Avropa və Çempionlar Liqasında növbəti mərhələnin ilk oyunları baş tutub — YENİLƏNİB

Avropa və Çempionlar Liqasında növbəti mərhələnin ilk oyunları baş tutub
01:36
14.02.2018
2924
İdman
A
Avrokuboklarda uzunmüddətli fasilə başa çatıb.

“Ölkə.Az”ın məlumatına görə, ötən gün 1/16 finalın ilk oyunu baş tutub.

Günün yeganə matçında Moskva MOİK-i ilə "Srvena Zvezda" üz-üzə gəlib. Oyun qolsuz bərabərliklə sona çatıb. 

Qeyd edək ki, 1/16 final mərhələsinin digər 15 oyunu fevralın 15-də keçiriləcək.

Çempionlar Liqasında isə 1/16 final turunun 2 matçı baş tutub. Mançester Siti Bazel səfərində 4 top fərqilə qalib gəlib (0-4). Yuventusla Totenhem arasındakı matç isə 2-2 hesablı bərabərliklə tamamlanıb.

Bu gün 23.45-də isə Çempionlar Liqasında 1/16 final mərhələsinin daha 2 görüşü – Porto - Liverpul və Real Madrid - PSJ matçları baş tutacaq.

Ölkə.Az

ŞƏRH YAZ
1

Kişilər arasında şahmat üzrə Azərbaycan çempionatı davam edir

Kişilər arasında şahmat üzrə Azərbaycan çempionatı davam edir
22:40
17.01.2019
338
İdman
A
Bakıda kişilər arasında şahmat üzrə Azərbaycan çempionatı davam edir.

"Ölkə.Az" xəbər verir ki, İsveçrə sistemi üzrə keçirilən və 9 turdan ibarət olan yarışda ikinci turun oyunlarına yekun vurulub. İki turda ardıcıl qələbə qazanan Fərid Zeynalov və İsmayıl Şahəliyev maksimum xalla turnir cədvəlində 1-2-ci yerləri bölüşürlər.

Azərbaycan Şahmat Federasiyasının binasında keçirilən ölkə çempionatı yanvarın 24-də başa çatacaq.

Ölkə.Az

ŞƏRH YAZ
0

Bakıda Para Cüdo üzrə “Qran Pri” yarışı keçiriləcək

Bakıda Para Cüdo üzrə “Qran Pri” yarışı keçiriləcək
21:55
17.01.2019
431
İdman
A
Azərbaycan Respublikası Milli Paralimpiya Komitəsinin (ARMPK) Prezidenti İlqar Rəhimovla İctimai Televiziyanın Baş Direktoru Balakişi Qasımov arasında görüş keçirilib.

“Ölkə.Az” xəbər verir ki, görüş zamanı İ.Rəhimov Azərbaycanda paralimpiya hərəkatı, bu sahədə görülən işlərlə bağlı məlumat verib. O qeyd edib ki, ölkəmizdə sağlamlıq imkanları məhdud olan insanların idmanla məşğul olması, yerli və beynəlxalq yarışlara qatılması üçün şərait yaradılıb. Minlərlə vətəndaşımız paralimpiya hərəkatına qoşulub, ən mötəbər beynəlxalq yarışlarda bayrağımızı yüksəklərə qaldırırlar.

İ.Rəhimov bildirib ki, belə beynəlxalq yarışlardan biri də May ayında Bakı şəhərində keçiriləcək. Onun sözlərinə görə, 13-14 may tarixlərində Bakı şəhərində para cüdo idman növü üzrə “Qran pri” yarışı baş tutacaq. Şəhərimizdə ilk dəfə keçiriləcək bu mötəbər yarışda 43 ölkədən 250 idmançı iştirak edəcək.

İctimai Televiziyanın Baş Direktoru Balakişi Qasımov da öz növbəsində Azərbaycanda paralimpiya hərəkatını izlədiyini qeyd edib. Azərbaycanlı idmançıların uğurlarından söz açıb. O qeyd edib ki, İctimai Televiziya Azərbaycanda sosial layihələrə hər zaman diqqətlə yanaşır. Fiziki məhdudiyyəti olan şəxslərin cəmiyyətə inteqrasiyası üçün həyata keçirilən bütün işləri dəstəkləyir. 

Görüşün yekunu olaraq İctimai Televiziya ilə ARMPK əməkdaşlıq memorandumunun imzalanması barədə ilkin razılıq əldə edilib. Əməkdaşlıq çərçivəsində İctimai Televiziya Bakıda keçiriləcək para cüdo idman növü üzrə “Qran Pri” yarışını canlı yayımlayacaq.

Ölkə.Az

ŞƏRH YAZ
0
BAĞLA