Avstraliya hökuməti: Dağlıq Qarabağ Azərbaycanın bir parçasıdır

Avstraliya hökuməti: Dağlıq Qarabağ Azərbaycanın bir parçasıdır
18:53
12.02.2019
3503
Siyasət
A
Avstraliya Azərbaycan Assosiyasiyasının Xocalı soyqırımı ilə bağlı bu ölkənin Xarici İşlər Nazirliyinə müraciətinə cavab verilib.

Bu barədə “Ölkə.Az”a məlumatı diaspor üzrə araşdırmaçı jurnalist Elnur Eltürk verib.

Məktubda assosiyasiyanın sədri Mikayil Oytaya məktuba gec cavab verildiyi üçün üzr istənilir.

Ardınca Avstraliya hökumətinin 1988-1994-cü illər ərzində Dağlıq-Qarabağ regionunda baş verən münaqişə nəticəsində yaranan çətinliklər haqqında məlumatlı olduqları, 1992-ci il 26 fevralda Xocalıda baş verən dəhşətli hadisələrin unudulmadığı qeyd edilir.
Dağlıq Qarabağ münaqişəsinin sülh yolu ilə həllinin labüdlüyü irəli sürülür və hər iki tərəf buna dəstək verməyə çağırılır. Avstraliya hökumətinin ATƏT-in Minsk qrupunun davam edən vasitəçilik işini dəstəklədiyi yazılır.

Məktubda daha sonra isə beynəlxalq ictimaiyyətin mövqeyinə uyğun olaraq, Avstraliya hökumətinin münaqişə ilə bağlı uzun müddətli mövqeyə malik olduğu,xüsusilə Azərbaycanın ərazi bütövlüyünə hörmət etdiyini və dəstəyinin bir mənalı olduğu, Avstraliya hökumətinin Dağlıq Qarabağı müstəqil dövlət kimi tanımadığı bildirilir.

ŞƏRH YAZ
0

Azərbaycanlı alimin oğluna Ukraynada — Yüksək vəzifə verildi

Azərbaycanlı alimin oğluna Ukraynada
08:11
Bu gün
280
Siyasət
A
Ukraynanın Baş prokuroru Ruslan Ryaboşapka Krım Muxtar Respublikasının prokuroru vəzifəsini daşıyan Gündüz Məmmədovu özünə yeni müavin təyin edib.

"Ölkə.Az"ın "Qafqazinfo”ya istinadən xəbər verir ki, Baş Prokuror bununla bağlı bu gün əmr verib.

Qeyd edək ki, Gündüz Məmmədov 1974-cü ildə azərbaycanlı alim Aydın Məmmədovun ailəsində doğulub. Hüquq elmləri namizədi olan Gündüz Məmmədov 1996-cı ildən Odessa vilayətinin Primorsk rayon prokurorluğunda işləyir. 2012-2013-cü illərdə Kiyev vilayət prokurorluğunda çalışıb. 2014-cü ildə Odessanın prokuroru təyin olunub. 2016-cı ildən isə Krım Muxtar Respublikasının prokuroru kimi çalışır.

Ölkə.Az

ŞƏRH YAZ
0

Mədəniyyət naziri və müavini bölgələrdə vətəndaşları qəbul edəcək

Mədəniyyət naziri və müavini bölgələrdə vətəndaşları qəbul edəcək
00:00
Bu gün
541
Siyasət
A
Mərkəzi icra hakimiyyəti orqanları rəhbərlərinin və onların müavinlərinin şəhər və rayonlarda vətəndaşların qəbulu cədvəlinə əsasən 2019-cu ilin oktyabr ayının 25-də saat 11:00-da Mədəniyyət naziri Əbülfəs Qarayev tərəfindən Ucar rayon Heydər Əliyev Mərkəzində (Ucar şəhəri, Heydər Əliyev prospekti, 73) Ucar və Zərdab rayonlarından olan vətəndaşların qəbulu keçiriləcək.

"Ölkə.Az" bildirir ki, həmin gün saat 11:00-da Mədəniyyət nazirinin müavini Rafiq Bayramov Ağdaş rayon Heydər Əliyev Mərkəzində (Ağdaş şəhəri, Heydər Əliyev Əliyev Meydanı 1 ) Ağdaş və Göyçay rayonlarından olan vətəndaşları qəbul edəcək.

Vətəndaşlar nazirliyin mct@mct.gov.az elektron poçt ünvanı, ex.mct.gov.az elektron xidmətlər saytı, telefon məlumat sistemi (çağrı mərkəzi): 147 və ya (012) 493-92-17 (əlaqələndirici şəxs: Pərviz İsgəndərli - Regional siyasət şöbəsinin müdiri) və (012) 493-55-21 nömrəli telefonlar vasitəsi ilə qəbula yazıla bilərlər.

Ölkə.Az

ŞƏRH YAZ
0
BAĞLA