“Avropa dövlətlərində də vəziyyət qarışacaq” — Mühüm qərar gözlənilir

“Avropa dövlətlərində də vəziyyət qarışacaq”
22:44
03.10.2017
679
Analitika
A
İspaniyanın şərqindəki Kataloniya muxtar respublikasında müstəqillik tərəfdarı bəzi həmkarlar ittifaqları və qeyri-hökumət təşkilatları ümumi tətilə başlayıblar. Həmkarlar ittifaqları və qeyri-hökumət təşkilatları “İspaniya hökumətinin təzyiqi və polisin müdaxiləsinə” qarşı ümumi tətil çağırışı edib.

Azərbaycanlı siyasətçilər isə məsələyə birmənalı yanaşmırlar. Politoloq Ceyhun Mahmudlu “Ölkə.Az”a açıqlamasında bildirib ki, İspaniyanın şərqindəki Kataloniya muxtar respublikasında müstəqillik referendumundan sonra aksiyaların faydası olmayacaq. Onun fikrincə, Kataloniya məsələsində təkcə İspaniyanın deyil, ümumi Avropanın reaksiyasını gözləmək lazımdır.

“İspaniya Avropanın tərkib hissəsidir. Bu səbəbə görə də, Avropa Birliyi bu məsələdə çıxış edəcək. II Dünya Müharibəsindən bu günə qədər beynəlxalq ictimayət separatçılığa açıq dəstək verməyib. Bu səbəbdən də, düşünürəm ki, beynəlxalq ictimayətin münasibəti tolerant olmayacaq”, - deyə siyasətçi bildirib.

C. Mahmudlunun fikrincə, İspaniyada katalonların kifayət qədər investisiyaları var: “İspaniyada katalonları incitmirlər, əzmirlər. Onların kifayət qədər investisiyaları var. Onların öz dilləri, mədəniyyətləri var. Bu səbəbə görə də, dünya birliyi katalonları dəstəkləməyəcək. Bu məsələ İspaniyada qanlı müharibələrə də çevrilməyəcək. Çünki bu baş versə, digər Avropa dövlətlərində də vəziyyət qarışacaq”.

Ziya Səccad
Ölkə.Az

ŞƏRH YAZ
0

Sabah dollar neçəyə olacaq?

Sabah dollar neçəyə  olacaq?
17:14
10.09.2018
329
Analitika
A
Sentyabrın 11-nə manatın məzənnəsi açıqlanıb.

Mərkəzi Bankdan "Ölkə.Az"a verilən məlumata görə, 11.09.2018-ci il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.

Qeyd edək ki, 2018-ci il sentyabrın 10-da da USD/AZN rəsmi məzənnəsi 1,7000 manat təşkil edib.

ŞƏRH YAZ
0

Ötən gecə cəbhə

Ötən gecə cəbhə
09:38
07.09.2018
343
Analitika
A
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 91 dəfə pozub.

Bu barədə "Ölkə.Az"a Azərbaycan Müdafiə Nazirliyinin mətbuat xidmətindən məlumat verilib.

Ermənistan Respublikası Noyemberyan rayonunun Şavarşavan kəndində, İcevan rayonunun Ayqeovit kəndində və adsız yüksəkliklərdə yerləşən mövqelərdən Qazax rayonunun Quşçu Ayrım, Cəfərli, Bala Cəfərli kəndlərində, Berd rayonunun Çinari kəndində yerləşən mövqelərdən Tovuz rayonunun Koxanəbi, Əsrik Cırdaxan kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Ağdam rayonunun Nəmirli, Qaraqaşlı, Seyidli, Sarıcalı, Yusifcanlı, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Kürdlər, Horadiz, Cəbrayıl rayonunun Nüzgar kəndləri yaxınlığında, həmçinin Goranboy, Tərtər, Xocavənd və Cəbrayıl rayonları ərazisindəki adsız yüksəkliklərdə yerləşən mövqelərdən də Azərbaycan ordusunun mövqeləri atəşə tutulub.

ŞƏRH YAZ
0
BAĞLA