“Avroviziya-2018” ilə bağlı — VACİB XƏBƏR

“Avroviziya-2018” ilə bağlı
01:11
08.11.2017
2659
Maraqlı
A
Gələn il keçiriləcək “Avroviziya” mahnı müsabiqəsində iştirak edəcək ölkələrin siyahısı məlum olub.

“Ölkə.Az” xəbər verir ki, bu barədə müsafiqə təşkilatçığı məlumat yayıb. Verilən məlumata görə, Portuqaliyada keçiriləcək “Avroviziya-2018” mahnı müsabiqəsinin iştirakçılarının siyahısına 42 ölkə daxildir. Azərbaycan işirakçı ölkələr sırasındadır.

Müsabiqə 2018-ci ilin mayında Lissabon şəhərində keçiriləcək.

Bütün iştirakçı ölkələr: Avstraliya, Avstriya, Azərbaycan, Albaniya, Belarus, Belçika, Bolqarıstan, Böyük Britaniya, Macarıstan, Almaniya, Yunanıstan, Gürcüstan, Danimarka, İsrail, İslandiya, İspaniya, İrlandiya, İtaliya, Kipr, Latviya, Litva, Malta, Moldova, Niderland, Norveç, Polşa, Portuqaliya, Rusiya, Rumıniya, San-Marino, Serbiya, Sloveniya, Ukrayna, Finlandiya, Fransa, Xorvatiya, Monteneqro, Çexiya, İsveçrə, İsveç, Estoniya.

Qeyd edək ki, müsabiqə 2018-ci ilin may ayında Portuqaliyada keçiriləcək.

Ziya Səccad
Ölkə.Az

ŞƏRH YAZ
0

Marsda canlı həyat məhv olub — NASA-dan ŞOK AÇIQLAMA

Marsda canlı həyat məhv olub
14:20
Bu gün
1380
Maraqlı
A
Mars planetindəki canlı həyatın mövcudluğu bu gün də alimləri çox maraqlandırır.

“Ölkə.Az” xəbər verir ki, 2012-ci ilin 27 sentyabr tarixində NASA alimləri sensasion açıqlama veriblər. Məlum olub ki, NASA-nın Marsdakı aparatı Qırmızı planetin səthində qurumuş çayın izlərini aşkar ediblər. Çay bir neçə yüz min il əvvəl quruyub. Bu çay “Geyla” krateri yaxınlığındadır. Çayın mövcudluğu qədim dövrdə Marsda canlı orqanizmin olduğuna dəlalət edir. Bəs görəsən Marsda milyon il əvvəl nə baş verib? Hansı qlobal fəlakət planeti cansız səhraya çevirib? Bəlkə nə vaxtsa Qırmızı Planetdə mövcud olan canlılar planetin dərinliklərində gizlənib?

Marsdan əldə edilən məlumatları tədqiq edən alimlər müəyyən ediblər ki, 800 min il əvvəl nəhəng kosmik cism Marsın atmosferini və planetin səthini dağıdıb. Bunun nəticəsində isə Qırmızı Planetin maqnit qütbləri dəyişib. Maqnitosfer yoxa çıxıb. Bu isə planeti öldürücü kosmik şüalanmadan qoruyurdu. Belə şəraitdə isə canlı orqanizmlər Mars səthinin dərin qatlarında gizlənərək sağ qala bilərdilər.

Aralarında 68 milyon km məsafə olan Mars və Yer planetləri ümumi sirli əlaqəyə sahibdirlər. Hər iki planet Günəşdən optimal həyat qurşağında yerləşir. Yəni, canlı orqanizmlərin yaranması üçün əlverişlidirlər. Hər iki planet demək olar ki, eyni astronomik parametrlərə sahibdir. Kainatdakı digər planetlərdən fərqli olaraq təkcə Marsda və Yerdə maqnit sahəsi var. Məhz bu sahə planetimizi kosmik radiasiyadan qoruyur. Hər iki planetin atmosferi eyni qazlardan təşkil olunub. Təkcə Yer planetinin atmosferində oksigen qazı var.

Hətta planetlərin relyefləri də oxşardır. Dağlar, düzənliklər, çaylar və dənizlər. Sadəcə bizim planet bioloji həyatın mənbəyi olan su ilə doludur. Qırmızı planetdə isə qurumuş çaylar və nəhəng dağların zirvələrində buzlar var. Nəhəng “Ellada” kraterinin analizi sübut edib ki, bu krater nəhəng səma cismi ilə toqquşmadan yaranıb. Kosmik görüntülər isə buz şəklində suyun mövcudluğunu sübut edib.

Bütün məlumatlar sübut edib ki, Mars planetində həyat məhv olub. Dəhşətli fəlakətlər planetdə həyat beşiyini dağıdıb. Hətta güclü zərbədən planetin peykinin trayektoriyası da dəyişib. Qum fırtınaları isə dəmir və daş dağıntıların üzərində tüğyan edir. Bu dağıntılar isə şəhəri xatırladır. 

Marsın kosmik peyklərindən əldə edilən fotolar isə burada nə vaxtsa yüksək inkişaf etmiş sivilizasiyanın mövcudluğundan xəbər verir. Fotolarda silindir formalı obyektlər var və bu obyektlər təbii yollarla yarana bilməz. Bundan başqa bu obyektlər bir neçə kilometr uzunluğu olan düz novlarla birləşdirilib. Yüzlərlə alim bu məsələ üstündə baş sındırır.

Marsın Sidoniya regionunda peyklərin köməyi ilə onlarla piramida formasında binalar kəşf edilib. Onlardan bəzisi 500 metr hündürlükdədir. Kənarların uzunluğu isə 2 kilometrə çatır. Bu ölçü isə Misir piramidalarından 10 dəfə böyük deməkdir.

Marsdakı tikililər planetin şimal qütbündə inşa edilib. Bu binalar düz bucaq altında yerləşir. Piramidaların yanında isə Mars Sfinksinin üzü yerləşir. Onun isə ölçüsü kilometr yarımdır. Bu obyektin ilk fotosu 1976-cı ildə ABŞ-ın “Vikinq” aparatı vasitəsilə əldə edilib. 30 il sonra isə Sfinksin fotosu başqa aparat tərəfindən çəkilib.

2012-ci ildə isə Mars atmosferində metan qazı kəşf edilib. Bu xüsusi qaz bitki və ya canlı orqanizmlərin çürüməsi nəticəsində yaranır. İndi alimlər iddia edirlər ki, Qırmızı Planetdə hələ məlum olmayan gizli həyat forması var...

Hikmət Həsənov
Ölkə.Az

ŞƏRH YAZ
0

Əyləncə dünyasının ən çox qazananları — SİYAHIDA KİMLƏR VAR?

Əyləncə dünyasının ən çox qazananları
09:27
Bu gün
2213
Maraqlı
A
“Forbes” jurnalı 2017-ci ildə əyləncə dünyasında ən çox gəlir əldə edən insanların siyahısını dərc edib.

“Ölkə.Az” xəbər verir ki, 100 nəfərin içində birinci yeri boksçu Floyd Meyvezer tutub. Onun illik gəliri 285 milyon dollar olub. Beləcə siyahını oxucularımıza təqdim edirik:

Floyd Meyvezer

Gəliri: 285 milyon dollar

Amerikalı boksçu Meyvezer 2017-ci ildə Konor MakQreqora qarşı rinqə çıxdı və 550 milyondan çox gəlir əldə etdi. Floyd 2015-ci ildə də bu siyahıya daxil edilmişdi.

Corc Kluni

Gəliri: 239 milyon dollar

Kluninin gəlirinin artımına səbəb “Casamigos” tekila şirkətinin 1 milyard dollara satışı olub. Aktyor bu şirkəti iki nəfərlə birlikdə 2013-cü ildə qurmuşdu.

Kayli Cenner

Gəliri: 166.5 milyon dollar

20 yaşlı Kayli bu pulu kosmetika məhsullarından əldə edib. Bundan başqa sosial şəbəkədə 110 milyon izləyicisinin olması da ona böyük pullar qazandırır.

Cudit Şeyndlin

Gəliri: 147 milyon dollar

Hakim olan Cudit Amerikalı vəkil və televiziya ulduzudur. ABŞ-da hazırlanan şou proqramlardan böyük gəlir əldə edib.

Dueyn Conson

Gəliri: 124 milyon dollar

46 yaşlı idmançı-aktyor pulunu kino sahəsindən qazanır.

“U2” qrupu

Gəliri: 118 milyon dollar

İrlandiyanın musiqi qrupu “U2” 2017-ci ildə qastrol səfərinə çıxdı və böyük gəlir əldə etdi.

“Coldplay” qrupu

Gəliri: 115.5 milyon dollar

Siyahıda yer alan ilk ingilis musiqi qrupudur.

Lionel Messi

Gəliri: 111 milyon dollar

2017-ci ildə “Barselona” klubu ilə müqaviləni yenilədi. Klubun illik gəlir və əlavə ödəmələr üçün 80 milyon dollar verməsi Messini dünyada ən çox gəlir əldə edən futbolçuya çevirdi. Messi “Adidas” şirkəti ilə ömürlük müqavilə imzalayıb. Bundan başqa bir çox şirkətlə də sponsorluq müqaviləsi bağlayıb.

Ed Şiran

Gəliri: 110 milyon dollar

Şiran dünyanın ən çox gəlir əldə edən müğənnisi olub. 27 yaşlı Edin 2017-ci ildəki albomu ilin ən uğurlu albomu kimi qəbul edilir.

Kriştianu Ronaldu

Gəliri: 108 milyon dollar

9 il “Real Madrid”də top qovan Ronaldu bu ay İtaliyanın “Juventus” klubu ilə müqavilə imzaladı. “Nike” şirkəti ilə imzaladığı ömürlük müqavilə isə 1 milyard dollar dəyərindədir.

Hikmət Həsənov
Ölkə.Az

ŞƏRH YAZ
0
BAĞLA