Avtomobil nəhəngindən sürpriz həmlə
PSA Qrupu Peugeot, Citroen və Opel/Vauxhall markaları üçün yeni məhsul çeşidini bazara çıxarmağa hazırlaşır.
“Ölkə.Az” xəbər verir ki, Peugeot, Citroen və Opel/Vauxhall markalarının ana şirkəti olan PSA Group, "həyatın içərisindən, fərqli və dinamik həyat tərzini əks etdirən bir model" mənasını verən yeni nəsil LAV (Leisure Activity Vehicle) məhsul çeşidini təqdim etməyə hazırlaşır.
PSA Group tərəfindən verilən bəyanata əsasən, qrup "Push-to-Pass" planı çərçivəsindəki ortaq model strategiyasının bir hissəsi olaraq yeni məhsul xəttini davam etdirir.
Avropa LAV avtomobili sinifinin öncülü və lideri olan PSA Qrupu, malik olduğu müxtəlif markaların xarakterinə uyğun olaraq 3 yeni məhsulla liderliyini gücləndirmək məqsədi güdür.
Ölkə.Az
