Avropadakı ermənilər təlaş içində — Onları deportasiya edirlər

Avropadakı ermənilər təlaş içində
21:36
09.09.2019
7509
Dünya
A
Avropa ölkələrində sığınacaq alan ermənilər məcburi şəkildə Ermənistana göndərilir.

"Ölkə.Az" bildirir ki, Ermənistan mətbuatının yazdığına görə, Almaniyadan çarter reyslərlə gələnlərin bəziləri deportasiya barədə bildiriş almadığını iddia edirlər.

Digərləri isə deportasiya barədə bildiriş alsalar da, sağlamlıqlarına görə Almaniyadan çıxa bilməyiblər. Lakin onlar müalicə kursunu başa vurmağa vaxt tapmamış məcburi şəkildə ölkədən çıxarılıblar.

Ailəsi ilə birlikdə deportasiya edilən Arman Almaniyada qaçqın düşərgəsində yaşadığını bildirib. Onun sözlərinə görə, bundan sonra Ermənistanda necə yaşayacaqlarını bilmirlər.

"Çünki pulum yoxdur, müalicə məsələsini necə həll edəcəyimi də bilmirəm. Ölkədə dərmanların keyfiyyəti yaxşı deyil", - deyə Arman bildirib.

Varsenik də müalicənin keyfiyyətinə görə Ermənistana dönmək istəmədiyini, amma zorla deportasiya olunduğunu deyib.

Son bir neçə gündə Almaniyadan iki dəfə çarter reysi ilə 80 nəfər erməni məcburi olaraq ölkədən çıxarılaraq Ermənistana yola salınıblar.

Ermənistan miqrasiya xidmətinin məlumatına görə bu ilin birinci yarısında 944 erməniyə qarşı Avropa Birliyi ölkələrindən 490 readmissiya iddiası daxil olub.

Bu şəxslərin Ermənistan vətəndaşı olmaları təsdiq edilərək məcburi şəkildə öz ölkələrinə qaytarılıblar.

Ermənistana məcburi şəkildə geri qaytarılan ermənilərin əksəriyyəti Almaniyadandır - 576 nəfər.

Fransadan 96, İsveçdən 36, Avstriyadan 35 erməni deportasiya olunub.

Məsələ orasındadır ki, əvvəllər sığınacaq verilən vətəndaşlar da geri göndərilir. Çünki siyasi sığınacaq məsələsinə üç ildən bir baxılır. (oxu.az)

Ölkə.Az

ŞƏRH YAZ
0

Çində koronavirusa yoluxanların sayı 2 minə çatdı — Ölənlərin sayı da sürətlə artır

Çində koronavirusa yoluxanların sayı 2 minə çatdı
10:12
Bu gün
658
Dünya
A
Çində yeni bir növ koronavirusun səbəb olduğu pnevmoniya ilə təsdiqlənmiş yoluxma hallarının sayı 1975-ə çatıb, ölənlərin sayı 56-ya qədər yüksəlib.

"Ölkə.Az" bildirir ki, bu barədə Çinin Dövlət Səhiyyə İşləri üzrə Komitəsi bildirib.

Məlumata əsasən, 324 xəstənin vəziyyəti ağır olaraq qiymətləndirilib.

Bildirilib ki, təxminən 2,7 min insan virusa yoluxmuş ola bilər, ancaq onların diaqnozu hələ təsdiqlənməmişdir.

Çində təxminən 21,5 min insan yoluxmuş insanlarla yaxın təmasda olub və həkimlərin nəzarəti altındadır.

ŞƏRH YAZ
0

Çindən xaricə turist qrupları göndərilməsi dayandırılır

Çindən xaricə turist qrupları göndərilməsi dayandırılır
00:52
Bu gün
892
Dünya
A
Çinin hakimiyyət orqanları koronavirusun yayılmasının qarşısını almaq üzrə tədbirlər çərçivəsində xaricə turist qrupları göndərilməsini dayandırmağı qərara alıb.

"Ölkə.Az" azərtac-a istinadən xəbər verir ki, turist qruplarının uçuşları yanvarın 27-dən dayandıracaq. Artıq bazar günündən etibarən turizm agentləri vasitəsilə aviabiletlər almaq və xaricdə otel sifariş etmək mümkün olmayacaq.

Son məlumatlara görə, Çində “Uxan” koronavirusuna yoluxanların sayı 1370 nəfərə çatıb. Bundan başqa, ÇXR hüdudlarından kənarda 28 yoluxma hadisəsi qeydə alınıb. Virusdan 41 ölüm halının hamısı Çində baş verib.

Xatırladaq ki, dekabrın sonlarında Xubey vilayətinin Uxan şəhərində sətəlcəm baş qaldırıb. Sonradan xəstəliyə koronavirusun indiyədək görünməmiş növünün səbəb olduğu aydınlaşıb.

ŞƏRH YAZ
0
BAĞLA