Piyadanın ölümü ilə nəticələnən yol qəzası baş verib

Piyadanın ölümü ilə nəticələnən yol qəzası baş verib
23:32
19.05.2017
269
Hadisə
A
Ucarda iki maşının iştirakı ilə vurulan piyada hadisə yerində ölüb

Ölkə.Az APA-ya istinadən xəbər verir ki, hadisə bu gün axşam saatlarında Bakı-Qazax əsas magistral yolunun Ucar rayonunun Alpout kəndindən keçən hissəsində baş verib.

Sürücüsü hələlik məlum olmayan 20 DC 331 dövlət nömrə nişanlı "Skoda" markalı minik maşını yolu keçən piyada rayonun Alpout kənd sakini, 1970-ci il təvəllüdlü Bayram Mirzəhüseyin oğlu Kərimovu vurub.
 
Şahidlərin sözlərinə görə, hadisə törədən sürücü zərərçəkənə kömək etmək istəsə də Gəncə istiqamətdə yüksək sürətlə hərəkət edən "İkarus" markalı avtobus B. Kərimovun üstündən keçib və o, maşını saxlamayaraq  hadisə yerindən qaçıb. Faktla bağlı Baş Dövlət Yol Polisinin İstintaq və Təhqiqat Şöbəsində araşdırma aparılır.

ŞƏRH YAZ
0

Balıq tutarkən su kanalına düşən 80 yaşlı qoca xilas edildi — 24 saat sonra

Balıq tutarkən su kanalına düşən 80 yaşlı qoca xilas edildi
14:25
Bu gün
273
Hadisə
A
Bərdə rayonunda 80 yaşlı kişi balıq tutarkən su kanalına düşüb.

"Ölkə.Az""Report"a istinadən xəbər verir ki, 1938-ci il təvəllüdlü Əliyev Göyüş Ağəli oğlu 24 saatdan artıq suda qalandan sonra xilas edilib.

Hadisə rayonun Əyricə kəndi ərazində yerləşən Şor kanalında baş verib.

Məlumata görə, G.Əliyev axşam saatlarında ərazidə balıq tutarkən qəfildən ayağı sürüşərək suya düşüb. Suda çarəsiz vəziyyədə qalan kişi bir gündən artıq müddətdə ölümlə mübarizə aparıb. Suyun axarı güclü olduğundan qoca kişi düşdüyü ərazidən bir necə kilometr uzaqlaşıb, nəhayət, koldan tutaraq qalıb.

Ərazidə xidmət aparan Bərdə Rayon Polis Şöbəsinin əməkdaşları hadisədən xəbər tutaraq kişini xilas ediblər.

Sudan çıxarılan şəxs dərhal xəstəxanaya aparılıb. Xəstəxanada məlum olub ki, onun ayaqlarını don vurub, balıqlar dişləyərək xəsarət yetirib, əllərini isə kol-kos yaralayıb.

Hazırda G.Əliyevin vəziyyəti kafi olaraq qalır və ev şəraitində müalicə alır.

ŞƏRH YAZ
0

Beynəlxalq Bankın sədrinin müşavirinə qarşı dələduzluq edən qadın kimdir?

Beynəlxalq Bankın sədrinin müşavirinə qarşı dələduzluq edən qadın kimdir?
12:21
Bu gün
476
Hadisə
A
Bakı Ağır Cinayətlər Məhkəməsində bank əməkdaşlarına qarşı külli miqdarda dələduzluq edən qadının məhkəməsi başlayır.

“Ölkə.Az”ın xəbərinə görə, cinayət məcəlləsinin 178.3.2-ci maddəsi ilə təqsirli bilinən Səməndərova Nuran Davud qızının məhkəmə prosesinin hazırlıq iclası may ayının 25-də hakim Fikrət Qəribovun sədrliyi ilə keçiriləcək. 

Qeyd edək ki, cinayət işində 4 nəfər zərərçəkən qismində tanınıb ki, onlardan biri də Beynəlxalq Bankın sədr müavini Qədimov Emil Rəc oğludur. 

Xatırladaq ki, 1989-cu ul təvəllüdlü Nuran Səməndərova özünü Dövlət Miqrasiya Xidmətinin əməkdaşı kimi təqdim edərək banklardan küllü miqdarda pul götürüb. Həmçinin telefon dükanlarından da xeyli sayda bahalı telefonlar götürərərək pullarını ödəməyib. 4 ilə yaxındır mobil telefonların pərakəndə satışını həyata keçirən Teymur Kərimov müştərilərindən biri olan İlqar adlı şəxsin (Təhməzov İlqar Əbülfəz oğlu) vasitəsilə Nuran xanımla (Səməndərova Nuran Davud qızı) tanış olub. Bu xanım da öz növbəsində tez-tez Teymurdan bahalı telefonlar alıb və nəğd pulunu ödəyib. T.Kərimov deyir:

“Nuran Dövlət Miqrasiya Xidmətində işlədiyini deyirdi. Və iş yoldaşlarının da telefon istədiklərini, lakin pulunu bir neçə dəfəyə ödəyəcəklərini bildirdi. Həm İlqarın tanışı, həm də dövlət qulluqçusu olduğunu nəzərə alaraq, ona inandım. O da iş yoldaşları olduğunu bildirdiyi şəxslərin şəxsiyyət vəsiqələrini təqdim edərək, məndən nisyə telefonlar götürməyə başladı. Əvvəl ayda 3-5 telefonla başlayan Nuran, qısa müddət sonra ay ərzində götürdüyü telefonların sayını 26-28 ədədə çatdırdı. Və bu telefonlar da bir qayda olaraq, 1400-1600 manat dəyərində olan “Ayfon”lar idi. Hər telefon üçün də ayrıca bir şəxsiyyət vəsiqəsi təqdim edir, bu şəxslərin Miqrasiya Xidməti, Dövlət Gömrük Komitəsi və digər qurumlarda işlədiyini bildirirdi. Mən də inanırdım, çünki söhbət dövlət qulluqçularından gedirdi və Nuran bu adamlara aid borcları dediyi vaxtda ödəyirdi. Ancaq sən demə, bunun başqa məqsədləri varmış”.

Sonradan məlum olur ki, bu şəxslərin hər hansı dövlət qurumu ilə əlaqəsi yoxdur. Onların şəxsiyyət vəsiqələri isə T.Kərimovun ehtimalına görə, Nuranın “Unibank”da işləyən bacısı Nigar tərəfindən banka aid müştərilərin sənədləri arasından ələ keçirilib.

 

ŞƏRH YAZ
0
BAĞLA