, Nijnıy Novqorodun eyniadlı stadionunda keçirilən görüş 6:1 hesabı ilə avropalıların xeyrinə başa çatıb.

İngilislərin heyətində Harri Keyn het-trik, Con Stouns dubl edib. Cessi Linqard isə bir dəfə fərqlənməyə macal tapıb. Panamanın dünya çempionatında ilk qolunu isə Felipe Baloy vurub.

İngiltərə yığması bu qələbə sayəsində xallarının sayını Belçika ilə birgə 6 xala çatdıraraq turnirin "play-off" mərhələsinə vəsiqə qazanıb.

Panama və Tunis 1/8 finala çıxmaq şanslarını itirib.

DÇ-2018 – final mərhələsi. G qrupu. 2-ci tur

İngiltərə – Panama - 6:1

Qollar: 1:0 – Stouns – 8, 2:0 – Keyn – 22 (pen), 3:0 – Linqard – 36, 4:0 – Stouns – 40, 5:0 – Keyn – 45+1 (pen), 6:0 – Keyn – 62, 6:1 – Baloy – 78.

Ölkə.Az

ŞƏRH YAZ
0
BAĞLA