Avropa İttifaqı Rusiyanın Kataloniya “sevgisinə” münasibət bildirməkdən çəkindi — Federika Moqerini: “Heç nə demək istəmirəm”

Avropa İttifaqı Rusiyanın Kataloniya “sevgisinə” münasibət bildirməkdən çəkindi
22:44
13.11.2017
1151
Dünya
A
Avropa İttifaqı Rusiyanın İspaniyanın ərazi bütövlüyünə və hökumətin daxil işlərinə qarışması ilə əlaqədar səsləndirilən ittihamlarla bağlı məsələlərə rəsmi şəkildə münasibət bildirməyib.

“Ölkə.Az” xəbər verir ki, bu barədə Avropa diplomatiyasının rəhbəri Federika Moqerini jurnalistlərin suallarını cavabsız qoyub. O, jurnalistlərin bu məsələ ilə əlaqədar verdikləri suallara cavab vermək istəmədiyini deyib.

“Mən bu məsələyə münasibət bildirmək istəmirəm. Biz ümumilikdə strateji ünsiyyətlərimizi müzakirə etdik. Ümumi məsələlərdə əlaqələrimiz barədə danışıqlar aparıldı. Bu məsələyə gəlincə, heç nə demək istəmirəm”, - deyə Federika Moqerini bildirib.

Qeyd edək ki, son günlər İspaniya mətbuatı, eləcə də, Avropanın bir sıra sosial şəbəkələri Rusiyanın İspaniyanın daxili işlərinə qarışması barədə yazılar yayırlar. Bildirilir ki, Rusiyanın RT telekanalı və Sputnik agentliyi İspaniyanın əyaləti olan Kataloniyanın referendumu barədə yazılarda tərəfsizliyi pozurlar. Bildirilir ki, mətnlərdə Kataloniya referendumu dəstəklənir. Sərtaltı mənalarda İspaniya hökuməti tənqid edilir və dövlətin ərazi bütövlüyü şübhə altına alınır. Eləcə də, İspaniya hökumətinə qarşı çoxsaylı yazılar dərc olunur.

Ziya Səccad
Ölkə.Az

ŞƏRH YAZ
0

İsveçdə 66 ilin ən isti yayı — Müsəlmanlar yağmur duası etdi

İsveçdə 66 ilin ən isti yayı
23:59
22.07.2018
604
Dünya
A
İsveçdə müsəlmanlar meşə yanğınlarının qarşısını almaq üçün yağmur duası edib.

“Ölkə.Az” xəbər verir ki, müsəlmanlar Stokholmda Tensta adlanan ərazidə toplanıb. Onlar ölkədə 40 yerdə davam edən meşə yanğınlarının qarşısının alınması üçün yağmur namazı qılıb. 

Namaza qatılan isveçli alim İohann Abhdulla Klominek İsveçdə 4 aydır, yağış yağmadığını, bunun üçün duaya çıxdığını deyib. O, ölkədə anormal quraqlıq olduğunu da əlavə edib. 

Sinoptiklər ölkədə son 66 ilin ən isti yayının müşahidə edildiyini açıqlayıb.

Ölkə.Az

 

ŞƏRH YAZ
0

İranda növbəti zəlzələ — 800 bina dağıldı, 287 yaralı var + YENİLƏNİB

İranda növbəti zəlzələ
23:45
22.07.2018
1408
Dünya
A
İranın qərbində Kermanşah vilayətində 5.9 bal gücündə baş verən zəlzələ nəticəsində xəsarət alanların sayı 287 nəfərə çatıb.

"Ölkə.Az" xəbər verir ki, zəlzələdən 43 kəndə ziyan dəyib, 101 bina isə tamamilə dağılıb.

Vilayətin şəhər və kəndlərində 800-dən çox binanın qismən dağıldığı bildirilir.

Hazırda təmir işləri aparılır.

***

İranda baş verən zəlzələ zamanı xəsarət alanların sayı 146 nəfərə çatıb.

"Ölkə.Az" xəbər verir ki, zəlzələ zamanı xəsarət alanlardan 21-i xəstəxanalara yerləşdirilib. 

***

İranda bu gün ərzində növbəti dəfə zəlzələ baş verib.

"Ölkə.Az" xəbər verir ki, İranın qərbindəki Kirmanşah əyalətində qeydə alınan zəlzələ 5,9 bal gücündə olub. 

Zəlzələ nəticəsində 128 nəfər xəsarət alıb. 

Ölkə.Az

ŞƏRH YAZ
1
BAĞLA