"AXCP və Milli Şuranın dünənki piketində qaydaları pozaraq, polisi təxribata çəkirdilər" — Deputat

14:03
09.10.2019
2075
Siyasət
A
“Azərbaycan Xalq Cəbhəsi Partiyası (AXCP) və Milli Şuranın oktyabrın 8-də keçirdiyi piketin bir adı var idi. Təxribat! Bunun başqa adı ola bilməzdi. AXCP və Milli Şura rəhbərliyinin əsas hədəfi hər vəchlə ölkədəki mövcud sabitliyi pozmaq, xaos yaratmaq, ölkənin imicinə zərbə vurmaqdır. Dünən keçirilən piketdə məhz bu cür çirkin niyyətləri həyata keçirməyə xidmət edirdi”.

 Bu fikri “Ölkə.Az”a açıqlamasında millət vəkili Mirkazım Kazımov deyib.

 Onun sözlərinə görə, Azərbaycan demokratik ölkə olaraq vətəndaşların hüquq və azadlıqları, həmçinin sərbəst toplaşmaq hüququ da  tanınır, onlara öz fikirlərini sərbəst ifadə etmək üçün hər cür şərait yaradılır. “Azərbaycan Respublikasında vətəndaşların sərbəst toplaşmaq azadlığı Konstitusiyanın 49-cu maddəsi ilə və digər qanunvericilik aktları ilə tənzimlənir. Konstitusiyamıza görə, hər kəsin başqaları ilə birlikdə sərbəst toplaşmaq azadlığı, müvafiq dövlət orqanlarını qabaqcadan xəbərdar etməklə, ictimai qaydanı və ya ictimai asayişi pozmamaq şərtilə, dinc, silahsız toplaşmaq, yığıncaqlar, mitinqlər, nümayişlər, küçə yürüşləri keçirmək, piketlər təşkil etmək hüququ var. Elə oktyabrın 8-də keçirilən piket də bunun bariz nümunəsi idi. Bakı Şəhər İcra Hakimiyyəti  piketin keçirilməsi, yeri və iştirakçıların təhlükəsizliyinin təmin olunması barədə razılıq vermişdi. Ancaq bu radikal ünsürlər qanunlara riayət etməyərək, piketi nəzərdə tutulan ünvanda deyil,  qanunvericiliyin tələblərini pozaraq təxribat törətmək məqsədi ilə qəsdən başqa ərazidə keçirməyə üstünlük verdilər. Bu yolla həm kənardakıların diqqətini özlərinə cəlb etmək, həm də hərəkətləri lentə alaraq xaricdəki “ağalarına” ünvanlamaqla, guya Azərbaycanda  sərbəst toplaşmaq, söz və fikir azadlığının pozulduğunu göstərməyə növəbti cəhd etdilər”, - deyə deputat bildirib.

M.Kazımov əlavə edib ki,   bu radikal ünsürlər onlar üçün ayrılan ərazidə deyil əhalinin gur olduğu, məktəbin yanında ictimai asayişi kobud şəkildə pozub, vətəndaşların hərəkətlərinə mane olmaqla. müxtəlif şüarların səsləndirib, ajiotaj yaradaraq qanunun tələblərini kobud surətdə pozdular. Polisin onları qanunun tələblərinə əməl etməsi təklifinin əksi olaraq, qəsdən dinc aksiya keçirmək qaydalarını pozaraq polisi təxribata çəkirdilər. Polisin onları qaydalara riayət etməsi ilə bağlı dəfələrlə xəbərdarlıq etməsinə baxmayaraq, səs-küy yaratmaq, qanunun tələblərinə zidd, təxribata sövq edəcək şüarlar, fikirlər səsələndirməkdə davam ediblər. Yayılan videolrada bunu açıq görmək olar. Bütün bunlar bir daha göstərir ki, həmin radikal ünsürlərin məqsədi öz etirazlarını sivil formada bildirmək yox, təxribat törətmək və ictimai-asayişi pozmaq olub”, - deyə deputat bildirib.

 Burada digər diqqət çəkən məqamı xatırladan deputat deyib ki, AXCP və Milli Şuranın rəhbəri, başda Əli Kərimli olmaqla heç biri aksiyada olmayıb: “Onlar  prosesi ancaq kənardan izləməklə kifayətləniblər. Hesab edirəm ki, aksiyanın  dinc formada keçirilməsini başda Əli Kərimli olmaqla, onun  dəstəsi istəməyib.  Əgər belə olmasaydı, Əli Kərimli tərəfdarlarını bu təxribatçı hərəkətlərdən çəkindirməyə cəhd edərdi. Amma bu, olmadı. Deməli, Əli Kərimli və onu dəstəsinin əsas hədəfi ölkədə ictimai-asayişin pozulması və xaosun yaranmasıdır.  Ona görə də oktyabrın 8-də piketin  keçirilməsi ilə bağlı tələblərin pozulması və ictimai-asayışın pozulmasına görə Əli Kərimli birbaşa məsuliyyət daşıyır. Əli Kərimli və onun dəstəsinin məqsədi Azərbaycanı yenidən  keçən əsrin 90-cı illərinə qaytarmaq, hərcmərclik yaratmaqdır. Odur ki, onun bu hərəkətinə hüquqi qiymət verilməsi və məsuliyyətə cəlb olunmalıdır”.

Mürtəza
Ölkə.Az

ŞƏRH YAZ
0

Elmar Məmmədyarov Cenevrədə həmsədrlərlə ilə görüşüb

Elmar Məmmədyarov Cenevrədə həmsədrlərlə ilə görüşüb
00:32
Bu gün
208
Siyasət
A
Azərbaycanın Xarici İşlər naziri Elmar Məmmədyarov Cenevrədə ATƏT-in Minsk Qrupunun həmsədrləri ilə görüşüb.

"Ölkə.Az" xəbər verir ki, bu barədə XİN mətbuat katibi Leyla Abdullayeva “Twitter” səhifəsində paylaşım edib. 

Görüşdə Minsk Qrupunun rusiyalı həmsədri İqor Popov, fransalı həmsədri Stefani Viskonti və ABŞ-lı həmsədri Endryu Şofer iştirak edib.

ŞƏRH YAZ
0

Prezident İlham Əliyev: “SOCAR Trading” ən iri treydinq şirkətlərindən biridir — VİDEO

Prezident İlham Əliyev: “SOCAR Trading” ən iri treydinq şirkətlərindən biridir
18:05
28.01.2020
557
Siyasət
A
“Bu gün “SOCAR Trading” şirkəti ən iri treydinq şirkətlərindən biridir və onun satdığı neftin çox hissəsi Azərbaycanda hasil edilməyən neftdir”, - Azərbaycan Prezidenti İlham Əliyev Davosda keçirilən Dünya İqtisadi Forumu çərçivəsində Rusiyanın “Rossiya-24” telekanalına müsahibəsi zamanı bildirib.

Bu sözlər jurnalistin Azərbaycanın Belarus Respublikasına neft göndərməsinin mümkünlüyü ilə bağlı sualına cavab olaraq söylənilib.

Dövlət başçısı qeyd edib ki, bir neçə il əvvəl ölkəmiz Belarusa neft tədarük edib, lakin sonradan proses Belarus tərəfinin təşəbbüsü ilə dayandırılıb. Ancaq bu gün yenidən prosesin bərpası zərurəti yaranarsa, “SOCAR Trading” asanlıqla bunun öhdəsindən gələ bilər.

Düzdür, əvvəlcə tərəflərin, daha doğrusu, müvafiq şirkətlərin qiymət, logistika və müqavilə öhdəlikləri ilə bağlı məsələlər razılaşdırılmalı və nəzərdən keçirilməlidir.

Azərbaycan Dövlət Neft Şirkəti bir neçə il əvvəl özünü qlobal və beynəlxalq miqyasda təqdim etdikdə, təkcə dünyanın müxtəlif ölkələrində neft emalı və neft-kimya zavodlarının inşası, həmçinin, yanacaqdoldurma məntəqələri şəbəkəsinə sahib olmağı nəzərdə tutan investisiya layihələrini deyil, həm də SOCAR-ın 2008-ci ildə yaradılan və mənzil qərargahı Cenevrədə yerləşən “SOCAR Trading” törəmə şirkətinin birbaşa işini də nəzərdə tuturdu.

İlk mərhələdə şirkət dünya bazarına Azərbaycanın yüksək keyfiyyətli yüngül neftini (Azeri Light) satırdı. Söhbət SOCAR-ın Türkiyədə Aralıq dənizindəki Ceyhan limanından xam neft ixacı həcminin əsas hissəsindən gedir.

Şirkət daha sonra böyüdükcə ABŞ, Türkiyə, Birləşmiş Ərəb Əmirlikləri, Misir, Sinqapur və digər ölkələrdə nümayəndəliklər açdı və Avropa, Asiya və Amerika ölkələrinə çatdırılma coğrafiyasını genişləndirdi.

Bütün bu fəaliyyət illəri ərzində şirkət yalnız gəlirini artırmağı deyil, həm də tərəfdaşlıq fəaliyyətinin etibarlılığı sayəsində uzunmüddətli öhdəliklərini artırmağı da bacardı. “SOCAR Trading” işi elə düzgün qura bildi ki, uzun müddətdir nəinki Azərbaycan neftinin satışı ilə məşğul oldu, hətta bazar şərtlərinə uyğunlaşaraq işindəki prioritetləri dəyişdirə bildi, məsələn, mazutdan maye qaza yönəldi.

Elə buna görə də Prezident İlham Əliyev Azərbaycanın hər zaman istənilən tərəfdaş ölkəyə kömək əlini uzada biləcəyi və onu kifayət qədər yanacaqla təmin edəcəyi barədə fikirlərində bu qədər əmindir.

ŞƏRH YAZ
0
BAĞLA