Avropada yeni dövlət yarandı

XİN-dən münasibət yoxdur.

Ölkə.Az "Praqa ekspressi" qəzetinə istinadən xəbər verir ki, Azad vətəndaşlar partiyasının üzvü Vit Yedliçka Serbiya ilə Xorvatiya arasındakı ərazilərdə Azad Liberlend respublikasının əsasının qoyulduğunu bəyan edib. O, özünü Avropanın yeni dövlətinin prezidenti elan edib.

Xorvatiya və Serbiya Xarici işlər nazirliyi məsələ ilə bağlı heç bir şərh verməyib.

Yedliçka hesab edir ki, sərhədlərin demarkasiyası müqaviləsinə əsasən, dövlətlərdən heç biri bu ərazilərə iddia edə bilməz. Liberlendın sahəsi 6 kv km-dir və onun əsas devizi "Yaşa və başqalarına yaşamağa imkan ver" kimi səslənir.

"Prezidentin" sözlərinə görə, onlarla şəxs Liberlendin vətəndaşı olmaq üçün müraciət edib. Namizədlərə kommunist, nasist və ekstremist olmaq qadağandır.

Yedliçka şəxsi "Facebook" hesabında Liberlenddə vergilərin könüllülük əsasında ödəniləcəyini də diqqətə çatdırıb.

Rəşid Mustafazadə

Ölkə.Az