Avropa İttifaqından İranla bağlı — ÇOXDAN GÖZLƏNİLƏN AÇIQLAMA

Avropa İttifaqından İranla bağlı
22:00
13.11.2017
1131
Dünya
A
Avropa İttifaqı İrana qarşı hər hansı sanksiyaların tətbiq edilməsini nəzərdən keçirmir.

“Ölkə.Az” xəbər verir ki, bu barədə Avropa diplomatiyasının rəhbəri Federika Moqerini jurnalistlərə açıqlamasında bildirib. Onun sözlərinə görə, Amerikanın iddia etdiyi kimi, Avropa İttifaqı İrana qarşı heç bir sanksiya tətbiq etməyəcək. 

“Biz bunu nə bu gün, nə də ötən həftə müzakirə etmişik. Gələcəkdə də bununla bağlı müzakirələr nəzərdə tutulmayıb. Avropa İttifaqı İrana qarşı sanksiyalar tətbiq etməyəcək”, deyə F.Moqerini vurğulayıb.

Qeyd edək ki, oktyabr ayında ABŞ prezidenti Donald Tramp Vaşinqtonun İranla bağlı strategiyasına dair nitq söyləyib. O, İranın nüvə sınaqlarını pisləyib və dünyanın bu baxımdan təhlükədə olduğunu deyib. O, Avropa İttifaqının da məsələyə münasibət göstərəcəyinə ümid etdiyini deyib. Oktyabrın 26-da isə ABŞ Nümayəndələr Palatası səs çoxluğu ilə İranın nüvə proqramı ilə əlaqədar rəsmi Tehrana qarşı yeni sanksiyalar paketini təsdiqləyib.

Ziya Səccad
Ölkə.Az

ŞƏRH YAZ
0

Moskvada yol qəzası nəticəsində yaralanan Azərbaycan vətəndaşlarının vəziyyəti qənaətbəxşdir — SƏFİRLİK

Moskvada yol qəzası nəticəsində yaralanan Azərbaycan vətəndaşlarının vəziyyəti qənaətbəxşdir
22:02
Bu gün
142
Dünya
A
İyunun 16-da Moskva şəhərində taksi sürücüsünün piyada yoluna çıxaraq yeddi nəfəri vurması nəticəsində iki Azərbaycan vətəndaşı xəsarət alıb.

"Ölkə.Az"a Azərbaycanın Rusiyadakı səfirliyindən bildirilib ki, insident haqqında məlumat səfirliyə daxil olan kimi səfir Polad Bülbüloğlunun göstərişi ilə soydaşlarımızın yerləşdiyi tibb müəssisəsi ilə əlaqə saxlanılıb. Məlumata əsasən, xəsarət alanların vəziyyəti qənaətbəxş olduğundan onlar evə buraxılıblar.

Xatırladaq ki, iyunun 16-da Moskvanın mərkəzində taksinin yolun kənarında duran piyadaları vurması nəticəsində 7 nəfər yaralanıb.

Qəzanın ilkin səbəbi kimi sürücünün idarəetməni itirməsi göstərilir. Taksi sürücüsü əyləc əvəzinə qazı basdığını bildirib. Sürücü ərazi polis bölməsinə aparılıb. Hadisənin səbəbləri aydınlaşdırılır və yoxlamalar aparılır.

Yol hərəkətinin təşkili mərkəzindən verilən məlumata əsasən, sürücü nəqliyyat vasitəsini Qırğızıstana məxsus sürücülük vəsiqəsi ilə idarə edib.

Ölkə.Az

ŞƏRH YAZ
0

İsrailin eks-naziri İrana casusluğa görə həbs edildi

İsrailin eks-naziri İrana casusluğa görə həbs edildi
21:48
Bu gün
380
Dünya
A
İsrail Knessetinin sabiq deputatı, keçmiş energetika və infrastruktur naziri Qonen Seqev İran kəşfiyyatı üçün casusluq etməkdə təqsirləndirilərək həbs olunub.

"Ölkə.Az Vesti.ru-ya istinadla xəbər verir ki, bu barədə İsrailin Daxili Təhlükəsizlik Agentliyinin (Şin-Bet) məlumatında deyilir.

Qeyd edək ki, iyunun 15-də Qüds Rayon Prokurorluğunda müharibə dövründə düşmənə yardım göstərmək, İsrailə qarşı casusluq və kəşfiyyat məlumatlarının düşmənə ötürülməsi yolu ilə cinayət törətməkdə şübhəli bilinən keçmiş nazirə qarşı iddia qaldırılıb.

Şin-Bet və polisin araşdırmaları nəticəsində Q.Seqevin 2012-ci ildə Nigeriyaya səfəri zamanı İranın səfirliyində xüsusi xidmət orqanları tərəfindən "işə götürüldüyü" aşkar edilib. O, həmçinin iranlı vasitəçilərə şifrələnmiş məlumatların ötürülməsində, onlarla dünyanın müxtəlif ölkələrindəki otellərdə və mənzillərdə görüşməkdə ittiham olunur.

Qeyd edək ki, Seqevin bu ilin may ayında Ekvatorial Qvineya hüquq-mühafizə orqanları tərəfindən saxlanılıb.

Ölkə.Az

ŞƏRH YAZ
0
BAĞLA