Avropa İttifaqından Rusiyaya daha bir zərbə

"Ölkə.Az" xəbər verir ki, , bu barədə Avropa İttifaqının sədri Donald Tusk məlumat verib. Onun sözlərinə görə, Avropa İttifaqına üzv ölkələrin liderləri Rusiyaya qarşı sanksiyaları uzatmaq qərarına gəliblər. Əldə olunan razılığa görə, Minsk sazişini kifayət qədər yerinə yetirilməməsi səbəbindən Rusiyaya qarşı iqtisadi sanksiyaların müddəti uzadılacaq.

Sanksiyalar quruma üzv ölkələrin liderlərinin sammiti birdikdən bir neçə gün sonra uzadıla bilər. Sammit iyunun 23-də bitəcək.

Qeyd edək ki, Rusiya ilə Qərbin münasibətləri 2014-cü ildə Ukrayna-Krım məsələsinə görə pisləşdi. ABŞ və Avropa Birliyi Rusiyaya qarş sanksiyalar tətbiq etməyə başladı. ABŞ-ın 44-cü prezidenti Barak Obama hakimiyyətinin son günlərində Rusiyaya qarşı ardı-ardına 100-ə yaxın sanksiyalar tətbiq edib. Rusiya hökuməti isə ABŞ-ın 45-ci prezidenti Donald Trampın həmin sanksiyaları yüngülləşdirəcəyi, yaxud ləğv edəcəyi barədə ümid etsələr də, son baş verənlər Putin hakimiyyətinin bu arzusunu “ürəyində” qoydu.

Ziya Səccad
Ölkə.Az