"Avroviziya-2017" müsabiqəsinin qalibinin ürəyi dayandı

01:35
26.09.2017
120
Maqazin
A
Kiyevdə keçirilən "Avroviziya-2017" müsabiqəsinin qalibi müğənni Salvador Sobral xəstəxanaya düşüb.

“Ölkə.Az” xəbər verir ki, “Vanguardia” qəzetinin yazdığına görə, müğənni reanimasiyaya yerləşdirilib. O, konsertə hazırlaşarkən qəfil halı dəyişib. Halı pisləşdiyindən 27 yaşlı müğənni konsertini təxirə salıb. Onu dərhal xəstəxanaya aparıblar.

Ürək ağrısı ilə xəstəxanaya gələn Salvadora həkimlər ürək çatışmazlığı diaqnozu qoyublar. Onun bir müddət gərgin işdən, səs-küydən uzaq olması bildirilib. Həkimlər ona yenidən musiqilə məşğul olmağı və oxumağı qadağan ediblər.

İlkin tibbi yardıma rəğmən müğəninin halı düzəlməyib. Hətta bir neçə saniyəlik ürəyinin dayandığı da bildirilib. Bu səbəbdən də, onu reanimasiyaya yerləşdiriblər. Salvador süni nəfəs aparatına qoşulub və ürəyinin normal işləməsi üçün bir müddət aparatda qalacağı bildirilib.

Qeyd edək ki, Kiyevdə keçirilən "Avroviziya-2017" müsabiqəsində müğənni Salvador Sobral qalib gəlmişdi.
 
Ziya Səccad
Ölkə.Az

ŞƏRH YAZ
0

Namiq Qaraçuxurlu ayağını sındırdı

Namiq Qaraçuxurlu ayağını sındırdı
21:13
16.12.2017
2826
Maqazin
A

Ölkə.Az Milli.Az-a istinadən xəbər verir ki, tanınmış meyxanaçı Namiq Qaraçuxurlu yıxılaraq ayağını sındırıb. Meyxanaçının ayağı 3 yerdən sınıb.

Namiq Qaraçuxurlu hal-hazırda xəstəxanalardan birindədir. Meyxanaçını bu vəziyyətində sənət yoldaşları da tək qoymayıb. Belə ki, Sevil-Sevinc bacıları, Əhməd Mustafayev, Manaf Ağayev, Aysun İsmayılova və teleaparıcı Afaq Gəncəli onun ziyarətinə yollanıblar.

Qeyd edək ki, müğənni dünən toydan evə gələrkən maşından düşmək istəyəndə ayağı bardyura dəyib.

ŞƏRH YAZ
0

İraq gözəli bu fotodan sonra ölkədən qaçdı

İraq gözəli bu fotodan sonra ölkədən qaçdı
11:10
16.12.2017
5538
Maqazin
A
Ötən ay Las Veqas şəhərində keçirilən gözəllik müsabiqəsində İraq gözəli Sara İdan ilə İsrail gözəli Adar Qandelsmanın çəkdirdiyi foto qalmaqala səbəb olub.

"Ölkə.Az" xəbər verir ki, iraqlı gözəl sülh naminə çəkdirdiyi fotoya görə ölümlə hədələndiyini bildirib. Bu səbəbdən Sara ailəsi ilə ölkədən qaçmaq məcburiyyətində qalıb.

Noyabr ayında keçirilən tədbirdən sonra iki gözəl dostluq münasibəti qurub. Bu səbəbdən də sülh naminə birlikdə foto çəkdirib. Amma bu foto İraqda qalmaqala səbəb olub. İdan və ailəsi təhdidə məruz qalıb. Bu səbəbdən ölkəni tərk etmək məcburiyyətində qalıb.

İdanın başına gələnləri isə Qandelsman dünyaya çatdırıb. Yəhudi gözəl İsrail mətbuatına açıqlama verib: "Bu fotodan sonra İdanın ailəsi ölüm qorxusu ilə ölkədən qaçmağa məcbur edildi. İnsanlar onları öldürmək istəyirdilər və foto silinməsə, tacını geri alacağını bildirirdilər. Ailə hadisələr sakitləşənə qədər ölkədən qaçıb".

Hikmət Həsənov
Ölkə.Az

ŞƏRH YAZ
1
BAĞLA