Avtomobilimizi soyuq havalara necə hazırlayaq?

Avtomobilimizi soyuq havalara necə hazırlayaq?
10:33
08.09.2019
1287
Maraqlı
A
Kəskin istilərdən sonra avtomobillərin payız-qış mövsümünə hazırlığı vacibdir. Bir çox sürücülər buna əhəmiyyət verməsələr də, havalar soyuyanda sürücülərin bir sıra problemlərlə qarşılaşması qaçılmaz olur. Bəs avtomobilini payız-qış aylarına hazırlamaq nə deməkdir və nələrə diqqət yetirmək lazımdır?

"Ölkə.Az" bildirir ki, məsələ ilə bağlı oxu.az-ın əməkdaşı avtomobil ustası Cavid Əliyevlə danışıb. 

Ustanın sözlərinə görə, qarlı və yağışlı havalarda avtomobildə nasazlığın yaranmasının qarşısını almaq üçün ilk növbədə avtomobilin şassisində "şarovoy"lar yoxlanılmalıdır:

"Bundan başqa, mühərrik üçün nəzərdə tutulan yağların dəyişdirilməsi çox vacibdir. Ümumiyyətlə, avtomobillər hər 15 min kilometrdən bir texniki yoxlanışdan keçməlidir. Həmçinin, avtomobillərdə istifadə edilən antifrizin də dəyişdirilməsi məsləhət görülür. Bu, soyuq havalarda mühərrikin donmasının qarşısını alır". 

C.Əliyev bildirib ki, yay aylarında avtomobildəki kanalizasiya boruları tutulur və bunlar təmizlənməlidir. 

"Payız-qış aylarında avtomobilin təkərlərinin də yaxşı vəziyyətdə olması əsas amildir. Elə təkərlər var ki, dörd mövsüm üçün nəzərdə tutulub, elələri də var, ya qış, ya da yay üçündür. Əgər təkərlərin havaları düz vurulsa, bu, benzin sərfiyyatına təsir edəcək. Misal üçün, yay aylarında sedan tipli avtomobillərdə təkərlərdə 1,2-2 atmosfer hava olursa, qışda bu rəqəm 2,1-2,2 olmalıdır".

Bununla yanaşı, usta qeyd edib ki, avtomobildə olan rezin detalların dəyişdirilməsi də mütləqdir:

"İsti havalarda rezinlər quruyur və soyuqlar olduqda bu, özünü daha çox büruzə verir, avtomobillərdən müxtəlif xoşagəlməz səslər gəlir".

Usta əlavə edib ki, bu kimi məsələlərə əməl edilmədiyinə görə yağışlar yağan kimi sexin qarşısı nasaz avtomobillərlə dolu olur:

"Kimsə avtomobilin mühərrikinin qaynatdığını deyir, kimsə də avtomobildən gələn müxtəlif səslərdən və digər məsələlərdən şikayət edir. Vaxtında texniki yoxlanışdan keçib problemləri həll etsələr, soyuq havalarda əziyyət çəkməzlər".

Ölkə.Az

ŞƏRH YAZ
0

Rusiyalı məmurun Azərbaycanda “Şokolad vannası” üçün xərclədiyi məbləğ — AÇIQLANDI - FOTO

Rusiyalı məmurun Azərbaycanda “Şokolad vannası” üçün xərclədiyi məbləğ
23:40
17.09.2019
2452
Maraqlı
A
Rusiyalı məmurun Azərbaycanda qəbul etdiyi naftalanlı "şokolad vannası"nın qiyməti açıqlanıb.

“Ölkə.Az” bizimyol.info-ya istinadən xəbər verir ki, keçdiyimiz günlərdə Ulyanovsk vilayətinin qubernatorunun məsləhətçisi Svetlana Openışeva Azərbaycanda yerləşən sanatoriyaların birində qəbul etdiyi "şokolad vannası"nda "selfi" çəkərək instagramda paylaşıb.

Azərbaycan sanatoriyalarından əldə olunan məlumata görə, 5 ulduzlu hoteldə müalicəvi "şokolad vannası"nın 1 həftə dəvam edən proseduru, gündə 3 dəfə yemək daxil olmaqla ən az 1099 manatdır.

Qeyd edək ki, Svetlana izləyicilərindən paylaşdığı şəklə görə üzr istəyib.

Ölkə.Az

ŞƏRH YAZ
0

"Bu ölkə yox olacaq..." — Gerçəkləşməyə başlayan Vanqanın proqnozları

12:06
17.09.2019
14574
Maraqlı
A
Bolqar görücü Vanqanın proqnozları özünü doğrultmağa başladı.

"Ölkə.Az" xəbər verir ki, KİV-lər əfsanəvi Bolqar görücü Vanqinin proqnozlarını yayıblar. 

Piterburger.ru saytının məlumatına görə, görücü Suriyadakı hərbi münaqişəni nəzərdə tutub.  Bu həqiqət nəşrə görə, qorxunc görünür, çünki Vanqa bundan sonra üçüncü dünya müharibəsinin başlayacağını və Avropanın tamamilə yer üzündən silinəcəyini söyləyib.

Həmçinin, ABŞ-ın mövcudluğuna da son qoyulacaq. Bundan başqa, o, Çinin dünya fövqəl dövləti statusunu alacağını və yerin üzərindən uça biləcək nəqliyyatın nə ilə icad ediləcəyini də proqnozlaşdırıb.

Onun sözlərinə görə, Rusiyada iqtisadi problemlər olacaq, amma nəticədə Rusiyadan bir hökmdar dünyanı xilas edəcək. Bundan əlavə, o, neftin əhəmiyyətini itirəcəyini və vaxt keçdikcə hasilatın dayandırılacağını proqnozlaşdırıb.

Portalın yazdığına görə, yəqin ki, bunun səbəbi yeni yanacaq növünün açılması olacaq ki, bunun da nəticəsində ölkələr arasındakı münasibətlərdə təcavüz aradan qalxacaq.

Müşfiq Məmmədov
Ölkə.Az

ŞƏRH YAZ
0
BAĞLA