Axşam saatlarını açıq havada keçirin

Axşam saatlarını açıq havada keçirin
00:40
18.02.2018
6601
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - hər şeyi atıb dünyanın o başına getmək, canınızı boğaza yığmış şəraitdən və insanlardan qurtulmaq istəyirsiniz. Di gəl, bir qədər əvvəl verilmiş vədləri yerinə yetirmək, öhdəlikləri icra etmək gərəkdir. Bezməyin, soyuqqanlı qalın.

Günün ikinci yarısı birgə layihələrin reallaşdırılması, ümumi məqsədə çatmaq üçün səylərin birləşdirilməsi üçün əlverişli deyil. Ən yaxşı ideyanın müzakirəsini ixtilaf, mübahisə, münasibətlərin aydınlaşdırılması korlaya bilər.

Buğa - ehtiyatlı olun, günün ilk yarısında ciddi problemlər yarana bilər. Onların həlli ilə ciddi şəkildə məşğul olun. Məntiqli olun, vaxtınızı mənasız işlərə həsr etməyin. İşgüzar tərəfdaşlar və müttəfiqlərlə cari məsələləri müzakirə edərkən emosional olmayın.

Planları reallaşdırmağa başlayanda effektiv fəaliyyət göstərin.

Günün ikinci yarısında peşəkar fəaliyyət müstəvisində uğurlar istisna deyil. Liderlik məziyyətlərinizi nümayiş etdirin. Sizə inanan insanların etimadını doğrultmağa çalışın. Səfər və ya səyahət pis alınmayacaq. Şəxsi münasibətlərdə aktivləşin. Qətiyyətli olsanız, çoxdankı arzulardan birini çin edə bilərsiniz. Gəlirin məbləği böyük olmasa da, pullar işinizə yarayacaq.

Alış-verişdə ifrat simiclik etməyin.

Əkizlər - bəyəndiyiniz və ya maraqlandığınız işlə məşğul ola bilərsiniz. Ən müşkül məsələnin həllində yaradıcı fantaziyanızı işə salın. İdeyalarınızın kreativ olmasına çalışın.

Fiziki təmrinləri də unutmağa dəyməz. Xoş əhvallı, nikbin olun. Rutin məsələlər və ya qəflətən yaranan problemi əhvalınızı əsla korlamamalıdır.

Günün ikinci yarısında enerji potensialınızın səviyyəsi yüksək olacaq. Sevdiyiniz insanı sevindirin. Dost və ya tanışların müraciəti axşamla bağlı planların dəyişməsinə səbəb ola bilər.

Xərçəng - ən adi işlərlə yanaşı, mühüm məsələlərin çözülməsi üçün yaxşı zamandır. Bununla belə, genişmiqyaslı və yeni layihəyə başlayarkən səbrli olun, aramla davranın. İndi ağır işə başlamaq üçün əlverişli zamanın axtarılması vaxtıdır.

Günün ikinci yarısında işgüzar danışıqlar aparmaq olar. Yaxınlarınız sizi dəstəkləyəcək, planlarızın reallaşdırılmasında yardım edəcəklər. Ailədə nüfuzunuz artacaq.

Axşam saatlarını açıq havada keçirin.

Şir - kütlədən fərqlənməyə çalışın, boz və yeknəsək fərd olmayın. Diqqət mərkəzində olacaqsınız. Dediyiniz sözləri unutmayacaqlar.

Sizə paxıllıq edən insanın toruna düşməyin. Əməllərinizə fikir verin. Kimin rəqib, kimin də dost olduğu az sonra aydınlaşacaq.

Ailə həyatı xoşdur. Axşam saatlarında romantik hisslər istisna deyil.

Qız - peşəkar fəaliyyətiniz kommunikasiyalar və ünsiyyətlə bağlıdırsa, yaxşı vaxtdır. Nigaran qalmayın, problemlər olmayacaq. İmiclə eksperimentləri unutmayın. Zövqsüz fərd təsiri bağışlamayın. Qəlizləşən situasiyadan çıxış yolu tapmaq üçün orijinal, cəsarətli variantı seçə bilərsiniz.

Günün ikinci yarısında xoşagəlməz, abırsız insanla danışmalı olacaqsınız. Bu mükaliməni tezliklə unutmağa çalışın. Alış-verişdə bədxərclik etməyin. Axşam saatlarında yaxşı istirahət edin.

Tərəzi - qətiyyətli olun, iradəli qərarlar qəbul edin. Laübəli və bədgüman əməllər fəsadlara səbəb ola bilər. Soyuqqanlı olun, mövqelərinizi konkretləşdirin. Hədəfləri müəyyənləşdirəndən sonra irəliləməyə başlayın. Ötənlərdəki uğursuzluqlar sizdə bədbinlik yaratmamalıdır.

Günün ikinci yarısında yaxınlarınız sizdən diqqət və qayğı istəyirlər. Onları anlayın, yardıma ehtiyacı olanlara kömək edin. Cəsarətli olun, riskdən çəkinməyin. Arzunuza doğru aparan yoldan kimsə və ya nəsə sizi sapdırmamalıdır.

Əqrəb - bilik və bacarıqların artırılması, yeni təcrübənin əxz olunması üçün yaxşı zamandır. Problemlərin həllində kreativ olun. Müzakirələr və danışıqlar aparın, qarşınıza qoyduğunuz məqsədə çatmaq üçün praqmat davranın.

Günün ikinci yarısında davranışınıza fikir verin. Hisslərə nəzarət etmək çətin olsa da, bunu bacarın.

Sevdiyiniz insanla və yaxınlarınızla münasibətlərinizdə hissləriniz tarıma çəkilə bilər. Ekstravaqant addım və ya qərar sizi sinirləndirməsin. Yeni tanışlıqlar istisna deyil. Amma onlar ani olacaqlar.

Oxatan - yarımçıq qalmış işləri tamamlamağa başlayın. Necə fəaliyyət göstərəcəyinizi, hansı istiqamətə üstünlük verəcəyinizi müəyyənləşdirin. İşlərə dostlarınızı və yaxınlarınızı da cəlb edə bilərsiniz. Məqsədə çatmaq üçün effektiv hesab etdiyiniz vasitələrdən yararlanın.

Günün ikinci yarısında planları həyata keçirmək üçün bütün şanslarınız var.

Dostlarınızı qonaq dəvət edə bilərsiniz. Axşam saatlarını əyləncəyə həsr edin. Görüşlər olacaq, amma onlar uzunmüddətli əlaqələrə çevrilməyəcəklər.

Oğlaq - yaxşı tanımadığınız insanların məclisində olanda sayıq olun. Bələd olmadığınız insanlara sirlərinizi verməyin. Dünyaya həddən artıq nikbin baxmayın. Sərvaxtlığı əldən verməyin. Emosiyalarınıza nəzarət edin. Vaxtında dayanmağı, sonradan peşmançılıq və təəssüf hissləri yaradacaq addımları atmamağı bacarın.

Günün ikinci yarısında şəxsi münasibətlərdə ideallara qapılmayın. Dəyər verdiyiniz insanla bağlı illüziyaların heç bir əsası yoxdur. Bununla belə, sevdiyiniz insandan dəstək və qayğıkeşlik görəcəksiniz.

Bununla belə, təmkinli davranın.

Dolça - çoxdan hazırladığınız planlardan və ya ideyalarından birini reallaşdırmaq olar. Hadisələrin məcrasına süni təkan verməyin. Müdaxilələr yolverilməzdir. İzafi tələskənlik yaxın ətrafınızdakı insanlarla münasibətləri gərginləşdirə bilər.

Günün ikinci yarısında normal fəaliyyət göstərin. Fiziki durumunuzu yaxşılaşdırın. Ev işlərinin öhdəsindən gələndə aramla çalışın.

Axşam saatları romantik hisslər vəd edir. Sevdiyiniz insanla ikilikdə qala bilərsiniz.

Balıqlar - enerjiniz və qüvvəniz çox olduğundaqn aktiv fəaliyyət göstərin. Yeni ideyalar istisna deyil. Zahiri görünüşünüzə fikir verin. Qidalanmanız rasional və sağlam olmalıdır. Ənənəvi sistemdən kənara çıxmayın.

Günün ikinci yarısında əhvalınız pis olmayacaq. Ailə üzvlərinin qayğısına qalın, onların durumu ilə yaxından maraqlanın. Problemlərin həllində laqeydlik göstərməyin. Subaysınızsa, axşam saatlarında maraqlı insanla qarşılaşa bilərsiniz.

Ölkə.Az

ŞƏRH YAZ
1

Rəhbərliklə aşkar münaqişəyə başlamayın

Rəhbərliklə aşkar münaqişəyə başlamayın
01:28
Bu gün
420
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - çoxdan başladığınız işi bu gün başa vura bilərsiniz. Layihələri yarımçıq qoymayın. Yaşamınıza əhəmiyyətli dərəcədə təsir edə biləcək qərar istisna deyil. Yaşam və iş yerini dəyişmək, kollektiv fəaliyyəti intensivləşdirmək üçün münasib zamandır.

Günün ikinci yarısında iş yerində rəhbərliklə aşkar münaqişəyə başlamayın. Həmkarlarla münasibətləri ayırd etməyin zamanı deyil. Münasibətlərinə önəm verdiyiniz insanın istəklərinə diqqətlə yanaşın.

Axşam saatları romantik macəra üçün əlverişli vaxt deyil.

Buğa - işgüzar danışıqlar, müzakirələr, bacarıqların nümayişi üçün əlverişli zamandır. Emosional fonu kontrolda saxlayın. Mübahisələrin konstruktiv məcrada olmasına çalışın.

Gün bol sürprizlər vəd edir. Hadisələrin axarı pozitiv və ya mənfi ola bilər. Hər şey sizdən asılıdır. Çalışdığınız insanların məramlarına fikir verin. Münasibətləri balanslaşdırın. Yollarda ehtiyatlı olun. Axşam saatlarında sakit istirahət edin.

Maliyyə məsələləri xüsusi diqqət tələb edir. İmpulsa aldanaraq itkilər verməyin, mənasız xərclər etməyin. Problemlərin uğurlu həllini tapmaq olar.

Əkizlər - ağır işə, genişmiqyaslı layihəyə başlamağın zamanı deyil. Qüvvələrinizi bərabər paylaşdırmasanız, potensialınızı dürüst qiymətləndirməsəniz, uğursuzluğa düçar ola bilərsiniz. İfrat yorğunluğa mübtəla olmayın.

Günün ikinci yarısında sayıq və diqqətli olun. Ətrafınızdakı insanlarla birbaşa qarşıdurmadan yayının. Bütün mübahisəli məsələləri sülh yolu ilə, danışıqlarla həll etmək olar. Təhqir, təhdid, zor tətbiqi yolverilməzdir.
Ailə üzvləri daha çox diqqət tələb edirlər. Sizə ehtiyacı olan insanların qayğısına qalın.

Xərçəng - günün ilk yarısındakı qeyri-müəyyənlik ciddi narahatlıq yarada bilər. Ailə işləri və məişət qayğıları ilə bağlı durumdakı çətinlikləri aradan qaldırın. Yaşam arealında qayda yaradın. Resurs və ehtiyatlarınızı dəyərləndirin. Alış-veriş etmək olar.

Günün ikinci yarısında məşğuliyyətinizi və ünsiyyət çevrənizi təftişə uğrada bilərsiniz. Münaqişəli situsiyaların, sizi asılı duruma salmaq istəyən insanların iradlarının az olduğu durumu seçin. Təmkinli olun. Kobudluğa kobudluqla, aqressiya ilə cavab verməyin. Estetikaya, gözəlliyə tələbat arta bilər. Qarderob və aksessuarların yenilənməsi üçün münasib zamandır.

Axşam saatlarında yaxşı bələd olmadığınız yerdə istirahət etməyin.

Şir - maliyyə məsələlərində diqqətli davranın. Pullarınızın qədrini bilin, bədxərclik etməyin. Əks halda borca düşə bilərsiniz. Yaxın ətrafınızdakı insanlardan birinin yardıma ehtiyacı var.

Çılğın olmayın, emosiyalarınızı idarə edin.

Günün ikinci yarısında tanış və dostlardan dəstəyi əsirgəməyin. Sifarişçi, müştəri, tərəfdaş və ya şəriklə görüşdə mümkün qədər diqqətli davranın. Eşitməklə yanaşı, deyilənin məğzini anlayın. Sözlərin fərqli mənalarını qulaqardına vurmayın.

Qız - mümkün qədər intizamlı, məsuliyyətli olun. Əməllərinizə və sözlərinizə görə cavab verməli olduğunuzu unutmayın. Vədlərə əməl edin. Yalançı, unutqan insan təsiri bağışlamayın.

Günün ikinci yarısında dostların, qohumların təkliflərini nəzərə alın. Başqalarının fikirlərinə sayğı ilə yanaşın. Təxribatlara uymayın, səbrli və təmkinli davranın. Mövqelərinizdən əsla geri çəkilməyin. 
Vicdansız insanların yalanlarının qurbanı olmayın.

Tərəzi - situasiyalarda qəfil, əsla nəzərdə tutulmamış dəyişikliklər ola bilər. Kölgəyə çəkilin, bir qədər sakit davranın. Ətrafınızda baş verənləri diqqətlə müşahidə edin. Maraqlandığınız işdə uğurlar əldə edə bilərsiniz.

Günün ikinci yarısında yeni layihəyə başlamayın. İti və kəsici alətlərlə ehtiyatlı davranın. Yaxın ətrafınızdakı insanlarla təmaslarda gərginlik, qarşılıqlı iradlar olacaq. Fikir ayrılıqlarını normal şəkildə nizamlayın. Günün təmayüllərini nəzərə alaraq problemləri dərhal aradan qaldırın. Axşam saatlarında yeni ideyalar istisna deyil.

Əqrəb - yaxın ətrafınızdakı insanlarla münasibətlərinizdə gərginlik yaranacaq. Kənardan təsirlərin artmasına hazır olun. Mühüm informasiyanı, xəbərləri sizdən gizlədəcəklər. Situasiyanın tələb etdiyi addımların ardıcıllığını intuisiyanız sizə deyəcək.

Günün ikinci yarısında mübahisələrə qarışmayın. Ailə üzvləri ilə təmaslarda qayğıkeş və alicənab olun. Zəifə, ağır durumda çaş-baş qalmış insana yardım edin. Sevdiyiniz insandan çoxsalyı sirlər saxlamayın. Axşam saatlarında vəziyyət sakit olsa da, hansısa işi başa çatdırmaq asan deyil.

Oxatan - məşğul olduğunuz işə bütün diqqətinizi və vaxtınızı ayırsanız, ciddi uğurlara nail ola bilərsiniz. Başladığınız işi əsla yarımçıq qoymayın. Məqsədə doğru inadla, qətiyyətlə irəliləyin.

Günün ikinci yarısında məqsədə aparan yoldan sapmayın. Hədəfi "vurmaq" üçün yardımlara ehtiyacınız var. Etibar etdiyiniz insanın, inandığınız yoldaşın köməyindən bəhrələnə bilərsiniz. Dedi-qodulara aldanmayın.
Axşam saatlarında çevik və hətta hiyləgər olun.

Oğlaq - bütün diqqəti əsas məsələnin həllinə yönəldin. Cari işləri uğurla başa vurun, axşamalara və ləngimələrə şərait yaratmayın. Aktiv olun, rəqiblərinizi üstələmək üçün bütün gərəkli metod və vasitələrdən yararlanın. Təsadüfi maneələr və kənar təsirlər sizi yolunuzdan döndərməməlidir.

Günün ikinci yarısında yaxın ətrafınızdakı insanlarla qarşıdurmaya zəmin yaratmayın. Axşam saatlarını ailə üzvlərinə həsr edin. Qarşılıqlı anlaşma və səmimiyyətə ehtiyac duyulur.

Dolça - şəxsi münasibətlər və karyeranızla bağlı durum motivasiyadan asılıdır. Qətiyyətli olun, kiçik problemlərə görə ruhdan düşməyin. Peşəkar fəaliyyət müstəvisində kənar təsirlərin güclənməsinə imkan verməyin. Yeni işə başlamaq, gəlir mənbələrini artırmaq olar.

Günün ikinci yarısında rəqiblərlə tərəfdaşları ayırd etməyi bacarın.
Yaxınlarınız və qohumlarınızla qarşılıqlı anlaşmanın güclənməsi sizdən asılıdır. Peşəkar məziyyətlərinizdən yararlanın, uğurlarınızı artırın. Yeni iş yeri və ya gəlir mənbəyini əldə etmək üçün adekvat addımlar atın. 

Günün ikinci yarısında yaxın ətrafınızdakı insanlarla münasibətlərinizin gərilməsiən can atmayın. Həssas, qayğıkeş olun. Münaqişə yaranarsa, səbrli və təmkinli davranın. 

Axşam saatlarında təmkinli olun.

Balıqlar - başqalarının mövqelərindən və fikirlərindən çox asılı olmayın. Öz biliklərinizə, bacarıqlarınıza güvənin. İntuisiyanız sizi aldatmayacaq. Yaxın ətrafınızdakı insanlarla ünsiyyət zamanı eşitdiyiniz hər sözə inanmayın.

Günün ikinci yarısında məqsədə doğru inamla irəliləyin. Aldığınız bəzi məlumatlar bilərəkdən təhrif olunub. Dostlarınızdan biri ilə münasibətləri bədxahlar korlamağa çalışırlar. Münaqişələri kompromis və güzəşt yolu ilə həll edin.

Neytral situasiyanın yaranması üçün təşəbbüskar olun.

Ölkə.Az

ŞƏRH YAZ
0

Rəssam meymunun əsərləri hərracda satılacaq — FOTOLAR

Rəssam meymunun əsərləri hərracda satılacaq
16:49
23.06.2018
2419
Maraqlı
A
Polşada yaşayan Lusi adlı sənətçi ruhlu şimpanze rəssamlığa başlayıb.

“Ölkə.Az” xəbər verir ki, şimpanzenin çəkdiyi rəsm əsərləri hərracda satışa çıxarılacaq.

Lusinin əsərləri Varşavadakı Praqa muzeyində sərgiyə çıxarılıb. Bu yaxınlarda isə “Vəhşi Şimpanzeləri Qoruma” cəmiyyətinin keçirəcəyi hərracda satışa çıxarılacaq.

15 yaşlı Lusi qadın paltarı geyinir, çanta daşıyır və təmizliyə xüsusi diqqət yetirir. O hər gün işini bitirdikdən sonra rəsm çəkir. Əvvəlcə onun üçün xüsusi hazırlanan boyaların dadına baxan Lusi sonradan rəsm çəkməyə başlayır.

Hikmət Həsənov
Ölkə.Az

ŞƏRH YAZ
0
BAĞLA