\"Avtobuslar xarab olurdu, idmançılar öz şəxsi hesablarına taksiylə yarış keçirilən ünvanlara getməli olurdular\"
Hətta erməni mediası bu oyunların çox aşağı səviyyədə təşkil olunması barədə materiallar dərc edib. Buna səbəb kimi oyunlara ayrılan vəsaitin təşkilatçılar tərəfindən mənimsənilməsi göstərilib.
Ermənistanən 1in.am portalı isə “pan erməni oyunları”nı kəskin tənqid edən “İşxan Zakaryan Panerməni oyunlarını iflasa uğratdı: kriminal oliqarxiyanın təxribatı və yaxud yarıtmazlığı?” məqaləsi dərc olunub. Məqalə tanınmış ictimai xadim Ovsep Xurşudyanın sosial mediada Xankəndində keçirilən oyunları kəskin tənqidi ifadələri yer alıb.
Xurşidyan öz "Facebook" səhifəsində “panerməni oyunları” haqqında bunları deyib: “Panerməni oyunlarının 20 illiyi ilə əlaqədar olaraq təşkil olunan oyunlar çox aşağı, utancverici səviyyədə hazırlanmışdı. Yarışın utancverici səviyyədə keçirildiyinə görə, bəzi idmançılar yarışı yarımçıq dayandıraraq, Ermənistanı tərk etmək istəyib. Ancaq yarışlardakı könüllülər onları bu fikirlərindən döndərməyə çalışıblar. Bu insanlar öz hesablarına vətənlərinə gəliblər. Yarışlar müddətində öz hesablarına qalmağa yer tapıblar. Oyunun təşkilatçıları yarış iştirakçılarına ən elementar məsələlərdə belə onlara normal xidmət göstərə bilməyiblər. Hər bir komandaya ayrıca avtobus ayrılsa da, bu avtobuslar ya gec gəlib, yaxud da ümumiyyətlə gəlməyib. Səbəb kimi isə avtobusların texniki nasazlığı göstərilib. Təşkilatçılar idmançıları taksilərlə aparmağa söz versələr də, bu vədlərinə də əməl etməyiblər. Ona görə də komanda məşqçiləri məcburiyyət qarşısında qalaraq, öz şəxsi hesablarına yarış keçirilən ünvanlara getməli olublar. Böyük əksəriyyət iştirakçılar onlara qalmaq üçün ayrılan yerlərdən ciddi narazı olduqlarını dilə gətiriblər. Onlara yer ayrılmadığından komandalar məcburiyyət qarşısında qalaraq öz maliyyə hesablarına yer tapmalı olublar”.
Bu fikirlər erməni ictimai xadim Ovsep Xurşudyanın “Panerməni oyunları nın təşkilatçılığı və keçirilməsi barədə yazdığı fikirlərin bir qismidir.
1in.am portalının yazdığına görə, Xurşudyan yeganə adam deyil ki, “Panerməni oyunları”nın belə utanverici səviyyədə hazırlanaraq keçirilməsini tənqid edib.
Erməni mediasının yazdığına görə, bu oyunlar yubiley səviyyəli olduğundan , ümummili birliyi özün əks etdirməklə yanaşı, yüksək səviyyədə keçirilməli idi. Ancaq hər şey bunun əksinə oldu və oyunlar untancverici və aşağı səviyyədə keçdi. Ən elelmentar şərtlər belə yerinə yetirilmədi.
1 in.am portalı oyunların belə yarıtmaz səviyyədə keçirilməsində Robert Köçəryan və Serj Sərkisyan komandasına yaxınlığı elə seçilən “Ümumerməni oyunları” komitəsinin rəhbəri İşxan Zakaryanı ittiham edib. Mətbu orqanı yazıb ki, Köçəryan və Sərkisyan təkcə ölkədə diktatura yaratmadılar, eyni zamanda insanları oğurluğa öyrətdilər. Bu işlərdə öz məharəti ilə seçilən siyasi “xameleon”, yeni hakimiyyətlə “ümumi dil” tapan İşxan Zakaryan fakt kimi göstərilib. Ona qarşı aksiya keçirilsə də, nəticə olmadı. Kriminal oliqarxiyanın təmsilçisi olan İ. Zakaryan yenidən “Ümumdünya panerməni oyunları komitəsi”nin sədri seçilib.
Mətbu orqanın yazdığına görə, Zakaryan bu “fəaliyyətinə” görə Paşinyan hakimiyyətində dəyərləndirilərək, yüksək post alacağını da istisna etməyib.
Qeyd edək ki, avqustun 5-dən Xankəndində start götürən “Pan erməni oyunları”na İrəvanda yekun vurulub.
Hazırladı: Mürtəza
Ölkə.Az