Axşam saatlarında xoş xəbər alacaqsınız

Axşam saatlarında xoş xəbər alacaqsınız
00:08
12.05.2018
13037
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - yaşamınızda ciddi dəyişikliklərə başlamaq fikriniz varsa, ehtiyatlı və sərvaxt davranmağı unutmayın. Məqsədlər pis deyil. Amma onlara çatmağa çalışanda sağlam məntiqi, təmkini unutmayın. Dəyər və önəm verdiyiniz məqamları alt-üst etməyin.

Günün ikinci yarısında peşəkar fəaliyyətlə bağlı tələsik qərar verməyin. İşdə rəhbərlik və həmkarlarla münasibətləri korlamayın.

Yüksək emosional gərginlik ailə üzvləri ilə münasibətlərə qətiyyən təsir etməməlidir. Münaqişə riski, onsuz da, az deyil. Öz hisslərinizdən savayı, başqaların emosiyaları və gözləntilərini dəyərləndirməyi bacarın. Yaxınlarınızın xətrinə dəyəcək, əhvalını poza biləcək sözlər deməyin.

Buğa - sizə paxıllıq edən və əllərinə imkan düşən kimi problemlər yaratmağa çalışan insanlarla ünsiyyətdə olmaq məcburiyyətindəsiniz. Belələrindən uzaq durmaq istəsəniz də, bu gün alınmayacaq. Aldığınız işgüzar təkliflər ilk baxışdan cazibədar təsir bağışlayır. Amma unutmayın ki, həmin təkliflərdən birini qəbul etsəniz, çox işləməli olacaqsınız.

Günün ikinci yarısında bel bağladığınız uğur olmayacaq. Daha doğrusu, uğur gecikir.

Yaxınlarınız sizə real yardım edə bilməsələr də, xoş söz və yaxşı məsləhətə simiclik etməyəcəklər. Uşaqlarla ünsiyyət sizi sevindirəcək. Ailədəki durum yaxşıdır. Nikbinlik üçün səbəblər az deyil.

Əkizlər - bir işə başlayıb onu yarımçıq qoymaq və sonra da yeni işə başlamaq yaxşı məziyyət deyil. Uğursuzluqlarınızda ətrafınızdakı insanları suçlamayın.

İşdə qəflətən işinizi yoxlamaq fikrinə düşmüş rəhbərdən tutmuş, dükanda sizin dediyinizə yetərincə reaksiya verməyən satıcıya qədər hamını və hər kəsi düşmən saymayın. İmiclə eksperimentlər aparmayın. Nəticənin sizi narazı salması ehtimalı çoxdur.

Günün ikinci yarısında nikbinlik və sevinc üçün səbəb var. Görüşlərin sonucları yaxşıdır, səfərlər pis bitməyəcək.

Qıcıqlı və aqressiv olmayın. Duruma süni müdaxilə arzuolunmazdır.

Xərçəng - bu gün ən kiçik səhv, xırda yanlışlıq nəzərdən qaçmayacaq. Bu səhvi görəcək, müzakirə edəcək, yadda saxlayacaqlar. Mövqeyinə, fikrinə, sözlərinə önəm verdiyiniz insana da o səhv barədə xəbər veriləcək. Tam etibar etmədiyiniz insanlarla fikirlərinizi, ideyalarınızı, niyyətlərinizi bölüşməyin.

Nə qədər az danışsanız, bir o qədər yaxşıdır.

Günün ikinci yarısında yaradıcı yanaşma tələb edən işlərdə uğurlar olacaq. Olaylara qeyri-standart yanaşmada irəliləyiş ola bilər. Sevdiyiniz insan orijinal ideyalarınızı bəyənəcək.

Yeni tanışlıqlar və romantik münasibətlər üçün əlverişli zamandır.

Şir - yeni işləri sürətlə başa vurmaq mümkün deyil. Sınanmış müttəfiqlər və köhnə dostların yardımlarına, habelə dəstəyinə arxalanaraq problemləri həll edə bilərsiniz. Bir zamanlar əməkdaşlıq etdiyiniz insan indi sizə maraqlı işgüzar təklif yollayıb. Əməkdaşlıq, birgə iş məhsuldar olacaq. Amma işlərin əksəriyyətini siz görməli olacaqsınız: buna hazır olun.

Günün ikinci yarısı yaxınlarla ünsiyyət üçün münasibdir. Yanlış anlaşılmaqdan çəkinməyərək ən ciddi məsələləri müzakirə etmək olar.

Sevdiyiniz, dəyər verdiyiniz insanı sevindirin.

Qız - hadisələr gözlədiyinizdən, təxminlədiyinizdən də sürətlə inkişaf edir. Situasiyanı ayrıd etməyə, müsbət və mənfi yönləri dəyərləndirməyə vaxt yoxdur. Etibar etdiyiniz insanla məsləhətləşmək də çətindir.

Peşəkar fəaliyyət və maliyyə məsələlərində intuisiyanıza güvənə bilərsiniz. Şəxsi münasibətlərə gəldikdə isə daxilinizdəki səs susacaq.

Günün ikinci yarısında alış-verişdə bədxərclik etməyin. Valideynlər uşaqları anlamağa çətinlik çəkəcəklər. Bu səbəbdən ailədə münasibətlər gərginləşə bilər.

Tərəzi - səhər saatlarından etibarən fəallıqla, şövqlə çalışın. Ciddi uğurlara nail olmaq, uzun zamandan bəri həllini gözləyən problemi çözmək imkanları var. Qəfil ideyalar və standart olmayan qərarlar maneələri dəf edərək irəliləyişinizə imkan verəcək. Yaxşı gəlir əldə edə bilərsiniz.

Günün ikinci yarısında enerji potensialının səviyyəsi aşağı düşəcək, yorulmağa başlayacaqsınız.

Sevdiyiniz insanla ünsiyyət, gəzinti axşam saatlarında sizə pozitiv emosiyalar bəxş edəcək.

Əqrəb - adi günlərlə müqayisədə daha çox işləsəniz də, uğurlarınız çox deyil. Halbuki daha az çalışanların əldə etdikləri gəlir daha çoxdur. Mühüm danışıqlar aparmağa dəyməz. Yaxşı tanımadığınız insanlara etibar etməyin.

Günün ikinci yarısında alış-veriş etmək olar. Sonrakı nəticələri düşünmədən qərar qəbul etməyin. Yeni münasibətlər ciddi təmaslara çevrilə bilər.

Axşam saatları qarderobu yeniləmək üçün münasib zamandır.

Oxatan - hər şey istədiyiniz kimi olmasa da, ruhdan düşməyin. Məqsədə doğru yolda yaranan çətinlikləri dəf edin və maneələrin bədbinlik yaratmasına imkan verməyin. Maraqlı tanışlıqlar ola bilər. Onların bəziləri az sonra işgüzar baxımdan sərfəli olacaq.

Günün ikinci yarısı anlaşma, sövdələşmə, uzunmüddətli əməkdaşlıqla bağlı razılaşma üçün əlverişlidir. Yeni işə başlamaq olar.

İnsanların gur olduğu yerlərə qatılmayın. Asudə zamanınızı yaxınlarınızla ünsiyyətə həsr edin.

Axşam saatları detallara diqqət, xırdalıqların təhlili üçün münasibdir.

Maliyyə məsələlərini həll edin. Səhvə yol verməyin, pulları dəqiq hesablayın.

Oğlaq - sərt və aqressiv olmayın. Yaxın ətrafınızdakı insanlarla mükalimələrdə sərvaxt, həssas olun. Səbrli və təmkinli davranın. İşdə sizdən daha az təcrübə və biliyə malik həmkarların lovğa, təşəxxüslü davranışlarına dözmək asan deyil.

Amma dözün, çünki bu adamlardan bəziləri sizi təbdən çıxararaq yanlış addımlar atmağa vadar etmək istəyirlər.

Günün ikinci yarısı çətin dönəmdir. Ünsiyyətdə diqqətli olun. Danışıq və müzakirələrdə mövqelərinizdən geri çəkilməyin.

Axşam saatlarında normal istirahət etməyə çalışın.

Dolça - səhhətinizdə problemlər yarana bilər. Adi günlərlə müqayisədə daha tez yorulur, usanırsınız. Bu səbəbdən ağır fiziki və ya intellektual işi təxirə salın.

Gün pis deyil. İşdə həmkarlarla asanlıqla dil tapacaq, hətta uzun müddətdən bəri ixtilafda olduğunuz insanla ortaq məxrəcə gələcəksiniz. Yeni və məhsuldar əməkdaşlıq başlana bilər.

Günün ikinci yarısında intuisiyanız kəskindir. Düşünüb-daşınmaq üçün vaxt çox olmasa da, mühüm qərarları asanlıqla qəbul etmək mümkündür. Alış-verişdə simic davranmayın.

Axşam saatlarında gəlirlər istisna deyil.

Balıqlar - istənilən formada mühüm söhbətləri ənənəvi, adət etdiyiniz şəraitdə aparın. Belədə diqqətinizi daha asan və rahatlıqla cəmləyəcək, dürüst qərar qəbul edəcəksiniz. Səfərə yollanmazdan əvvəl etibar etdiyiniz insanla danışın. Yeni tanışlıqlar, əlaqələr və təmaslar istisna deyil.

Günün ikinci yarısında aktiv və enerjili olun. İndiyədək həlli mümkünsüz saydığınız problemi çözə bilərsiniz. Yarımçıq işləri tamamlayın.

Axşam saatlarında xoş xəbər alacaqsınız.

Ölkə.Az

ŞƏRH YAZ
0

Rəhbərlik qarşınızda yüksək tələblər qoyur — Günün ulduz falı

Rəhbərlik qarşınızda yüksək tələblər qoyur
00:43
Bu gün
6012
Maraqlı
A
"Ölkə.Az" milli.az-a istinadən günün qoroskopunu təqdim edir:

Qoç - böyük uğurlar əldə etmək istəyirsiniz. Amma əlverişli gün deyil. Ətrafınızdakı insanlar arasında sizə mane olmaq istəyənlər və ya sizdən öz maraqları üçün yararlanmaq fikrinə düşənlər az deyil. İşdə həmkarlarla dil tapmaq asan deyil. Rəhbərlik qarşınızda yüksək tələblər qoyur. O tələblərin hamısını yerinə yetirmək asan deyil.

Nikbin olun. Yanınızdakı şəxslərdən fərqli olaraq ruhdan düşməyin. Sizi qeyri-ciddilikdə suçlaya bilərlər. Məsuliyyətli olun. Mövqeyinizdən geri çəkilməyin, amma aqressivlik də etməyin. Əks təqdirdə ünvanınıza yeni tənqidlər eşidəcəksiniz.

Buğa - bu gün yaranacaq çoxsaylı çətinliklər peşəkar fəaliyyət sahənizdəki məsələləri vaxtında həll etməyə mane olur. İşdə rəhbərliklə fikir ayrılıqları istisna deyil. İş yerini dəyişmək barədə düşünə bilərsiniz. Yekun qərar verməyə tələsməyin. Bir qədər sonra, vəziyyət stabilləşəndə hər şeyin o qədər də pis olmadığını anlayacaqsınız.

Ənənəvi rejimə riayət edin. Spontan qərarlar əhvalınıza pis təsir edə bilər. Kulinar eksperimentlər üçün əlverişsiz gündür.

Əkizlər - əla və ya yaxşı nəticələrə nail olmaq üçün ənənəvi taktikadan imtina edərək riskə getmək lazımdır. Maraqlandığınız sualların cavabları uzaqda deyil. Gərəkli informasiya əldə etmək üçün çətinlik çəkmək gərəkdir.

Emosional durumunuza nəzarət edin. Ruhdan düşməyin, pərişanlığa qapılmayın. İşlərinizdə nizama riayət edin.

Yaxın ətrafınızdakı insanlarla münasibətlərə fikir verin. Münasibətləri təhlil edin, bəzi əlaqələrdən boyun qaçırın. Əks cinsin mənsubları ilə əlaqələri qaydaya salın. Özünüz istəmədən belə, təmaslarda problemlər yarada bilərsiniz.

Xərçəng - işgüzar görüşlər və mühüm məsələlərin müzakirəsi üçün əlverişli gün deyil. Əldə etdiyiniz bütün uğurlar hələlik ilkin səciyyəlidir. Onlara sonradan yenidən baxmaq olar.

Peşəkar fəaliyyət müstəvisində isə durum dəyişə bilər. Bu gün alacağınız təkliflər maraqlı təsir bağışlaya bilər. Amma saatlar keçdikcə şərtlər pisləşəcək.

Günün ikinci yarısında əhvalınızın pisləşməsi, xroniki xəstəliklər və ağrıların yaranması istisna deyil.

Pəhriz saxlayırsınızsa, şərtləri əsla pozmayın.

Axşam saatlarında gəzintiyə çıxın.

Şir - çoxsaylı kiçik problemlər əhvalınızı poza bilər. Yolunuzda qəflətən yaranan sədlər sizi ruhdan salmasın. Qüvvələrinizə inanın və nikbin olun. Yaxın ətrafınızdakı insanlar sizə güvənirlər. Onlara mənəvi dəstək olun.

Yeni romantik münasibətlərin başlaması mümkündür. Yeni taışlıqlardan biri az sonra ciddi təmasa çevriləcək və yaşamınızda mühüm rol oynayacaq.

Ailə münasibətləri üçün yaxşı gündür. Yaxınlarla dil tapmaq asan deyil.

Qız - istənilən format və xassəli dəyişikliklər üçün əlverişli gündür. Nə istədiyinizi, bunun üçün nə etmək gərəkdiyini dəqiqləşdirin. Bədxahlardan biri sizi yoldan çıxarmaq istəyir. Onun uğur əldə etməsinə imkan verməyin. Nüfuzlu şəxslə mübahisələrdə mövqeyinizi qoruyun.

Opponentlər haqlı olduğunuzu etiraf etmək məcburiyyətində qalacaqlar.

Yaxınlarınızla münasibətlərdə güzəştə getməyi bacarın. Dartışmanı münaqişəyə çatdırmayın. Fəqət, bütün təmaslarda harmoniyaya da bel bağlamayın.

Axşam saatlarında səhhətdə kiçik problemlər, yuxusuzluq ola bilər.

Tərəzi - çoxsaylı yeni ideyalar yaranır. Onları qulaqardına vurmayın. Yaradıcılıq potensialı səviyyəsi yüksəkdir. Müşahidələrinizdə dəqiq olun. Paradoksal nəticələrə gəlməyin, səlis davranın. Yaxın ətrafınızdakı insanlar sizdən nümunə götürməyə çalışırlar. Müttəfiq və həmfikirlərlə yanaşı, sizinlə çalışmaq, əməkdaşlıq yaratmaq istəyən insanlar peyda olur.

 

Təmirə başlamaq, yaşam arealında dəyişikliklər etmək olar. Ailə və məişət qayğılarını çözün. İşlər lap çox olsa belə, yorğunluqdan şikayətlənməyin.

Əqrəb - gün çətinliklər və problemlər vəd edir. Bütün bunlara rəğmən məqsədə doğru qətiyyətlə irəliləyin. Uğur istədiyiniz kimi asanlıqla əldə olunmur. Maliyyə çətinlikləri yarana bilər. Nəzərdə tutulmamış alış-verişə yollanmayın.

Səfəri təxirə salın. Bu gün səfər və ya səyahət yorucu, faydasızdır.

Fəaliyyət sahənizlə bağlı xoş xəbər alacaqsınız. Karyera müstəvisində irəliləmək şansı var.

Əyləncəyə vaxt yoxdur.

Oxatan - ilk baxışdan faydasız görünsə də, əslində böyük əhəmiyyət kəsb edən məlumat alacaqsınız. Bir qədər keçəcək və anlayacaqsınız ki, bu informasiya yetərincə dəyərlidir. İşgüzar fəaliyyət və ya şəxsi münasibətlər müstəvisində gözlənilməz təklifin alınması mümkündür. Yaşamınızda ciddi dəyişikliklərə hazırsınızsa, həmin təklifi qəbul edin.

Travma riskinin az olmadığı gündür. Səfərdə, səyahətdə, iti və kəsici alətlərlə iş zamanı ehtiyatlı olun. Sayıq davranın. Enerji potensialı səviyyəsi yüksəkdir.

Özünüzü yaxşı hiss edirsiniz. Yaralar tez sağalır.

Oğlaq - maliyyə məsələlərində mümkün qədər ehtiyatlı olun. Pulları itirmək çox asandır. Qazanc əldə etmək və ya itkiləri bərpa etmək üçün çox çətindir. İşdə və ya evdə münaqişələr ola bilər. Yalnız xoş sözlər eşitməyə adət etdiyiniz insanlar belə davranışınızdan narazı qaldıqlarını gizlətmirlər.

Günün ikinci yarısında əhvalınız pisləşə bilər. Emosional baxımdan mürəkkəb zamandır. Dözümsüz, qıxıqlı olmayın. Aqressiv davranmayın. Mənfi emosiyalarınızı cilovlayın.

Dolça - gün ilk baxışdan göründüyü təki pis deyil. Bəzi problemlər yaransa da, onları tez, əlahiddə səy göstərmədən həll edin. Yeni tanışlıqlar şəxsi münasibətlər və işgüzar fəaliyyət baxımından faydalı ola bilər.

Aktual məsələ ilə bağlı mövqeyinizi açıq bildirməkdən çəkinməyin. Fikirlərinizin yaxın ətrafınızdakı insanların düşüncələri ilə üst-üstə düşməməsindən qorxmayın. Hadisələrin inkişaf məcrası məhz sizin haqlı olduğunuzu göstərəcək.

Qəfil, nəzərdə tutulmamış səyahət və ya səfər pozitiv emosiyalar bəxş edəcək, sizə yeni nə isə öyrədəcək.

Yaxınlarınızla fikir ayrılıqlarını aradan qaldırın, ailədəki xoş münasibətləri bərpa edin.

Balıqlar - təfərrüatlara və xırdalıqlara diqqətli olun. Sənədlərlə, hesablamalarla iş zamanı sayıq davranın. Sizdən dəqiqlik tələb olunur.

Gəlir istisna deyil. Pula ehtiyacınız var.

Alış-veriş sərfəli ola bilər.

Bilik və bacarıqların artırılması, yeni təcrübənin mənimsənilməsi üçün əlverişli zamandır. Dünyagörüşünüzü artırın. Faydalı məlumatlarla informasiyaları tez yadda saxlayın. Gərəksiz xəbərləri yadda saxlamaqla hafizənizi yükləməyin.

Axşam saatlarını istirahətə həsr edin.

Ölkə.Az

ŞƏRH YAZ
0

Ürək ritminin pozulması — XƏSTƏLİKDİRMİ?

Ürək ritminin pozulması
23:59
22.01.2019
2804
Maraqlı
A
Ürək ritminin pozulması və ya möhkəm döyünməsi - həyəcan doğuran narahat bir hissdir. Amma mütəxəssislər bildirirlər ki, bu cür halın səbəbi həmişə ürək xəstəliyi olmur.

"Ölkə.Az" medicina.az-a istinadən qeyri-adi ürək döyünməsinin hansı hallarda ürək patologiyasından xəbər vermədiyini açıqlayır.

Normal halda insan ürək döyüntüsünü hiss etməməlidir. Amma bəzən bu hal yaşanır ki, həkimlər onu ürək döyünməsi adlandırırlar. Bu zaman ürəkdə qeyri-ritmik döyünmələr və  çırpınma hiss edilir. Mütəxəssislər bildirirlər ki, bir çox hallarda döyünmələr ürək xəstəlikləri ilə əlaqəli deyil. Hər bir insan vaxtaşırı olaraq bu cür vəziyyətə düşə bilər. Ürək sağlam olduqda bu heç bir təhlükə daşımır. Amma bu hal yanaşı olaraq digər əlamətlərlə uzun müddət davam edərsə, o zaman həkimə müraciət edilməlidir.

Ürək döyüntüləri ürəklə bağlı olmasa belə hansısa digər ciddi bir xəstəliyin əlaməti ola bilər. Buna görə də bu əlaməti görməzdən gəlmək olmaz.

Səbəbləri:

1)Stress. Bu amil ürək ritminin pozulmasının əsas səbəblərindəndir. Emosional zərbə, fiziki gərginlik və uzun müddətli həyəcan ürək döyünməsinə səbəb ola bilər.
 
2)Çox yorulma, yuxu pozulması da ürəyin işinə təsir göstərir.

3)Alkoqol. Spirtli içkilərdən həddən artıq istifadə ürək ritminin pozulmasına gətirib çıxarır. Həmçinin sinir sistemi oyadan qəhvə, cola, tünd çay kimi tonuslaşdırıcı içkilər, narkotik də sinir sistemini oyaradaq ürək əzələsinin sürətlə işləməsinə səbəb olur.

4)Ürək döyünməsinin səbəbi isti və bir sıra dərmanların təsiri də ola bilər.  Bu dərmanlara allergiya əleyhinə olan həblər, kortikosteroidlər və damarları genişləndirən bir sıra preparatlar daxildir.

Ürək ritmini aşağıdakı xəstəliklər də poza bilər: anemiya, qalxanabənzər vəzin hiperfunksiyası, diabet, menopauza. Hormonal balansın pozulması, yüksək hərarət ürək əzələsinə düşən  giziki gərginliyi artıraraq onun ritmini pozur. Həmçinin mədə və 12 barmaq bağırsaq, sinir xəstəlikləri və psixi pozğunluqlar da bu vəziyyətin yaranmasına səbəb olur.

Ölkə.Az

ŞƏRH YAZ
0
BAĞLA