Axtarışda olan dələduzlar həbs edildi
Bakı şəhərində dələduzluq etməkdə şübhəli bilinən və axtarışda olan şəxslər həbs edilib.
"Ölkə.Az"ın əldə etdiyi məlumata əsasən, Xətai rayon Polis İdarəsinin əməkdaşları axtarışda olan dələduzu həbs etməyə müvəffəq olublar. Məlum olub ki, Cinayət Məcəlləsinin 178-ci ( dələdəzluq) maddəsi ilə axtarışda olan Bəhram Köçəri oğlu Həsənov Xətai RPİ-nin 37-ci Polis Bölməsinin əməkdaşları tərəfindən saxlanılıb. Faktla bağlı Xətai RPİ-nin İstintaq İdareəsində başlanılan araşdırmalar davam etdirilir.
Digər axtarışda olan şəxsi isə Suraxanı polisi saxlayıb. Sumqayıt şəhər Polis İdarəsi tərəfindən cinayət məcəlləsinin 178-ci maddəsi ilə axtarışda olan 1985-ci il təvəllüdlü Şirəli Nurəli oğlu Rzayev Suraxanı rayonu ərazisində saxlanılaraq aidiyyatı üzrə təhvil verilib.