AXTAR

Axtarışın nəticələri

Bütün nəticələr
16 Oktyabr 2017

"Avroviziya-2017" müsabiqəsinin qalibinin ürəyi dayandı

Kiyevdə keçirilən "Avroviziya-2017" müsabiqəsinin qalibi müğənni Salvador Sobral xəstəxanaya düşüb.

26.09.2017 01:35 Bölmə: Maqazin Oxunma sayı: 1940
A- A A+

“Ölkə.Az” xəbər verir ki, “Vanguardia” qəzetinin yazdığına görə, müğənni reanimasiyaya yerləşdirilib. O, konsertə hazırlaşarkən qəfil halı dəyişib. Halı pisləşdiyindən 27 yaşlı müğənni konsertini təxirə salıb. Onu dərhal xəstəxanaya aparıblar.

Ürək ağrısı ilə xəstəxanaya gələn Salvadora həkimlər ürək çatışmazlığı diaqnozu qoyublar. Onun bir müddət gərgin işdən, səs-küydən uzaq olması bildirilib. Həkimlər ona yenidən musiqilə məşğul olmağı və oxumağı qadağan ediblər.

İlkin tibbi yardıma rəğmən müğəninin halı düzəlməyib. Hətta bir neçə saniyəlik ürəyinin dayandığı da bildirilib. Bu səbəbdən də, onu reanimasiyaya yerləşdiriblər. Salvador süni nəfəs aparatına qoşulub və ürəyinin normal işləməsi üçün bir müddət aparatda qalacağı bildirilib.

Qeyd edək ki, Kiyevdə keçirilən "Avroviziya-2017" müsabiqəsində müğənni Salvador Sobral qalib gəlmişdi.
 
Ziya Səccad
Ölkə.Az

Partner Xəbər