KORONAVİRUSA YOLUXANLARIN SAYI - CANLI STATİSTİKA

Avtomobilimizi soyuq havalara necə hazırlayaq?

Avtomobilimizi soyuq havalara necə hazırlayaq?
10:33
08.09.2019
1689
Maraqlı
A
Kəskin istilərdən sonra avtomobillərin payız-qış mövsümünə hazırlığı vacibdir. Bir çox sürücülər buna əhəmiyyət verməsələr də, havalar soyuyanda sürücülərin bir sıra problemlərlə qarşılaşması qaçılmaz olur. Bəs avtomobilini payız-qış aylarına hazırlamaq nə deməkdir və nələrə diqqət yetirmək lazımdır?

"Ölkə.Az" bildirir ki, məsələ ilə bağlı oxu.az-ın əməkdaşı avtomobil ustası Cavid Əliyevlə danışıb. 

Ustanın sözlərinə görə, qarlı və yağışlı havalarda avtomobildə nasazlığın yaranmasının qarşısını almaq üçün ilk növbədə avtomobilin şassisində "şarovoy"lar yoxlanılmalıdır:

"Bundan başqa, mühərrik üçün nəzərdə tutulan yağların dəyişdirilməsi çox vacibdir. Ümumiyyətlə, avtomobillər hər 15 min kilometrdən bir texniki yoxlanışdan keçməlidir. Həmçinin, avtomobillərdə istifadə edilən antifrizin də dəyişdirilməsi məsləhət görülür. Bu, soyuq havalarda mühərrikin donmasının qarşısını alır". 

C.Əliyev bildirib ki, yay aylarında avtomobildəki kanalizasiya boruları tutulur və bunlar təmizlənməlidir. 

"Payız-qış aylarında avtomobilin təkərlərinin də yaxşı vəziyyətdə olması əsas amildir. Elə təkərlər var ki, dörd mövsüm üçün nəzərdə tutulub, elələri də var, ya qış, ya da yay üçündür. Əgər təkərlərin havaları düz vurulsa, bu, benzin sərfiyyatına təsir edəcək. Misal üçün, yay aylarında sedan tipli avtomobillərdə təkərlərdə 1,2-2 atmosfer hava olursa, qışda bu rəqəm 2,1-2,2 olmalıdır".

Bununla yanaşı, usta qeyd edib ki, avtomobildə olan rezin detalların dəyişdirilməsi də mütləqdir:

"İsti havalarda rezinlər quruyur və soyuqlar olduqda bu, özünü daha çox büruzə verir, avtomobillərdən müxtəlif xoşagəlməz səslər gəlir".

Usta əlavə edib ki, bu kimi məsələlərə əməl edilmədiyinə görə yağışlar yağan kimi sexin qarşısı nasaz avtomobillərlə dolu olur:

"Kimsə avtomobilin mühərrikinin qaynatdığını deyir, kimsə də avtomobildən gələn müxtəlif səslərdən və digər məsələlərdən şikayət edir. Vaxtında texniki yoxlanışdan keçib problemləri həll etsələr, soyuq havalarda əziyyət çəkməzlər".

Ölkə.Az

ŞƏRH YAZ
0

“Google” insanlara sosial məsafəni tənzimləməyə yardım edəcək — VİDEO

“Google” insanlara sosial məsafəni tənzimləməyə yardım edəcək
09:00
Bu gün
1014
Maraqlı
A
“Google” artırılmış reallıq texnologiyasından istifadə edən mobil tətbiq hazırlayıb. Müəlliflərin fikrincə, bu yenilik insanlara sosial məsafəni qorumağa kömək edəcək.

Bu barədə “The Sun” xəbər verir.

“Sodar” adlı tətbiqdə istifadəçilər öz ətraflarında virtual dairə çəkə biləcək. “Şəxsi dairənin sərhədi” pozulacağı təqdirdə proqram xəbərdarlıq siqnalı verəcək.

Tərtibatçılar qeyd edirlər ki, bu vizuallaşdırma sosial məsafəyə riayət etməyi asanlaşdıracaq.oxuaz

ŞƏRH YAZ
0

DİQQƏT! Hesab kartınızdan...Bu proqramları telefondan silin! — SİYAHI

DİQQƏT! Hesab kartınızdan...Bu proqramları telefondan silin!
07:10
Bu gün
1488
Maraqlı
A
"Google" şirkəti telefonlardan silinməsi vacib olan proqramların siyahısını açıqlayıb.

"Ölkə.Az" qafqazinfo-ya istinadən xəbər verir ki, bu proqramlar bank kartlarından pul çəkilməsinə, şəxsi məlumatların əldə edilməsinə səbəb olur.

Şirkət açıqladığı proqramların bəzilərinin telefon üçün ziyanlı olduğunu da qeyd edib.

Həmin proqramlar aşağıdakılardır:
Pro Camera Beauty
Art Effect
Cartoon Art Photo
Emoji Camera
Art Filter
Artistic effect Filter
Art Effect
Beauty Camera
Selfie Camera Pro
Wallpapers HD
Horizon Beauty Camera
Super Camera
Art Effects for Photo
Awesome Cartoon Art
Art Filter Photo
Art Editor
Art Filter Photo Effects
Cartoon Effect
Cartoon Art Photo Filter
Photo Editor
Magic Art Filter Photo Editor
Fill Art Photo Editor
Art Flip Photo Editing
Cartoon Art Photo
Prizma Photo Effect
Art Filter Photo Editor
Pixture
Photo Art Effect
Cartoon Photo Filter

ŞƏRH YAZ
0
BAĞLA