Avropa Parlamentindən etiraf: "Azərbaycana qarşı ədalətsiz davranırıq"

Avropa Parlamentindən etiraf:
16:18
23.01.2018
3467
Siyasət
A
Avropa Parlamentinin Çexiyadan millət vəkili Yan Zaxradil bildirib ki, Azərbaycan ədalətsiz davranılan ölkələrdəndir.

"Ölkə.Az" xəbər verir ki, millət vəkili bu fikri iclas vaxtı söyləyib. Avropa Parlamentində keçirilən iclasda beynəlxalq ticarət komitəsi Avropa İttifaqı və Azərbaycan arasında yeni hərtərəfli layihəni müzakirəyə çıxarıb.

Yan Zaxradil müzakirələr zamanı deyib: "Gəlin, etiraf edək, həqiqəti söyləyək. Azərbaycana qarşı ədalətsiz davranmışıq. Azərbaycana qarşı həmişə ədalətlə davranmamışıq".

Deputat qeyd edib ki, Azərbaycan Avropa İttifaqının bir çox məsələlərdə strateji partnyorudur. Bu səbəbdən hərtərəfli müqaviləni dəstəkləmək lazımdır. Bununla yanaşı Yan Azərbaycanın Dağlıq Qarabağ münaqişəsi ilə bağlı yaşadığı çətin  vəziyyəti də dilə gətirib.

Qeyd edək ki, Azərbaycan və Avropa İttifaqı arasında əməkdaşlıq və partnyorluq müqaviləsi 1996-cı ilin aprel ayında Lüksemburqda imzalanıb.  Sənəd 1999-cu ildə qüvvəyə minib və ticarət, sərmayə, iqtisadiyyat, qanunvericilik, siyasət və mədəniyyət sahələrini əhatə edir.

Hikmət Həsənov
Ölkə.Az

ŞƏRH YAZ
0

İlham Əliyev: "Dağlıq Qarabağ münaqişəsi ən böyük ədalətsizlikdir"

İlham Əliyev:
15:49
Bu gün
557
Siyasət
A
"Dağlıq Qarabağ münaqişəsi ən böyük ədalətsizlikdir".

"Ölkə.Az"ın məlumatına görə, bunu Prezident İlham Əliyev mayın 24-də Bakı şəhərinin Qaradağ rayonunun Lökbatan qəsəbəsinin şimal-şərqində Lökbatan-Qobu yolunun 3 kilometr şərq hissəsində məcburi köçkünlər üçün salınmış “Qobu Park” yaşayış kompleksinin açılışında çıxışı zamanı bildirib. 

"Ermənistan-Azərbaycan, Dağlıq Qarabağ münaqişəsi ən böyük ədalətsizlikdir. Bu işğal nəticəsində bizim vətəndaşlarımız məcburi köçkün həyatı yaşayırlar. Bütün beynəlxalq hüquq normalarını pozan Ermənistan vəhşilik törədib. Erməni faşizminin yırtıcı sifəti bu münaqişənin nəticələrində özünü büruzə verib. Ancaq Azərbaycan xalqı tam əmindir ki, biz öz ərazi bütövlüyümüzü bərpa edəcəyik, bunu etməliyik. Həm beynəlxalq hüquq, həm də haqq-ədalət bizim tərəfimizdədir. Tarixi həqiqət bizim tərəfimizdədir və güc bizim tərəfimizdədir. Bu gün dünya miqyasında güc amili ön plana çıxır və güclü ölkələr öz istəyinə nail ola bilirlər. Azərbaycan da güclü ölkədir. Güclü ordumuz, güclü iqtisadiyyatımız və düşünülmüş siyasətimiz var", - dövlət başçısı qeyd edib. 

ŞƏRH YAZ
0

Prezident: “Sahibkarlara Azərbaycanda gözəl şərait yaradılıb”

Prezident: “Sahibkarlara Azərbaycanda gözəl şərait yaradılıb”
15:46
Bu gün
366
Siyasət
A
““Qobu Park” yaşayış kompleksinin yaradılması Azərbaycan dövlətinin siyasətini göstərir, köçkünlərə olan qayğının təzahürüdür. Cəmi bir il ərzində bu gözəl yaşayış kompleksi yaradılıbdır. Düz bir il bundan əvvəl bu kompleksin təməli qoyulmuşdur. O vaxt Mehriban Əliyeva təməlqoyma mərasimində iştirak etmişdir. Cəmi bir il ərzində gözəl yaşayış kompleksi yaradılıb”.

“Ölkə.Az”ın xəbərinə görə, bunu Prezident İlham Əliyev Bakı şəhərinin Qaradağ rayonunun Lökbatan qəsəbəsinin şimal-şərqində Lökbatan-Qobu yolunun 3 kilometr şərq hissəsində məcburi köçkünlər üçün salınmış “Qobu Park” yaşayış kompleksinin açılışında deyib.

Dövlət başçısı bildirib ki, bu kompleksin bütün infrastrukturu yaradılıb: “Elektrik, su, qaz xətləri, bütün infrastruktur məsələləri həll olunub, yollar çəkilib, həm qəsəbədaxili, həm də magistral yola çıxış yolu salınıbdır. Doqquzmərtəbəli on bir yaşayış binası tikilib, gözəl şərait yaradılıb. Mən indi mənzillərlə tanış olmuşam. Mənzillərin ümumi sahəsi 73 min kvadratmetrdir. Gözəl məktəb - 624 şagird yerlik, uşaq bağçası - 220 nəfərlik, tibb məntəqəsi, poçt məntəqəsi, polis məntəqəsi, yəni, yaşamaq üçün bütün şərait yaradılıb və ən yüksək səviyyədə. Gözəl ictimai zonalar yaradılıb, ağaclar əkilib, parklar salınıb. Hesab edirəm ki, bu, köçkün şəhərciklərinin arasında öz gözəlliyi və şəraiti ilə seçilən mərkəzlərdən biridir.

Bu şəhərciyin özəlliyi ondan ibarətdir ki, onun tikintisində özəl sektor fəal iştirak edib, əslində, bunun təşəbbüskarı, icraçısı olub. Son vaxtlar sahibkarlar bir çox sosial layihələr icra edirlər. Mən bu məsələ ilə bağlı dəfələrlə öz fikirlərimi bildirmişdim, demişdim ki, sahibkarların sosial məsuliyyəti artmalıdır. Sahibkarlara Azərbaycanda gözəl şərait yaradılıb. Azərbaycan sahibkarlıq üçün çox gözəl ölkədir. Gözəl investisiya iqlimi yaradılır. Sabitlik, əmin-amanlıq hökm sürür. Biznesin inkişafı bizim dövlət siyasətimizdir. Bizim ümumi daxili məhsulumuzun 80 faizi özəl sektorda formalaşır. Belə olan halda daim mən sahibkarlara müraciət edərək tövsiyə etmişdim ki, onlar sosial layihələrə daha böyük diqqət göstərsinlər. Bu, bu sahədə görülən işlər arasında ən genişmiqyaslı layihədir. Bu günə qədər sahibkarlar məktəb, uşaq bağçası tikintisi ilə fəal məşğul olmuşlar. Ancaq məcburi köçkünlər üçün bu ölçüdə, bu miqyasda yaşayış mərkəzinin yaradılması ilk dəfə baş verir”.

ŞƏRH YAZ
0
BAĞLA