Avtomobili ilə piyadanı vurdu, hadisə yerindən qaçdı
Sumqayıtda avtomobil piyadanı vuraraq qaçıb.
"Ölkə.Az" "Report"a istinadən xəbər verir ki, hadisə şəhərin H.Z.Tağıyev qəsəbəsində baş verib.
Belə ki, qəsəbə sakini 48 yaşlı Mehman İkram oğlu Hüseynov yaşadığı ərazidə yolu keçmək istəyərkən naməlum avtomobil tərəfindən vurulub. Yaralı Sumqayıt şəhər TTYX-a çatdırılıb.
Onun vəziyyətinin qənaətbəxş olduğu bildirilir.
Qəzadan sonra sürücü hadisə yerini tərk edib. Faktla bağlı araşdırma aparılır.
Ölkə.Az
