KORONAVİRUSA YOLUXANLARIN SAYI - CANLI STATİSTİKA

Avstraliyadan Azərbaycan- Gürcüstan sərhədinə uzanan erməni barmağı

Avstraliyadan Azərbaycan- Gürcüstan sərhədinə uzanan erməni barmağı
21:55
06.11.2019
3014
Siyasət
A
Tanınmış qərb informasiya resursu Bellingcat Azərbaycanla Gürcüstan arasında münasibətləri zədələməyə hesablanmış təxribata əl atıb.

"Ölkə.Az" virtualaz.org-a istinadən xəbər verir ki, bu saytın Avstraliyada mənzillənmiş araşdırmaçısı Masis İngilisyan Azərbaycan Dövlət Sərhəd Xidmətinin bölmələrinin Ermənistanla sərhəddə mövqelərini irəli çəkərkən Babakər dağı tərəfdə Gürcüstan ərazisinə keçib orada post qurduqlarını iddia edib. Və öz iddiasını peyk fotoları ilə möhkəmləndirməyə çalışıb.

Babakər dağı Azərbaycan, Ermənistan və Gürcüstan sərhəd üçbucağında yerləşir. Bu ilin yayında DSX həmin istiqamətdə mövqelərini irəli çəkərək yeni strateji yüksəklikləri nəzarətə götürüb, o cümlədən Babakər dağında möhkəmlənərək Ermənistan ordusunun mövqelərinə, o cümlədən strateji nəqliyyat infrastrukturlarına nəzarət imkanı qazanıb.

“Bellingcat” saytının məlumatı tezliklə Gürcüstan resurslarında da tirajlanıb, amma proses zamanı ilkin mənbə “yaddan çıxıb”. Hətta erməniyönümlü saytlardan birinə istinad verilib və orada müəllifin də adı göstərilib. Xəbər Gürcüstan əhalisi arasında həyacana səbəb olub.

“News Front” adlı Rusiya saytının gürcü redaksiyası bildirir ki, yerli KİV-lər “Bellingcat”ın məlumatının aşkar yalan olduğunu bilsələr də susublar, qərb saytını təkzib etməməyi üstün tutublar.

Ölkə.Az

ŞƏRH YAZ
1

Azərbaycanın Baş Nazirinə yeni köməkçi təyin edildi

Azərbaycanın Baş Nazirinə yeni köməkçi təyin edildi
17:17
Bu gün
1226
Siyasət
A
Baş Nazir Əli Əsədova yeni köməkçi təyin edilib.

"Ölkə.Az" xəbər verir ki, bunu "Report"a açıqlamasında Nazirlər Kabinetinin Mətbuat Xidmətinin rəhbəri İbrahim Məmmədov deyib. 

Onun sözlərinə görə, müvafiq sərəncamla Mehman Tağıyev Baş Nazirin köməkçisi təyin olunub.

ŞƏRH YAZ
0

Küveytin əmiri Prezident İlham Əliyevə məktub göndərib

Küveytin əmiri Prezident İlham Əliyevə məktub göndərib
16:37
Bu gün
1024
Siyasət
A
Küveyt Dövlətinin Əmiri Sabah əl-Əhməd əl-Cabir əs-Sabah Azərbaycan Respublikasının Prezidenti İlham Əliyevə təbrik məktubu ünvanlayıb.

"Ölkə.Az" xəbər verir ki, təbrikdə deyilir:

"Zati-aliləri.

Dost ölkənizin milli bayramı - Respublika Günü münasibətilə Sizə ən xoş təbriklərimi çatdırmaqdan böyük məmnunluq duyuram.

Bu xoş fürsətdən istifadə edərək, dost ölkələrimiz və xalqlarımız arasında mövcud olan gözəl münasibətlərin daha da inkişaf etməsini arzulayıram.

Zati-aliləri, Sizə uzun ömür, cansağlığı, dost Azərbaycana və onun xalqına davamlı tərəqqi və rifah arzulayıram".

ŞƏRH YAZ
0
BAĞLA