Avtomobildən 4000 manat oğurladı — "isti izlər"lə ələ keçdi

Avtomobildən 4000 manat oğurladı
21:12
17.07.2017
133
Hadisə
A
İyulun 14-də Sumqayıt şəhər sakini Y.İ həmin gün saat 11 radələrində paytaxtın Q.Qarayev prospektindəki ticarət mərkəzlərindən birinin qarşısında park etdiyi avtomobilindən oğurluq edilməsi barədə Nizami RPİ-nin 24-cü Polis Bölməsinə müraciət edib.

Daxili İşlər Nazirliyindən Ölkə.Az-a verilən məlumata görə, zərərçəkmiş izahatında qapılarını açıq saxladığı avtomobilindən içərisində 4000 manat olan pul qabının oğurlandığını bildirib.

Əməliyyat qrupu hadisə yerinə gələrək araşdırmalar aparıb. Əməliyyat-axtarış tədbirləri nəticəsində əldə edilən məlumat əsasında oğurluğu törətməkdə şübhəli bilinən şəxs müəyyən edilib və "isti izlər"lə keçirilmiş tədbirlərlə o, saxlanılaraq Polis Bölməsinə gətirilib.

Araşdırmalarla onun əvvəllər dəfələrlə məhkum olunmuş Bakı şəhər sakini Rövşən Əşrəfov olması müəyyən edilib. O, oğurluğu törətdiyini etiraf edərək bazarın qarşısında saxlanılan "Fiat" markalı avtomobilin sahibinin aldığı ərzaqları yük yerinə qoyduğundan başının qarışıq olmasından istifadə edərək ön oturacağın üstündəki pul qabını götürərək oradan uzaqlaşdığını bildirib.

R.Əşrəfovun üzərinə baxış zamanı 2400 manat pul aşkar edilib. O, həmin məbləğin oğurladığı pul qabıdakı 4000 manatdan qaldığını, digər hissəsini isə ehtiyaclarına sərf etdiyini bildirib.

Faktla əlaqədar Nizami RPİ-nin İstintaq şöbəsində cinayət işi başlanılıb.

ŞƏRH YAZ
0

Bakıda qız üstündə qan töküldü

Bakıda qız üstündə qan töküldü
15:00
Bu gün
226
Hadisə
A
Bakının Səbail rayonunda bıçaqlanma hadisəsi baş verib.

“Ölkə.Az” Teleqraf.com-a istinadən xəbər verir ki, Şıxov çimərliyi ərazisində 1978-ci il təvəllüdlü Məmmədəli Hüseynov tanımadığı şəxslə mübahisə edib. O, dava zamanı bıçaqlanıb. Yaralı sol budun kəsilmiş-deşilmiş xəsarətləri ilə 1 saylı Kliniki Tibbi Mərkəzə yerləşdirilib.

Məmmədəli Hüseynova tibbi yardım göstərilib, vəziyyətinin ağır olduğu bildirilir.

İlkin məlumata görə, onların arasında mübahisə qız üstündə baş verib.

Faktla bağlı cinayət işi başlanıb.

Ölkə.Az

ŞƏRH YAZ
0

Leysan yağışlar İsmayıllıda təbii fəlakətə yol açıb — 60 kənd işıqsız, 7 kənd qazsız qalıb

Leysan yağışlar İsmayıllıda təbii fəlakətə yol açıb
14:13
Bu gün
271
Hadisə
A
Ötən gecədən başlayaraq səhərədək İsmayıllı rayonunda güclü küləklə müşahidə edilən leysan yağışı yağıb.

"Ölkə.Az" APA-ya istinadən xəbər verir ki, yağışdan sonra əmələ gələn sel suları və külək təsərrüfatın ayrı-ayrı sahələrinə ziyan vurub.

Təbii fəlakət zamanı İsmayıllı şəhərində və kəndlərdə sosial obyektlərin dam örtüyü qopub, meyvə ağacları, elektrik dirəkləri aşıb, meyvə-tərəvəz və taxıl tələf olub. Rayonda elektrik naqilləri qırılıb, əhaliyə elektrik enerjisinin verilişi dayanıb. Küləyin təsiri nəticəsində dam örtüyü dağılan evlər və içəridəki əşyalar yağış suyunun altında qalıb.  Ümumilikdə rayonun 60 kəndinə elektrik enerjisinin verilişi dayanıb. Həmçinin, 7 kəndi təbii qazla təmin edən magistral qaz borusunun Ax-Ox çayı üzərindən keçən hissəsi selin təsiri nəticəsində qırılıb, əhalinin qaz təchizatı dayanıb. Hal-hazırda rayonda güclü yağış yağdığı üçün qaz xəttini bərpa etmək mümkün olmur.

Bundan əlavə, ötən gecə çobanlar iri və xırdabuynuzlu heyvanları Girdiman çayından keçirərkən qəflətən gələn güclü sel nəticəsində heyvanların bir qismi tələf olub. Dörd çoban, “QAZ-66” markalı minik maşını və 600-ə yaxın qoyun və inək çayın ortasındakı boş torpaq sahəsində köməksiz vəziyyətdə qalıb. Gecə saatlarında İsmayıllı rayon fövqəladə hallar komissiyası və rayon polis şöbəsinin əməkdaşları tərəfindən həmin ərazi nəzarətə götürülüb. Əraziyə texnika və canlı qüvvə cəlb edilib, hazırda insanların və mal-qaranın xilas edilməsi ilə bağlı işlər aparılır. Təbii fəlakət zamanı rayona dəyən ziyanın miqdarı hələlik dəqiq bilinmir. Araşdırma aparılır.

Ölkə.Az

ŞƏRH YAZ
0
BAĞLA