Avropa İttifaqından Trampa sərt cavab: “Müttəfiqlərinin sayı azalar”
Avropa Şurasının sədri Donald Task ABŞ prezidenti Donald Trampın ünvanına sərt ifadələr işlədib.
“Ölkə.Az” xəbər verir ki, Taskın açıqlamasına əsasən, ABŞ müttəfiqlərinə qarşı daha sayqılı olmalıdır. Əks təqdirdə müttəfiqlərinin sayı azala bilər.
Task Brüsseldə keçirilən “NATO-Aİ” protokol imzalanma mərasimində çıxış edib:
“Uzun müddətdir birgə müdafiə qabiliyyətinə az miqdarda ödəniş etdiyimiz iddiası ilə Tramp hər gün Avropanı tənqid edir. Buradan ona səslənirəm. Hörmətli prezident Tramp, ABŞ-ın Aİ-dən yaxşı müttəfiqi olmayıb və olmayacaq. Bu gün Avropa müdafiəyə Rusiyadan çox və Çin qədər vəsait xərcləyir. Dostlarınız qiymətini bilin, çox dostunuz yoxdur. Pul vacibdir, amma ümumi əməkdaşlıq daha önəmlidir”.
Hikmət Həsənov
Ölkə.Az
