Avtobusda qadının gözləri qarşısında ərini öldürdülər — CƏLİLABADDA DƏHŞƏTLİ QƏTL

Avtobusda qadının gözləri qarşısında ərini öldürdülər
14:28
14.11.2019
20680
Ölkə
A
Cəlilabad rayonunda qətl törətməkdə təqsirli bilinərək məhkum olunan Həmzəyev Əvəz Əhməd oğlu Ali Məhkəməyə müraciət edib.

"Ölkə.Az" xəbər verir ki, Azərbaycan Respublikasının Cinayət Məcəlləsinin 120.2.4-cü, yəni xüsusi amansızlıqla və ya ümumi təhlükəli üsulla adam öldürmə maddəsi ilə təqsirli bilinərək Lənkəran Ağır Cinayətlər Məhkəməsi tərəfindən 17 il 6 ay müddətinə azadlıqdan məhrum edilən 1999-cu il təvəllüdlü Həmzəyev Əvəz Əhməd oğlu Ali Məhkəmədən işin yenidən araşdırılmasını və barəsindəki qərarın dəyişdirilməsini xahiş edib.

Hakim İmran Hacıqayıbovun sədrliyi ilə keçiriləcək məhkəmə baxış iclası dekabr ayının 3-nə təyin olunub.

Xatırladaq ki, hadisə 2017-ci ilin dekabrın 28-də baş verib. 1999-cu il təvəllüdlü Əvəz Həmzəyev Uzuntəpə kəndində hərəkətdə olan marşrut avtobusunda həmyerlisi Rakif Hüseynovu bıçaqlayaraq öldürüb. Hadisəyə səbəb Ə.Həmzəyevin bacısının həyat yoldaşı (R. Hüseynovun oğlu-red.) ilə münasibətlərinin pozulması olub. Bacısının həyat yoldaşının evinə qayıtmasına R.Hüseynovun mane olduğunu düşünən Əvəz avtobusda onu qətlə yetirib. Hadisə vaxtı Rakif Hüseynovun həyat yoldaşı yanında olub və qətl qadının gözləri qarşısında törədilib.

Qeyd edək ki, daha əvvəl Ə.Həmzəyev apelyasiya instansiyasına müraciət etsə də, qərar dəyişdirilməyib.

Natiq Allahverdiyev
Ölkə.Az

 

ŞƏRH YAZ
0

Məktəblilərin qış tətilinin vaxtı açıqlandı

Məktəblilərin qış tətilinin vaxtı açıqlandı
23:36
17.01.2020
1594
Ölkə
A
Məktəblərdə qış tətilinin vaxtı məlum olub.

"Ölkə.Az" bildirir ki, noyabrın 16-dan ümumi təhsil müəssisələrində 2019-2020-ci tədris ili üzrə payız tətili başlayır. 

"Ümumtəhsil məktəbinin Nümunəvi Nizamnaməsi"nə əsasən, qış tətili 27-31 yanvar tarixlərini əhatə edəcək. 

Məktəblərdə beş günlük qış tətili olacaq.

Fevralın 1-dən isə orta məktəblərdə dərs ilinin ikinci yarımili başlayacaq və iyunun 14-də başa çatacaq.

Qeyd edək ki, şagirdlər üçün beş gün payız tətili (16-20 noyabr), beş gün qış tətili (27-31 yanvar), ibtidai siniflər üçün isə beş günlük əlavə yaz tətili (1-5 may) olur.

ŞƏRH YAZ
0

"Qızılgüllər diyarı" Zaqatala ağ örpəyə bürünüb — FOTO

23:18
17.01.2020
1260
Ölkə
A
Qış öz sərt üzünü yenicə göstərməyə başlayıb.

Yanvarın 17-də yağan qar "Qızılgüllər diyarı" Zaqatalanı da ağ örpəyə bürüyüb. Bolluq, bərəkət rəmzi olan qar, həm də gözəllikdir və təbiətə əsrarəngiz naxışlar vurur.

Respublikamızın dilbər guşələrindən olan Zaqatalanın qışı da başqa bir aləmdir.

"Ölkə.Az" AZƏRTAC-a istinadən fotoqraf Əhməd Fərruxoğlunun bu gün Zaqatala şəhərinin park və xiyabanlarında çəkdiyi qış lövhələrini təqdim edir.

ŞƏRH YAZ
0
BAĞLA