Piyadanın ölümü ilə nəticələnən yol qəzası baş verib

Piyadanın ölümü ilə nəticələnən yol qəzası baş verib
23:32
19.05.2017
55
Hadisə
A
Ucarda iki maşının iştirakı ilə vurulan piyada hadisə yerində ölüb

Ölkə.Az APA-ya istinadən xəbər verir ki, hadisə bu gün axşam saatlarında Bakı-Qazax əsas magistral yolunun Ucar rayonunun Alpout kəndindən keçən hissəsində baş verib.

Sürücüsü hələlik məlum olmayan 20 DC 331 dövlət nömrə nişanlı "Skoda" markalı minik maşını yolu keçən piyada rayonun Alpout kənd sakini, 1970-ci il təvəllüdlü Bayram Mirzəhüseyin oğlu Kərimovu vurub.
 
Şahidlərin sözlərinə görə, hadisə törədən sürücü zərərçəkənə kömək etmək istəsə də Gəncə istiqamətdə yüksək sürətlə hərəkət edən "İkarus" markalı avtobus B. Kərimovun üstündən keçib və o, maşını saxlamayaraq  hadisə yerindən qaçıb. Faktla bağlı Baş Dövlət Yol Polisinin İstintaq və Təhqiqat Şöbəsində araşdırma aparılır.

ŞƏRH YAZ
0

55-60 yaşlı naməlum kişi xəstəxanada öldü — Bakıda

55-60 yaşlı naməlum kişi xəstəxanada öldü
15:25
Bu gün
46
Hadisə
A
Bakıda naməlum şəraitdə travma alaraq, xəstəxanada ölən şəxsin kimliyini müəyyən etmək mümkün olmayıb.

Daxili İşlər Nazirliyinin mətbuat xidmətindən "Ölkə.Az"- a verilən məlumata görə, dekabrın 9-da Yasamal rayonu ərazisindən 55-60 yaşlarında kişi kəllə-beyin travması ilə Klinik Tibbi Mərkəzə yerləşdirilib və orada ölüb.

Onun xarakterik əlamətləri belədir: boyu 170 santimetr, arıq bədən quruluşlu, dişləri seyrək, gözləri qara. Əynində qara şalvar, qara gödəkçə və qara ayaqqabı olub.

Kimliyi istintaqa məlum olmayan, şəkildəki kişini tanıyanlardan və barəsində məlumatı olanlardan DİN-in “102” Xidməti Zəng Mərkəzinə, həmçinin Yasamal Rayon Polis İdarəsinə (012) 434-02-02, 434-62-36 telefon nömrələrinə zəng vuraraq məlumat vermələri xahiş olunur.

ŞƏRH YAZ
0

Silsilə oğurluqlar edən şəxslər tutuldu — Bakıda

Silsilə oğurluqlar edən şəxslər tutuldu
14:55
Bu gün
153
Hadisə
A
Bakıda avtomobillərdən silsilə oğurluqlar edən şəxslər tutulub.

Daxili İşlər Nazirliyinin mətbuat xidmətindən "Ölkə.Az"- a verilən məlumata görə, Suraxanı Rayon Polis İdarəsinin 33-cü Polis Bölməsi əməkdaşlarının həyata keçirdikləri uğurlu əməliyyat tədbirləri nəticəsində rayon ərazisində ayrı-ayrı vaxtlarda törədilmiş 43 cinayətin üstü açılıb.

Belə ki, 33-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində bir avtomobildən oğurluğa cəhd göstərməkdə şübhəli bilinən şəxslər saxlanılaraq istintaqa təhvil veriliblər.

Araşdırmalarla onların Bakı şəhər sakini Fuad Həsənov və Ağdam rayon sakini, əvvəllər məhkum olunmuş Vaqif Allahyarov olduqları müəyyən edilib.

Ətraflarında aparılan əməliyyat tədbirləri ilə onların digər cinayət əməllərinin də üstü açılıb. Onların cari ilin mart-noyabr ayları ərzində rayon ərazisində 37 avtomobildən akkumulyator, güzgülər, maqnitofon, pul, həmçinin 2 mağazadan, 1 kompyuter salonundan, 1 “Topaz” mərc oyunları məntəqəsindən, 1 çay evindən və 1 həyətyanı sahədən pul, ərzaq məhsulları və məişət əşyaları oğurlamaları da müəyyən edilib.

Oğurlanmış 16 ədəd avtomobil akkumulyatoru və 4 ədəd “playstation” kompyuteri polis əməkdaşları tərəfindən maddi sübut kimi götürülüb.

İstintaq-əməliyyat tədbirləri davam etdirilir. Onların digər cinayətlərdə iştirakının olub-olmaması araşdırılır.

ŞƏRH YAZ
0
BAĞLA