Avtomobil idmanının kraliçası Formula-1 haqqında

"Ölkə.Az" olaraq bu nüfuzlu idman yarışı haqqında maraqlı faktları toplayıb oxucularla bölüşürük.

1.İlk çempionat 1950-ci ildə keçirilib. Yarışda 16 komanda iştirak edib. 7 Qran-Prinin altısı Avropada keçirilib.

2."İndianapolis 500" ABŞ Qran Prisində başqa texniki reqlament səbəbindən ancaq amerikan komandaları iştirak edib.

3.Ən titullu çempion Mixael Şumaxerdir. "Ferrari" komandasının pilotunun 7 çempion titulu var.

4.Reqlamentə əsasən qadınlar da yarışda iştirak edə bilərlər. Bu günə qədər cəmi 5 qadın pilot olub. İlk qadın italyan pilot Mariya-Tereza de Filippisdir.

5."Formula-1" ən təhlükəli yarışlardandır. Bu günə qədər 51 pilot həlak olub.

6.Yarış vaxtı pilotlar 2 kq çəki itirirlər.

7."Formula-1"də iştirak edən bir  komandasnın ümumi yük çəkisi 28 tondur.

8."Formula-1" bossu Berni Ekklstoun idmanın ən uğurlu biznesmenidir. O,  1958-ci ildə pilot kimi çıxış edib.

9.Mühərrikin səsboğucusu 950 dərəcəyə qədər isinir. Əyləc qəlibləri isə 1000 dərəcəyə qədər qızır.

10.Monako Qran Prisi liman yaxınlığında keçirildiyi üçün dalğıclar da ərazidə xidmət göstərir.

11. Bir "Formula-1" bolidi 80 min hissədən ibarətdir.

12. "Formula-1" bolidinin ən vacib detalı sükanıdır. Sükanın orta qiyməti 40 min avrodur. Sükana 20-dən çox düymə quraşdırılıb.

13.Bir bolidin üzərində bir illik kiçik reklamın qiyməti 25 milyon dollardır.

14. Ən çox Qran-Pri iştirakçısı Rubens Barrikellodur. 1993-cü ildən 2011-ci ilə qədər braziliyalı pilot 326 Qran-Pridə iştirak edib.

15."Formula-1"in ən gənc çempionu Sebastyan Fetteldir.

16.Ən uğurlu komanda "Ferraridir". 1950-ci ildən 2014-cü ilə qədər bu komanda 221 Qran-Pri qalibi olub.

Hikmət
Ölkə.Az